ಇತ್ತೀಚಿ ದಿನಗಳಲ್ಲಿ ಸಮಾಜಿಕ ಜಾಲತಾಣಗಳು ನಮ್ಮ ಜೀವನದ ಒಂದು ಭಾಗವೇ ಆಗಿಬಿಟ್ಟಿವೆ. ಇಂತಹ ಸಮಾಜಿಕ ಜಾಲತಾಣಗಳಲ್ಲಿ ಸ್ನೇಹಿತರು ಹಾಗೂ ಮತ್ತೊಬ್ಬರ ಜೊತೆ ಚಾಟ್ ಮಾಡುವಾಗ ಸಂತಸದ ಕ್ಷಣಗಳನ್ನು ಹಂಚಿಕೊಳ್ಳಲು ಪ್ರತಿಯೊಬ್ಬರೂ ಹಾರ್ಟ್ ಸಿಂಬಲ್ ಅನ್ನು ಕಳುಹಿಸಿರುತ್ತಾರೆ. ಆದರೆ, ಸೌದಿ ಅರೇಬಿಯಾದಲ್ಲಿ ‘ರೆಡ್ ಹಾರ್ಟ್’ ಇಮೋಜಿ ಕಳುಹಿಸಿದರೆ ಅಪರಾಧ.
ಚಾಟಿಂಗ್ ವೇಳೆ ಹಾರ್ಟ್ ಸಿಂಬಲ್ ಕಳುಹಿಸುವುದು ಸೌದಿ ಅರೇಬಿಯಾದಲ್ಲಿ ಅಪರಾಧ. ಜನರು ವಾಟ್ಸ್ಆ್ಯಪ್ ಅಥವಾ ಇನ್ನಿತರ ಆ್ಯಪ್ಗಳಲ್ಲಿ ಕೆಂಪು ಹೃದಯದ ಎಮೋಜಿಯನ್ನು ಕಳುಹಿಸಿದರೆ ಜೈಲು ಶಿಕ್ಷೆಗೆ ಒಳಗಾಗುತ್ತಾರೆ. ಮಾತ್ರವಲ್ಲದೆ, ಕಳುಹಿಸುವವರಿಗೆ 20 ಲಕ್ಷದವರೆಗೆ ದಂಡ ವಿಧಿಸಲಾಗುತ್ತದೆ.
ಸೌದಿ ಸೈಬರ್ ತಜ್ಞರು ನೀಡಿದ ಮಾಹಿತಿಯಂತೆ, ಯಾರಿಗಾದರು ಕೆಂಪು ಹೃದಯದ ಎಮೋಜಿ ಕಳುಹಿಸಿ ತಪ್ಪಿತಸ್ಥರೆಂದು ಸಾಬೀತಾದರೆ ಎರಡರಿಂದ ಐದು ವರ್ಷಗಳ ಜೈಲು ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ. ಇದಲ್ಲದೆ, ಕಳುಹಿಸುವವರಿಗೆ ಒಂದು ಲಕ್ಷ ಸೌದಿ ರಿಯಾಲ್ ದಂಡ ಭಾರತೀಯ ರೂಪಾಯಿಗಳಲ್ಲಿ ಈ ಮೊತ್ತವು 20 ಲಕ್ಷಕ್ಕಿಂತ ಹೆಚ್ಚು ಹಣವನ್ನು ದಂಡವಾಗಿ ವಿಧಿಸಬಹುದು. ಅದೇ ಆರೋಪಿ ಮತ್ತೆ ಮತ್ತೆ ರೆಡ್ ಹಾರ್ಟ್ ಕಳುಹಿಸಿದರೆ 3 ಲಕ್ಷ ಸೌದಿ ರಿಯಾಲ್ ಹಾಗೂ 5 ವರ್ಷಗಳಿಗೂ ಹೆಚ್ಚು ಜೈಲು ಶಿಕ್ಷೆಯನ್ನು ವಿಧಿಸಬಹುದಾಗಿದೆ..