ಪ್ರೇಮಿಗಳ ದಿನದಂದೇ ನಟಿ ರಾಖಿ ಸಾವಂತ್ ತಮ್ಮ ದಾಂಪತ್ಯ ಜೀವನದಿಂದ ದೂರ ಸರಿಯುವುದಾಗಿ ತಿಳಿಸಿದ್ದಾರೆ. ಹಿಂದಿಯ ಮಾಜಿ ಬಿಗ್ ಬಾಸ್ ಸ್ಪರ್ಧಿ ಹಾಗೂ ನಟಿ ರಾಖಿ ಸಾವಂತ್ ಪತಿಯಿಂದ ದೂರ ಆಗಿರುವುದಾಗಿ ತಿಳಿಸಿದ್ದಾರೆ.
ಈ ಬಗ್ಗೆ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಬರೆದುಕೊಂಡಿರುವ ಅವರು, ಬಿಗ್ ಬಾಸ್ ಶೋ ಮುಗಿದ ನಂತರ ಸಾಕಷ್ಟು ಘಟನೆಗಳು ನಡೆದವು. ನನ್ನ ಕಂಟ್ರೋಲ್ಗೂ ಮೀರಿದ ಕೆಲ ವಿಚಾರಗಳ ಬಗ್ಗೆ ನನಗೆ ಗೊತ್ತೇ ಇರಲಿಲ್ಲ. ನಮ್ಮ ನಡುವಿನ ಭಿನ್ನಾಭಿಪ್ರಾಯಗಳನ್ನು ಸರಿ ಮಾಡಿಕೊಳ್ಳೋಣ ಅಂತ ತುಂಬ ಪ್ರಯತ್ನಪಟ್ಟೆವು. ಆದರೆ ಸಾಧ್ಯವಾಗಲಿಲ್ಲ. ನಾವಿಬ್ಬರೂ ಬೇರೆ ಬೇರೆಯಾಗಿ ಜೀವನ ನಡೆಸುವುದು ಒಳ್ಳೆಯದು ಅಂತ ಅನಿಸಿದೆ” ಎಂದು ರಾಖಿ ಸಾವಂತ್ ಹೇಳಿದ್ದಾರೆ.
“ವ್ಯಾಲಂಟೈನ್ಸ್ ಡೇಗೂ ಒಂದು ದಿನ ಮುಂಚೆ ಹೀಗೆ ಆಗಿದ್ದು ಬೇಸರ ಮೂಡಿಸಿದೆ. ಆದರೆ ಈ ನಿರ್ಧಾರ ತೆಗೆದುಕೊಳ್ಳಲೇಬೇಕಿತ್ತು. ರಿತೇಶ್ಗೆ ಒಳ್ಳೆಯದಾಗಲಿ ಎಂದು ಬಯಸುವೆ. ನಾನು ನನ್ನ ಈ ಹಂತದಲ್ಲಿ ವೃತ್ತಿ, ನನ್ನ ಜೀವನಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಬೇಕು, ಆರೋಗ್ಯವಾಗಿ ಖುಷಿಯಿಂದ ಇರಬೇಕು. ನನ್ನನ್ನು ಅರ್ಥ ಮಾಡಿಕೊಂಡು ಸಹಕಾರ ನೀಡಿದ್ದಕ್ಕೆ ಧನ್ಯವಾದಗಳು” ಎಂದು ರಾಖಿ ಸಾವಂತ್ ಹೇಳಿದ್ದಾರೆ.
ವರ್ಷಗಳ ಹಿಂದೆ ನನಗೆ ಮದುವೆಯಾಗಿದೆ ಎಂದು ಹೇಳಿಕೊಂಡು ಬಂದಿದ್ದ ರಾಖಿ ಸಾವಂತ್ ಪತಿಯ ಫೋಟೋವನ್ನು ರಿವೀಲ್ ಮಾಡಿರಲೇ ಇಲ್ಲ. ಕೊನೆಗೂ ಬಿಗ್ ಬಾಸ್ 15 ಶೋನಲ್ಲಿ ಪತಿ ರಿತೇಶ್ ಜೊತೆ ಅವರು ಬಿಗ್ ಬಾಸ್ ಮನೆಗೆ ಕಾಲಿಟ್ಟಿದ್ದರು. ಅನಂತರದಲ್ಲಿ ಇವರಿಬ್ಬರ ನಡುವೆ ವೈಮನಸ್ಸು ಸೃಷ್ಠಿಯಾಗುತ್ತಾ ಬಂದಿತ್ತು.
ಇನ್ನು, ರಿತೇಶ್ ಅವರಿಗೆ ಮೊದಲ ಪತ್ನಿಯೂ ಇದ್ದಾಳೆ. ರಾಖಿ ಸಾವಂತ್ ಅವರಿಗೆ ಎರಡನೇ ಪತ್ನಿ. ಇದೀಗ, ಇವರಿಬ್ಬರೂ ದೂರ ಆಗಿದ್ದಾರೆ. ರಾಖಿ ಸಾವಂತ್ ಮೊದಲ ಪತ್ನಿಯಿಂದ ಅಧಿಕೃತವಾಗಿ ವಿಚ್ಚೇದನ ಪಡೆದಿರಲಿಲ್ಲ. ಇದರಿಂದಾಗಿ, ರಾಖಿ ಸಾವಂತ್ ಹಲವು ಬಾರಿ ಮಾಧ್ಯಮಗಳಲ್ಲಿ ನನ್ನ ಮದುವೆ ಕಾನೂನುಬದ್ದವಲ್ಲ ಎಂದು ಹೇಳಿಕೊಂಡಿದ್ದರು.