ಸರ್ಕಾರಿ ಕೆಲಸ ಸಿಗದ ಕಾರಣದಿಂದ ಮನನೊಂದ ಡಿಪ್ಲೊಮಾ ಪದವೀಧರರೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ.
ಚಿತ್ರದುರ್ಗ ತಾಲ್ಲೂಕಿನ ಇಮಾಂಪುರದ ಬಳಿ ಕಲ್ಲಿನ ಕ್ವಾರೆಯ ಬಳಿ ನೀರಿನಲ್ಲಿ ನರಹರಿನಗರದ ನೊಂದ ಯುವಕ ಚೇತನ್(26) ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಚೇತನ್ ಡಿಪ್ಲೊಮಾ ಪದವಿ ಮುಗಿದ ಬಳಿಕ 7-8 ಬಾರಿ ಕೆಲಸಕ್ಕೆ ಅರ್ಜಿ ಹಾಕಿಕೊಂಡು ಕೆಲಸಕ್ಕೆ ಎದುರು ನೋಡುತ್ತಾ ಇದ್ದರು. ಮುಂದೆ ತಮಗೆ ಸರ್ಕಾರಿ ಕೆಲಸ ಸಿಗುತ್ತದೆಯೋ ಇಲ್ಲವೋ ಎಂದು ಆಗಾಗ ತಂದೆ ಮಹಾಂತೇಶ್ ಅವರ ಬಳಿ ಬೇಸರ ವ್ಯಕ್ತಪಡಿಸುತ್ತಿದ್ದರು.
ಆಗ ತಂದೆ ಮಗನಿಗೆ ಆತ್ಮ ಸ್ಥೈರ್ಯ ತುಂಬುವ ಕೆಲಸ ಮಾಡಿದ್ದರು. ಸದಾ ಕೆಲಸದ ಬಗ್ಗೆ ಚಿಂತಿಸಿ ಮನನೊಂದಿದ್ದ ಚೇತನ್, ಜ.27ರಂದು ಬೆಳಿಗ್ಗೆ 6ಕ್ಕೆ ವಾಕಿಂಗ್ಗೆ ಹೋಗಿ ಬರುತ್ತೇನೆ ಎಂದು ಮನೆಯಲ್ಲಿ ಹೇಳಿ ಹೋದವರು ಮರಳಿ ಬಂದಿರಲಿಲ್ಲ.
ಗಾಬರಿಗೊಂಡ ತಂದೆ ಮಹಾಂತೇಶ್, ನಗರದ ಎಲ್ಲಾ ಕಡೆ ಹುಡುಕಿದರೂ ಸುಳಿವು ಸಿಕ್ಕಿರಲಿಲ್ಲ. ಜ.30 ರಂದು ಇಮಾಂಪುರದ ಕಲ್ಲಿನ ಕ್ವಾರೆಯ ನೀರಿನಲ್ಲಿ ಶವ ತೇಲಾಡುತ್ತಿರುವ ಮಾಹಿತಿ ಗೊತ್ತಾದಾಗ ತಂದೆ ಹಾಗೂ ಆತನ ಸಂಬಂಧಿಗಳು ಸ್ಥಳಕ್ಕೆ ಹೋಗಿ ಅಲ್ಲಿ ಬಿದ್ದಿದ್ದ ಮೊಬೈಲ್ ನೋಡಿ ಮಗನ ಗುರುತು ಪತ್ತೆಹಚ್ಚಿದ್ದಾರೆ.
3 ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಚೇತನ್ ಭಾನುವಾರ ಶವವಾಗಿ ಪತ್ತೆಯಾಗಿದ್ದಾರೆ. ಚಳ್ಳಕೆರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
https://youtu.be/Dgg3ddY-X6U