ಇತ್ತೀಚೆಗೆ ಬಿಡುಗಡೆಯಾಗಿದ್ದ ಕನ್ನಡದ ವಿಶ್ವಪ್ರಸಿದ್ದ ಸಿನೆಮಾ ಕೆಜಿಎಫ್-2 ಚಿತ್ರದ ಕ್ಲೈಮ್ಯಾಕ್ಸ್ ದೃಶ್ಯ ನೆನಪಿಸಿವಂತ ಒಂದು ಘಟನೆ ವರದಿಯಾಗಿದೆ. ಕೆಜಿಎಫ್ ನಲ್ಲಿ ಅಪಾರ ಪ್ರಮಾಣದ ಬಂಗಾರ ಉತ್ಪಾದಿಸಿದ್ದ ನಾಯಕ, ಆ ಬಂಗಾರವನ್ನೆಲ್ಲಾ ಸಮುದ್ರಕ್ಕೆ ಹಡಗಿನಲ್ಲಿ ಹಾಕಿಕೊಂಡು ಹೋಗಿರುತ್ತಾನೆ. ಪೊಲೀಸರ ದಾಳಿಗೆ ಒಳಗಾದ ಹಡಗು ಬಂಗಾರದ ಸಮೇತ ಸಮುದ್ರದಲ್ಲಿಯೇ ಮುಳುಗಿ ಹೋಗುತ್ತದೆ.
ಇದೀಗ, ನಿಖರವಾಗಿ ಇಂತಹದ್ದೇ ಒಂದು ಘಟನೆ ವರದಿಯಾಗಿದೆ. ಅಮೇರಿಕಾದ ಕ್ಯಾಲಿಫೋರ್ನಿಯಾ ರಾಜ್ಯದ ಪ್ರಮುಖ ನಗರ ಸ್ಯಾನ್ ಜೋಸ್ನ ಪ್ರಸಿದ್ಧ ಸ್ಯಾನ್ ಜೋಸ್ ಗ್ಯಾಲಿಯನ್ ನ ಕೊಲಂಬಿಯಾ ಸಮುದ್ರದ ಆಳದಲ್ಲಿ ಎರಡು ಹಡಗುಗಳು ಪತ್ತೆಯಾಗಿವೆ. ಈ ಹಡುಗಗಳ ತುಂಬಾ ಬಂಗಾರದ ನಾಣ್ಯಗಳು, ಟನ್ಗಟ್ಟಲೇ ಚಿನ್ನ ಇರುವುದನ್ನು ಸಂಶೋಧಕರು ಪತ್ತೆ ಹೆಚ್ಚಿದ್ದಾರೆ.
ನ್ಯೂಸ್ವೀಕ್ ವರದಿಯ ಪ್ರಕಾರ, ಈ 2 ಹಡಗುಗಳ ಅವಶೇಷಗಳ ಅಡಿಯಲ್ಲಿ 1.32 ಲಕ್ಷ ಕೋ.ರೂಗಳಿಗೂ ಅಧಿಕ(17 ಬಿಲಿಯನ್) ಮೌಲ್ಯದ ಚಿನ್ನ ಪತ್ತೆಯಾಗಿದೆ. 1708 ರಲ್ಲಿ ಬ್ರಿಟಿಷರು ಸ್ಯಾನ್ ಜೋಸ್ನ ಹಡಗನ್ನು ಮುಳುಗಿಸಿದ್ದರು ಎಂದು ಹೇಳಲಾಗುತ್ತಿದೆ.
ಈ ಹಡಗನ್ನು 2015 ರಲ್ಲಿ ಪತ್ತೆ ಹಚ್ಚಲಾಗಿತ್ತು. ಆದರೆ, ಹಡಗಿನ ಪೂರ್ಣ ವಿವರ ತಿಳಿದುಬಂದಿರಲಿಲ್ಲ. ಸ್ಪ್ಯಾನಿಷ್ ಸರ್ಕಾರವು ಇತ್ತೀಚೆಗೆ ಹಡಗು ನಾಶವಾಗಿರುವುದನ್ನು ತೋರಿಸುವ ವಿಡಿಯೋ ತುಣುಕನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಬೆಲೆಬಾಳುವ ವಸ್ತುಗಳು ಮತ್ತು ಶೀತ ಪ್ರದೇಶ ಇರುವುದನ್ನು ಕಾಣಬಹುದು.
ವಾಷಿಂಗ್ಟನ್ ಪೋಸ್ಟ್ ಪ್ರಕಾರ, ರಿಮೋಟ್ ನಿಯಂತ್ರಿತ ವಾಹನವನ್ನು ಕೆರಿಬಿಯನ್ ಕರಾವಳಿಯಲ್ಲಿ 3,100 ಅಡಿಗಳಷ್ಟು ಆಳಕ್ಕೆ ಕಳುಹಿಸಿ 2 ಹಡಗುಗಳ ಅವಶೇಷದ ವಿಡಿಯೋ ಸೆರೆಯಿಡಿಯಲಾಗಿದೆ. ಎರಡೂ ಹಡಗುಗಳು 200 ರಿಂದ 300 ವರ್ಷಗಳಷ್ಟು ಹಳೆಯವು ಎಂದು ತಿಳಿದು ಬಂದಿದೆ.
ರಿಮೋಟ್ ನಿಯಂತ್ರಿತ ವಾಹನ ಸೆರೆಯಿಡಿದ ವಿಡಿಯೋದಲ್ಲಿ ನೀಲಿ ಮತ್ತು ಹಸಿರು ಚಿತ್ರದ ಮಡಿಕೆಗಳು. ಚಿನ್ನದ ನಾಣ್ಯಗಳು ಮತ್ತು ಪಿಂಗಾಣಿ ಕಪ್ಗಳು ಹಾಗೂ ಆ ಸ್ಥಳದಲ್ಲಿ ಚದುರಿದ ಅವಶೇಷಗಳನ್ನು ನೋಡಬಹುದು. ಅಲ್ಲದೇ, ಶತಮಾನ ಕಳೆದರೂ ಸಂರಕ್ಷಿತವಾಗಿರುವ ಬಿಲ್ಲು ಹಾಗೂ ಫಿರಂಗಿಗಳನ್ನು ನೋಡಬಹುದಾಗಿದೆ.
ಪುರಾತತ್ವ ಶಾಸ್ತ್ರಜ್ಞರು ಪ್ರಸ್ತುತ ಲಭ್ಯವಿರುವ ಶಾಸನಗಳ ಆಧಾರದ ಮೇಲೆ ಈ ಅವಶೇಷದ ಮೂಲ ಕಂಡುಹಿಡಿಯಲು ಪ್ರಯತ್ನಿಸುತ್ತಿದ್ದಾರೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಅಧ್ಯಕ್ಷ ಇವಾನ್ ಡ್ಯೂಕ್ ಅವರು ಈ ಬಗ್ಗೆ ಮಾತನಾಡಿದ್ದು, ಈ ಅವಶೇಷದಲ್ಲಿನ ಆಸ್ತಿಯನ್ನು ಸಮುದ್ರದಿಂದ ತೆಗೆಯಲು ಬಯಸಿದ್ದೇವೆ. ಆ ಮೂಲಕ ದೇಶದ ಭವಿಷ್ಯದ ಹಣಕಾಸಿನ ಆಯ್ಕೆಗಳನ್ನು ಹೊಂದುವ ಆಸೆ ಇದೆ. ನಾವು ಸ್ಯಾನ್ ಜೋಸ್ ಗ್ಯಾಲಿಯನ್ ನಿಧಿ ಮತ್ತು ಆಸ್ತಿ ರಕ್ಷಿಸುತ್ತೇವೆ ಎಂದು ಹೇಳಿದ್ದಾರೆ.