ಸಮುದ್ರದ ಅಲೆಗಳೊಂದಿಗೆ ತೇಲಿಬಂದ ನಿಗೂಢ ‘ಚಿನ್ನದ ಬಣ್ಣದ ರಥ’

ಆಂಧ್ರದ ಶ್ರೀಕಾಕುಳಂ ಜಿಲ್ಲೆಯ ಸುನ್ನಪಲ್ಲಿ ಸಮುದ್ರ ಬಂದರಿನಲ್ಲಿ ಮಂಗಳವಾರ ‘ಅಸಾನಿ’ ಚಂಡಮಾರುತದ ಪ್ರಭಾವದಿಂದ ನಿಗೂಢ ಚಿನ್ನದ ಬಣ್ಣದ ರಥವೊಂದು ದಡ ಸೇರಿದೆ.

ಸಮುದ್ರದ ದಡದಲ್ಲಿದ್ದ ಜನರು ಅಮುದ್ರದ ಅಲೆಯಲ್ಲಿ ರಥ ತೇಲಿಕೊಂಡು ಬರವುದನ್ನು ನೋಡಿ, ಆ ರಥವನ್ನು ದಡಕ್ಕೆ ತಂದಿದ್ದಾರೆ.

ಶ್ರೀಕಾಕುಲಂ ಜಿಲ್ಲೆಯ ನೌಪಾಡದ ಸಬ್ ಇನ್ಸ್​ಸ್ಪೆಕ್ಟರ್ ಈ ಬಗ್ಗೆ ಮಾತನಾಡಿದ್ದು, ಗುಪ್ತಚರ ಇಲಾಖೆ ನಮಗೆ ಈ ಘಟನೆಯ ಮಾಹಿತಿ ನೀಡಿತ್ತು. ಈ ರಥ ಬೇರೆ ದೇಶದಿಂದ ಬಂದಿರಬಹುದು ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಗುಪ್ತಚರ ಇಲಾಖೆ ಹಾಗೂ ಉನ್ನತ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದೇವೆ ಎಂದು ತಿಳಿಸಿದ್ದಾರೆ.

ಅಸಾನಿ ಚಂಡಮಾರುತ ಆಂಧ್ರದ ಪ್ರದೇಶ ಹಾಗೂ ತಮಿಳುನಾಡಿನ ಬಂದರುಗಳ ಮೇಲೆ ಹೆಚ್ಚಿನ ಪ್ರಭಾವ ಬೀರಿದೆ. ಈಗಾಗಲೇ ಆಂಧ್ರದ ವಿಶಾಖಪಟ್ಟಣಂ ಮತ್ತು ತಮಿಳುನಾಡಿನ ಚೆನ್ನೈ ನ ವಿಮಾನ ನಿಲ್ದಾಣದಿಂದ ಎಲ್ಲಾ ಇಂಡಿಗೋ ವಿಮಾನಯಾನವನ್ನು ರದ್ದುಗೊಳಿಸಲಾಗಿದೆ.