ಅಪ್ಪು ಸಾಧನೆಯನ್ನು ಪಠ್ಯಕ್ಕೆ ಸೇರಿಸಿ : ಅಪ್ಪು ಅಭಿಮಾನಿ ಬೆಂಬಲಕ್ಕೆ ನಿಂತ ಸಿದ್ದರಾಮಯ್ಯ

ಅಪ್ಪು ಸಾಧನೆಯನ್ನು ಪಠ್ಯಕ್ಕೆ ಸೇರಿಸಿ ಎಂದು ಸಿಎಂ ಬಸವರಾಜ ಬೊಮ್ಮಾಯಿಗೆ ವಿಪಕ್ಷನಾಯಕ ಸಿದ್ದರಾಮಯ್ಯ ಪತ್ರ ಬರೆದಿದ್ದಾರೆ.

ಮೈಸೂರು ಜಿಲ್ಲೆಯ ನರಸೀಪುರ ತಾಲೂಕು ಮುಡುಕುತೊರೆ ಗ್ರಾಮದ ನಟ ಪುನೀತ್ ರಾಜ್​ಕುಮಾರ್ ಅಭಿಮಾನಿ ದೇವರಾಜ ಅರಸು ಎಂಬುವವರು ಅಪ್ಪು ಸಾಧನೆಯನ್ನು ಪಠ್ಯಕ್ಕೆ ಸೇರಿಸಿ ಎಂದು ಹಲವಾರು ತಿಂಗಳಿಂದ ವಿಶೇಷ ಅಭಿಯಾನ ನಡೆಸುತ್ತಿದ್ದರು. ಇತ್ತೀಚೆಗೆ ಸಿದ್ದರಾಮಯ್ಯರನ್ನು ಭೇಟಿಯಾಗಿ ಮನವಿ ಸಲ್ಲಿಸಿದ್ದರು. ಇದೀಗ ಪುನೀತ್​ ಅಭಿಮಾನಿ ದೇವರಾಜ ಅರಸು ಮನವಿ ಆಧರಿಸಿ ಸಿದ್ದರಾಮಯ್ಯ ಮುಖ್ಯಮಂತ್ರಿಗೆ ಪತ್ರ ಬರೆದಿದ್ದಾರೆ.

ಪುನೀತ್ ರಾಜ್​ಕುಮಾರ್ ಅಪ್ರತಿಮ ಬಾಲ ಕಲಾವಿದರಾಗಿದ್ದರು. ಅವರ ಸಾಧನೆಯನ್ನು ಕನ್ನಡ ಪಠ್ಯಪುಸ್ತಕಕ್ಕೆ ಸೇರಿಸುವಂತೆ ಮನವಿ ಮಾಡಿದ್ದಾರೆ. ದೇವರಾಜ ಅರಸು ಅಪ್ಪು ನಿಧನದ ಬಳಿಕ ನಿರಂತರ ಅಭಿಯಾನ ಮಾಡುತ್ತಿದ್ದರು. ಅಭಿಯಾನದ ಮೂಲಕ ರಾಜ್ಯಸರ್ಕಾರದ ಗಮನ ಸೆಳೆಯುವ ಯತ್ನ ಮಾಡಿದ್ದರು.