ಉದ್ಯೋಗಿಗಳು ತಮ್ಮ ಉದ್ಯೋಗದಾತರ ಅಡಿಯಲ್ಲಿ ಕೆಲಸ ಮಾಡುತ್ತಿದ್ದರೆ ಮಾತ್ರ ತಮ್ಮ ಇ.ಪಿ.ಎಫ್ ಖಾತೆಯಿಂದ ಭಾಗಶಃ ಹಣವನ್ನು ಹಿಂಪಡೆಯಲು ಸಾಧ್ಯ.
ಎಂಪ್ಲಾಯಿಸ್‌ ಪ್ರಾವಿಡೆಂಟ್‌ ಫಂಡ್‌ ಆರ್ಗನೈಸೇಶನ್ ಜಾಲತಾಣದ ಮುಖಾಂತರ ನೀವು ನಿಮ್ಮ ಇ.ಪಿ.ಎಫ್.ಹಣವನ್ನು ಹಿಂಪಡೆಯಬಹುದು. ನೌಕರರ ಭವಿಷ್ಯ ನಿಧಿಯನ್ನು ಸಾಮಾನ್ಯವಾಗಿ ಇಪಿಎಫ್ ಎಂದು ಕರೆಯಲಾಗುತ್ತದೆ. ಇದು ಭಾರತದಲ್ಲಿ ಉದ್ಯೋಗಿಗಳಿಗೆ ಉಳಿತಾಯ,ಪಿಂಚಣಿ, ಹಾಗು ವಿಮಾ ಸೌಲಭ್ಯಗಳನ್ನು ನೀಡುವ ಸಂಸ್ಥೆಯಾಗಿದ್ದು, ಇದು ಭಾರತದ ಎಲ್ಲ ಉದ್ಯೋಗಿಗಳಿಗೂ ಕಡ್ಡಾಯ.
ಈ ಇ.ಪಿ.ಎಫ್ ಸೌಲಭ್ಯ ಹೊಂದಿದ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಎಲ್ಲ ನೌಕರರು ಪ್ರತಿ ತಿಂಗಳು ತಮ್ಮ ಮೂಲವೇತನದ 12 ಪ್ರತಿಶತದಷ್ಟು ಭಾಗವನ್ನು ನೌಕರರ ಭವಿಷ್ಯ ನಿಧಿಗೆ ನೀಡುವುದು ಕಡ್ಡಾಯವಾಗಿರುತ್ತದೆ.ಭವಿಷ್ಯ ನಿಧಿಗೆ ನೀಡಲಾದ ನೌಕರರ ಹಣವು ಇ.ಪಿ.ಎಫ್ನ ನೌಕರರ ಖಾತೆಯಲ್ಲಿ ಉಳಿತಾಯಗೊಂಡಿರುತ್ತದೆ. ಹೀಗೆ ಇ.ಪಿ.ಎಫ್ನ ಖಾತೆಯಲ್ಲಿ ಉಳಿತಾಯಗೊಂಡಿರುವ ಹಣವನ್ನು ನೌಕರರು ತಮ್ಮ ನಿವೃತ್ತಿ ಸಮಯದಲ್ಲಿ ಹಿಂಪಡೆಯಬಹುದು. ಆದರೆ ನಿವೃತ್ತಿಗಿಂತ ಮುಂಚೆಯೂ ನೌಕರರು ತಮ್ಮ ಉಳಿತಾಯದ ಹಣವನ್ನು ತೆಗೆದುಕೊಳ್ಳಲು ಸಾಧ್ಯವಿದೆ.
ಹಾಗಿದ್ದರೆ ಇ.ಪಿ.ಎಫ್ ಖಾತೆಯಿಂದ ಆನ್ಲೈನ್ ಮುಖಾಂತರ ಹಣವನ್ನು ತೆಗೆದುಕೊಳ್ಳೋದು ಹೇಗೆ..? ಇಲ್ಲಿದೆ ಮಾಹಿತಿ
ಇ.ಪಿ.ಎಫ್ನ ನಿಮ್ಮ ಖಾತೆಯಿಂದ ಆನ್ಲೈನ್ ಮುಖಾಂತರ ಹಣವನ್ನು ತೆಗೆದುಕೊಳ್ಳುವುದು ಹೇಗೆ ಎಂಬುದನ್ನು ತಿಳಿಯುವುದಕ್ಕಿಂತ ಮೊದಲು ಗಮನದಲ್ಲಿರಿಸಿ ಕೊಳ್ಳಬೇಕಾದ ವಿಷಯವೇನೆಂದರೆ, ಇ.ಪಿ.ಎಫ್ ಖಾತೆಯಲ್ಲಿರುವ ಸಂಪೂರ್ಣ ಹಣವನ್ನು ಮುಂಚಿತವಾಗಿ ಪಡೆಯಲು ಸಾಧ್ಯವಿಲ್ಲ. ಸಂಪೂರ್ಣ ಹಣವನ್ನು ಪಡೆಯಲು ನೌಕರರು ನಿವೃತ್ತಿ ಹೊಂದಿರಬೇಕು ಅಥವಾ ನೌಕರನು ಕನಿಷ್ಠ ಎರಡು ತಿಂಗಳುಗಳ ಕಾಲ ನಿರುದ್ಯೋಗಿಯಾಗಿ ಉಳಿದಿರಬೇಕು. ಇದನ್ನು ಹೊರತು ಪಡಿಸಿದರೆ ಕೆಲವು ಸಂದರ್ಭಗಳಲ್ಲಿ ಮಾತ್ರ ಮುಂಚಿತವಾಗಿ ಇ.ಪಿ.ಎಫ್ ಹಣವನ್ನು ಪಡೆಯಬಹುದು. ಉದಾಹರಣೆಗೆ ; ವೈದ್ಯಕೀಯ ಅನಾರೋಗ್ಯ ಸಂದರ್ಭಗಳಲ್ಲಿ, ಮದುವೆ, ಮನೆ ನಿರ್ಮಾಣ, ಹಾಗು ಇತರ ವಿಪತ್ತಿನ ಸಮಯಗಳಲ್ಲಿ ಮಾತ್ರ ಹಣವನ್ನು ಹಿಂಪಡೆಯಬಹುದು. ಇಪಿಎಫ್ ಒ ದ ಜಾಲತಾಣದಲ್ಲಿ ಲಭ್ಯವಿರುವ FAQ ಡಾಕ್ಯುಮೆಂಟ್‌ನಲ್ಲಿ ಅಕಾಲಿಕ ಹಿಂಪಡೆಯುವಿಕೆಗೆ ಇರುವ ಮಾನದಂಡಗಳನ್ನು ನೋಡಬಹುದು.
1) UAN Member e-Sewa ಪೋರ್ಟಲ್‌ಗೆ ಭೇಟಿ ನೀಡಿ.
2) ನಿಮಗೆ ನೀಡಲಾಗಿರುವ ಯೂನಿವರ್ಸಲ್‌ ಖಾತೆ ಸಂಖ್ಯೆ ಹಾಗೂ ಪಾಸ್‌ವರ್ಡ್‌ ಮತ್ತು ಕ್ಯಾಪ್ಚಾ ಅನ್ನು ನಮೂದಿಸಿ, ಸೈನ್‌ಇನ್‌ ಬಟನ್‌ ಅನ್ನು ಕ್ಲಿಕ್‌ ಮಾಡಿ.
3) ಮೇಲಿನ ಮೆನುವಿನಿಂದ ONLINE SERVICES ಮೇಲೆ ಕ್ಲಿಕ್‌ ಮಾಡಿ ಮತ್ತು CLAIM (FORM-31,19,10C&10D) ಅನ್ನು ಆಯ್ಕೆ ಮಾಡಿ ಕ್ಲಿಕ್‌ ಮಾಡಿ.
4) ಆನ್ಲೈನ್ ಕ್ಲೈಮ್‌ ಫಾರ್ಮ್ ಕಾಣಸಿಗುವ ವಿವರಗಳನ್ನು ಪರಿಶೀಲಿಸಿ.
5) ಒಮ್ಮೆ ಪರಿಶೀಲನೆಗೊಳಪಟ್ಟಮೇಲೆ ನಿಮ್ಮ ಬ್ಯಾಂಕ್‌ ಖಾತೆಯ ನಂಬರ್‌ ಅನ್ನು ನಮೂದಿಸಿ.
6) VERIFY ಬಟನ್‌ ಅನ್ನು ಕ್ಲಿಕ್‌ ಮಾಡಿ, ನಂತರ CERTIFICATE OF UNDERTAKING ನಲ್ಲಿ ಲಭ್ಯವಿರುವ ಹೌದು ಬಟನ್‌ ಮೇಲೆ ಕ್ಲಿಕ್‌ ಮಾಡಿ.
7) ಆನ್ಲೈನ್ ಕ್ಲೈಮ್‌ಗಾಗಿ ಮುಂದುವರೆಯಲು “PROCEED ONLINE” ಬಟನ್‌ ಅನ್ನು ಕ್ಲಿಕ್‌ ಮಾಡಿ.
8) ನಂತರ ನೀವು ಮುಂಚಿತವಾಗಿ ಪಿ.ಎಫ್ನ ಹಣವನ್ನು ಪಡೆಯಲ್ಲು ಇಚ್ಚಿಸುತೀರಿ ಎಂಬುದನ್ನು ಕೈಮ್‌ ಫಾರ್ಮ್ ನಲ್ಲಿ ನಮೂದಿಸಬೇಕಾಗುತ್ತದೆ.ನಂತರ ಅದು ಡ್ರಾಪ್‌ ಡೌನ್‌ ಮೆನುವನ್ನು ತೋರಿಸುತ್ತದೆ ಅದರಲ್ಲಿ ಮುಂಚಿತವಾಗಿ ಪಿ.ಎಫ್ನ ಹಣವನ್ನು ಪಡೆಯಲು ಇರಬೇಕಾದ ಕಾರಣಗಳ ಪಟ್ಟಿಯನ್ನು ತೋರಿಸುತ್ತದೆ ಅದರಲ್ಲಿ ಸೂಕ್ತವಾದದನ್ನು ನೀವು ಆರಿಸಿಕೊಂಡು ಕ್ಲಿಕ್‌ ಮಾಡಿ.
9) ನಂತರ ಟೆಕ್ಸ್ಟ್‌ಬಾಕ್ಸ್ ನಲ್ಲಿ ನಿಮಗೆ ಅಗತ್ಯವಿರುವ ಹಣದ ಮೊತ್ತವನ್ನು ನಮೂದಿಸಿ.EMPLOYEE ADDRESS SECTION ನಲ್ಲಿ ನಿಮ್ಮ ಇ-ಮೇಲ್ ವಿಳಾಸವನ್ನು ನಮೂದಿಸಿ.
10) ಪ್ರಮಾಣಪತ್ರದ ಮೇಲೆ ಕ್ಲಿಕ್ಕಿಸಿ ನಿಮ್ಮ ವಿನಂತಿಯನ್ನು ಸಲ್ಲಿಸಿ.
ಒಂದು ಬಾರಿ ವಿನಂತಿಯನ್ನು ಸಲ್ಲಿಸಿದ ಮೇಲೆ, ನೀವು ಯಾವ ಕಾರಣಕ್ಕಾಗಿ ಕ್ಲೈಮ್‌ ಫಾರ್ಮ್ ಅನ್ನು ಭರ್ತಿ ಮಾಡಿರುತ್ತೀರೋ ಅದಕ್ಕೆ ಅಗತ್ಯವಿರುವ ಕೆಲವು ದಾಖಲೆಗಳನ್ನು EPFO ಕೇಳುತ್ತದೆ.ಇದಾದ ನಂತರ ನೀವು ಕೆಲಸ ಮಾಡತ್ತಿರುವ ಸಂಸ್ಥೆಯವರು ನಿಮ್ಮ ವಿನಂತಿಯನ್ನು ಪರಿಶೀಲಿಸಿ ಅನುಮೋದನೆಯನ್ನು ನೀಡುತ್ತಾರೆ. ಕಡೆಯದಾಗಿ ನೀವು ವಿನಂತಿಸಿದ ಹಣದ ಮೊತ್ತವು ನಿಮ್ಮ ಪಿ.ಎಫ್ ಖಾತೆಯಲ್ಲಿ ನಮೂದಿಸಿದ ನಿಮ್ಮ ಬ್ಯಾಂಕ್‌ ಖಾತೆಗೆ ಬರಲು 15 ರಿಂದ 20 ದಿನಗಳಾಗಬಹುದು.
