BIG BREAKING: ಬೆಂಗಳೂರು ನಗರದಲ್ಲಿ 10 ಉಪ ನಗರ MEMU ರೈಲುಗಳ ಓಡಾಟ ರದ್ದು

ಪ್ರಯಾಣಿಕರ ಕೊರತೆ ಕಾರಣ ನೀಡಿ ರೈಲ್ವೆ ಇಲಾಖೆ ಬೆಂಗಳೂರು ನಗರದಲ್ಲಿ ಓಡಾಡುವ 10 ಉಪ ನಗರ ರೈಲುಗಳನ್ನು ರದ್ದುಗೊಳಿಸಿದೆ.

ಕೆಎಸ್​ಆರ್​ ಬೆಂಗಳೂರು-ದೇವನಹಳ್ಳಿ, ದೇವನಹಳ್ಳಿ-ಯಲಹಂಕ, ಯಲಂಹಕ-ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನನಿಲ್ದಾಣ, ದೇವನಹಳ್ಳಿ-ಬೆಂಗಳೂರು ಕಂಟೋನ್ಮೆಂಟ್​, ಬೆಂಗಳೂರು-ಕಂಟೋನ್ಮೆಂಟ್​, ಬೆಂಗಳೂರು ಕಂಟೋನ್ಮೆಂಟ್​-ದೇವನಹಳ್ಳಿ, ದೇವನಹಳ್ಳಿ-ಯಲಹಂಕ, ಯಲಹಂಕ-ದೇವನಹಳ್ಳಿ, ದೇವನಹಳ್ಳಿ-ಕೆಎಸ್​ಆರ್​ ಬೆಂಗಳೂರು

ನಡುವೆ ಸಂಚರಿಸುತ್ತಿದ್ದ 10 ಮೆಮೂ ಟ್ರೈನ್​ಗಳನ್ನು ರದ್ದುಗೊಳಿಸಲಾಗಿದೆ.

ಈ ರೈಲುಗಳಲ್ಲಿ ಪ್ರಯಾಣಿಕರ ದಟ್ಟಣೆ ಶೇಕಡಾ 5ಕ್ಕಿಂತ ಕಡಿಮೆ ಇರುವ ಹಿನ್ನೆಲೆಯಲ್ಲಿ ಮೆಮು ರೈಲುಗಳನ್ನು ರದ್ದುಗೊಳಿಸಲಾಗಿದೆ ಎಂದು ರೈಲ್ವೆ ಇಲಾಖೆ ಹೇಳಿಕೊಂಡಿದೆ.

ಬೆಂಗಳೂರು ನಗರಕ್ಕೆ ಓಡಾಡುವ ಪ್ರಯಾಣಿಕರಿಗೆ ಅನುಕೂಲವಾಗುವ ರೀತಿಯಲ್ಲಿ ಇಲ್ಲದ ರೈಲುಗಳ ವೇಳಾಪಟ್ಟಿ, ಈ ರೈಲುಗಳ ಓಡಾಟದಲ್ಲಿ ಸಮಯ ಪಾಲನೆ ಆಗುತ್ತಿಲ್ಲ ಅಸಮಾಧಾನ ಮತ್ತು ಒಂದೇ ಭಾಗವನ್ನು ಟಾರ್ಗೆಟ್​ ಮಾಡಿ ರೈಲುಗಳ ಓಡಾಟವೇ ಪ್ರಯಾಣಿಕರ ಸ್ಪಂದನೆ ಸಿಗದೇ ಇರುವುದಕ್ಕೆ ಕಾರಣ ಎಂದು ಹೇಳಲಾಗಿದೆ.