ಬಾಡಿಗೆ ಮನೆಯವರಿಗೂ ಉಚಿತ ವಿದ್ಯುತ್​- ಉಚಿತ ವಿದ್ಯುತ್​ ಲಾಭ ಪಡೆಯಲು ಹೀಗೆ ಮಾಡಿ..!

ಗೃಹ ಜ್ಯೋತಿ ಯೋಜನೆಯಡಿಯಲ್ಲಿ ಮನೆ ಬಾಡಿಗೆದಾರರೂ ಉಚಿತ ವಿದ್ಯುತ್​ನ ಲಾಭ ಪಡೆಯಲು ಅರ್ಹರಾಗಿದ್ದಾರೆ.

ಗೃಹಜ್ಯೋತಿ ಯೋಜನೆಗೆ ಸಂಬಂಧಿಸಿದಂತೆ ಸೋಮವಾರ ಇಂಧನ ಇಲಾಖೆ ಮಾರ್ಗಸೂಚಿ ಹೊರಡಿಸಿತ್ತು.

ಆ ಮಾರ್ಗಸೂಚಿ ಪ್ರಕಾರ ಬಾಡಿಗೆ ಮನೆಯಲ್ಲಿರುವವರು ಗೃಹ ಜ್ಯೋತಿ ಯೋಜನೆಯ ಲಾಭ ಪಡೆಯಲು ಮಾಡಬೇಕಿರುವುದು ಇಷ್ಟೇ.

1. ಬಾಡಿಗೆ ಇರುವ ಮನೆಯ ವಿದ್ಯುತ್​ ಮೀಟರ್​ನ ಆರ್​ ಆರ್​ ಸಂಖ್ಯೆಯೊಂದಿಗೆ ಬಾಡಿಗೆದಾರರು ತಮ್ಮ ಆಧಾರ್​ ಸಂಖ್ಯೆಯನ್ನು ಜೋಡಣೆ ಮಾಡಬೇಕು.

2. ತಾವು ಬಾಡಿಗೆದಾರರು ಎಂದು ದೃಢೀಕರಿಸಲು ಬಾಡಿಗೆ ಕರಾರರು ಪತ್ರವನ್ನೂ ಸೇವಾ ಸಿಂಧುನಲ್ಲಿ ಅರ್ಜಿ ಸಲ್ಲಿಕೆ ವೇಳೆ ಅಪ್​ಲೋಡ್​ ಮಾಡಬೇಕು.

3. ಒಂದು ಆರ್​ ಆರ್​ ಸಂಖ್ಯೆಯೊಂದಿಗೆ ಒಂದು ಆಧಾರ್​ ಸಂಖ್ಯೆಯನ್ನಷ್ಟೇ ಜೋಡಿಸಲು ಅವಕಾಶವಿದೆ.

4. ಒಂದು ವೇಳೆ ಮನೆ ಬದಲಾಯಿಸಿದರೆ ಆಗ ಈ ಹಿಂದಿನ ಮನೆಯ ಆರ್​ ಆರ್​ ಸಂಖ್ಯೆಯೊಂದಿಗೆ ಮಾಡಲಾಗಿರುವ ಆಧಾರ್​ ಲಿಂಕ್​ನ್ನು ನಿಷ್ಕ್ರಿಯಗೊಳಿಸಬೇಕು.

5. ಹೊಸ ಬಾಡಿಗೆ ಮನೆಗೆ ಹೋದರೆ ಆಗ ಮತ್ತೆ ಆ ಮನೆಯ ಆರ್​ ಆರ್​ ಸಂಖ್ಯೆಯ ಮತ್ತೆ ತಮ್ಮ ಆಧಾರ್​ ಸಂಖ್ಯೆಯನ್ನು ಜೋಡಿಸಿ ಮತ್ತೆ ಆ ಬಾಡಿಗೆ ಮನೆಯ ಕರಾರುಪತ್ರವನ್ನು ಅಪ್​ಲೋಡ್​ ಮಾಡಬೇಕು.