ವಿಲ್​ ಅಥವಾ ಪವರ್ ಆಫ್​ ಅಟಾರ್ನಿಯಿಂದ ಸ್ಥಿರಾಸ್ತಿ ಹಕ್ಕು ಸಿಗದು – ಸುಪ್ರೀಂಕೋರ್ಟ್​

ವಿಲ್​ ಅಥವಾ ಪವರ್​ ಆಫ್​ ಅಟಾರ್ನಿ (GPA)ಯನ್ನು ಸ್ಥಿರಾಸ್ತಿಯೊಂದರ ಮಾಲೀಕತ್ವದ ಹಸ್ತಾಂತರದ ದಾಖಲೆ ಎಂದು ಪರಿಗಣಿಸಲಾಗುವುದಿಲ್ಲ ಎಂದು ಸುಪ್ರೀಂಕೋರ್ಟ್​ ಮಹತ್ವದ ತೀರ್ಪು ನೀಡಿದೆ.

ನ್ಯಾಯಮೂರ್ತಿ ದಿಪಾಂಕರ್​ ದತ್ತ ಮತ್ತು ನ್ಯಾಯಮೂರ್ತಿ ಪಂಕಜ್​ ಮಿತ್ತಲ್​ ಅವರ ಸುಪ್ರೀಂಕೋರ್ಟ್​ನ ದ್ವಿಸದಸ್ಯ ಪೀಠ ಗ್ಯಾನ್​ಶ್ಯಾಮ್​ ಮತ್ತು ಯೋಗೇಂದ್ರ ರಾಥಿ ಪ್ರಕರಣದಲ್ಲಿ ತೀರ್ಪು ನೀಡಿದೆ.

ವಿಲ್​ ಅಥವಾ ಜನರಲ್​ ಪವರ್​ ಆಫ್​ ಅಟಾರ್ನಿಯನ್ನು ಸ್ಥಿರಾಸ್ತಿಯ ಮಾಲೀಕತ್ವದ ದಾಖಲೆ ಎಂದು ಪರಿಗಣಿಸುವುದು ಕಾನೂನುಬಾಹಿರ ಎಂದು ಸುಪ್ರೀಂಕೋರ್ಟ್​ ತೀರ್ಪು ನೀಡಿದೆ.

ಮಾರಾಟ ಮಾಡುವ ಒಪ್ಪಂದ (Agreement to Sell) ಆಸ್ತಿ ಮಾಲೀಕತ್ವದ ದಾಖಲೆ ಅಲ್ಲ ಅಥವಾ ಆಸ್ತಿ ಹಸ್ತಾಂತರದ ಡೀಡ್​ ಕೂಡಾ ಅಲ್ಲ. ವಿಲ್​ ಮೃತಪಟ್ಟ ಬಳಿಕವಷ್ಟೇ ಜಾರಿಯಾಗುತ್ತದೆ. ಬದುಕಿರುವಾಗ ವಿಲ್​ ಜಾರಿಯಲ್ಲಿರಲು ಅವಕಾಶ  ಇರದ ಕಾರಣ ವಿಲ್​ ಆಧರಿಸಿ ಆಸ್ತಿಯ ಮೇಲೆ ಹಕ್ಕು ಸಾಧಿಸಲು ಅವಕಾಶವಿಲ್ಲ ಎಂದು ಸುಪ್ರೀಂಕೋರ್ಟ್​ ಹೇಳಿದೆ.