Bengaluru Site Scam: ಸೈಟ್​ ಇದ್ದಿದ್ದು 1,438 ಮಾತ್ರ, ಹಣ ಸಂಗ್ರಹಿಸಿದ್ದು 3,391 ಮಂದಿಯಿಂದ..! – ಹೌಸಿಂಗ್​ ಸೊಸೈಟಿ ಅಕ್ರಮ

ಬೆಂಗಳೂರಲ್ಲಿ (Bengaluru) ಹೌಸಿಂಗ್​ ಸೊಸೈಟಿಯೊಂದರ (Housing Society) ಅಕ್ರಮದ ಬಹಿರಂಗವಾಗಿದ್ದು, ಈ ಹೌಸಿಂಗ್​ ಸೊಸೈಟಿಯಲ್ಲಿ 316 ಕೋಟಿ ರೂಪಾಯಿ ಮೊತ್ತದ ಹಗರಣ ನಡೆದಿದೆ.

ದಿ ಕರ್ನಾಟಕ ಪೋಸ್ಟಲ್​ ಮತ್ತು ಟೆಲಿಕಾಂ ನೌಕರರ ಹೌಸಿಂಗ್​ ಸಹಕಾರ ಸೊಸೈಟಿ 2007ರಿಂದ ತನ್ನ ಬಳಿ ಹಂಚಿಕೆಗೆ ಲಭ್ಯ ಇರುವ 1,438 ನಿವೇಶನಗಳ ಬದಲು 3,391 ಮಂದಿಯಿಂದ ಸೈಟ್​ ಆಕಾಂಕ್ಷಿತರಿಂದ ಠೇವಣಿ ಸಂಗ್ರಹಿಸಿದೆ. 

ಆದರೆ ಈ ಹೌಸಿಂಗ್​ ಸೊಸೈಟಿ ಬಳಿ ಹಂಚಿಕೆಗೆ ಇರುವ ನಿವೇಶನಗಳ (Sites) ಸಂಖ್ಯೆ ಕೇವಲ 1,438 ಮಾತ್ರ. ಮಾಹಿತಿಗಳ ಪ್ರಕಾರ ಈ ನಿವೇಶನಗಳನ್ನು ಇನ್ನೂ ಕೂಡಾ ಹಂಚಿಕೆ ಮಾಡಿಲ್ಲ.

ಬೆಂಗಳೂರು ಸುತ್ತಮುತ್ತದ ನೆಲಮಂಗಲ, ದೇವನಹಳ್ಳಿ ಮತ್ತು ವರ್ತೂರಲ್ಲಿ ಹೌಸಿಂಗ್​ ಸೊಸೈಟಿ ನಿವೇಶನಕ್ಕಾಗಿ ಭೂಮಿ ಖರೀದಿಸಿತ್ತು.

ಸೊಸೈಟಿ ಅಕ್ರಮದ ಬಗ್ಗೆ ನಾಲ್ಕು ಹಂತಗಳಲ್ಲಿ ತನಿಖೆ ನಡೆದಿದ್ದು, ಈ ಎಲ್ಲ ತನಿಖೆಗಳಲ್ಲೂ ಸೊಸೈಟಿ ಅಕ್ರಮ ಎಸಗಿರುವುದು ದೃಢಪಟ್ಟಿದೆ. ಇದೇ ವರ್ಷ ಫೆಬ್ರವರಿಯಲ್ಲಿ ಸಲ್ಲಿಕೆಯಾದ ತನಿಖೆಯಲ್ಲೂ ಸೊಸೈಟಿ 10 ನಿಯಮಗಳನ್ನು ಉಲ್ಲಂಘಿಸಿರುವುದು ಸಾಬೀತಾಗಿದೆ.