ಕೆಲಸ ಮಾಡದೇ ಕ್ರೆಡಿಟ್​ ತಗೊಳ್ಳೋರು – ವೀರಪ್ಪ ಮೊಯ್ಲಿಗೆ ರಕ್ಷಾ ರಾಮಯ್ಯ ಟಾಂಗ್​

ಕರ್ನಾಟಕದಲ್ಲಿ 24 ಲೋಕಸಭಾ ಕ್ಷೇತ್ರಗಳಿಗೆ ಟಿಕೆಟ್​ ಘೋಷಣೆ ಮಾಡಿರುವ ಕಾಂಗ್ರೆಸ್​ ಬಳ್ಳಾರಿ, ಚಿಕ್ಕಬಳ್ಳಾಪುರ, ಕೋಲಾರ ಮತ್ತು ಚಾಮರಾಜನಗರ ಕ್ಷೇತ್ರಗಳಿಗೆ ಇನ್ನೂ ಟಿಕೆಟ್​ ಘೋಷಣೆ ಮಾಡಿಲ್ಲ.

ಈ ನಡುವೆ ಚಿಕ್ಕಬಳ್ಳಾಪುರ ಲೋಕಸಭಾ ಕ್ಷೇತ್ರದಿಂದ ಈ ಬಾರಿ ಮತ್ತೆ ಟಿಕೆಟ್​ ಬಯಸಿ ತಮ್ಮ ಲಾಬಿ ತೀವ್ರಗೊಳಿಸಿದ್ದಾರೆ ಮಾಜಿ ಕೇಂದ್ರ ಸಚಿವ ವೀರಪ್ಪ ಮೊಯ್ಲಿ. ಈ ಬಾರಿ ತಮಗೆ ಟಿಕೆಟ್​ ನೀಡಬೇಕು ಎಂದು ಕಾಂಗ್ರೆಸ್​ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ ಮೂಲಕ ಒತ್ತಡ ಹಾಕುತ್ತಿದ್ದಾರೆ.

ತಮಗೆ ಟಿಕೆಟ್​ ಸಿಗಬಹುದು ಎಂಬ ಖಾತ್ರಿಯಲ್ಲಿರುವ ಮಾಜಿ ಸಚಿವ ಎಂ ಆರ್​ ಸೀತಾರಾಂ ಅವರ ಮಗ ಮತ್ತು ಕರ್ನಾಟಕ ಯುವ ಕಾಂಗ್ರೆಸ್​ ಮಾಜಿ ಅಧ್ಯಕ್ಷ ರಕ್ಷಾ ರಾಮಯ್ಯ ಅವರು ಪರೋಕ್ಷವಾಗಿ ವೀರಪ್ಪ ಮೊಯ್ಲಿಗೆ ಟ್ವೀಟಿಸಿದ್ದಾರೆ.

ಎರಡು ನಮೂನೆಯ ವ್ಯಕ್ತಿಗಳಿರುತ್ತಾರೆ: ಕೆಲಸ ಮಾಡುವವರು ಮತ್ತು ಕ್ರೆಡಿಟ್​ ತಗೊಳ್ಳುವವರು. ನಾನು ಮೊದಲನೇ ಗುಂಪಿನಲ್ಲಿ ಪ್ರಯತ್ನಿಸುವಂತೆ ಹೇಳಿದರು, ಅಲ್ಲಿ ಸ್ಪರ್ಧೆ ಇರಲ್ಲ – ಇಂದಿರಾ ಗಾಂಧಿಜೀ.