ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರ – BJPಗೆ ಹಿನ್ನಡೆ, ಕಾಂಗ್ರೆಸ್​​ಗೆ ಗ್ಯಾರಂಟಿ ಮುನ್ನಡೆ – ಹೊಸ ಸಮೀಕ್ಷೆ ಅಂದಾಜು

ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಬಿಜೆಪಿಗೆ ಸೋಲಾಗುತ್ತಾ..? 6 ಚುನಾವಣೆಯಲ್ಲಿ ತನ್ನ ಹಿಡಿತದಲ್ಲೇ ಇಟ್ಟುಕೊಂಡಿದ್ದ ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರವನ್ನು ಈ ಬಾರಿ ಬಿಜೆಪಿ ಕಳೆದುಕೊಳ್ಳುತ್ತಾ..?

ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಈ ಬಾರಿ 6 ಬಾರಿ ಸಂಸದರಾಗಿದ್ದ ಅನಂತ್​ ಕುಮಾರ್​ ಹೆಗಡೆ ಬದಲು ಮಾಜಿ ಸಚಿವ, ಮಾಜಿ ಸ್ಪೀಕರ್​ ಮತ್ತು ಮಾಜಿ ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೆ ಬಿಜೆಪಿ ಟಿಕೆಟ್​ ನೀಡಿದೆ.

ಕಾಂಗ್ರೆಸ್​ನಿಂದ ಖಾನಾಪುರ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕಿ ಡಾ ಅಂಜಲಿ ನಿಂಬಾಳ್ಕರ್​ ಕಣದಲ್ಲಿದ್ದಾರೆ.

ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಪ್ರಮುಖ ಚುನಾವಣಾ ವಿಶ್ಲೇಷಣಾ ಸಂಸ್ಥೆ ಚಾಣಕ್ಯ ನೀಡಿರುವ ಅಂದಾಜು ಬಿಜೆಪಿಯ ನಿದ್ದೆಗೆಡಿಸುವುದು ನಿಶ್ಚಿತ.

ಈ ಅಂದಾಜಿನ ಪ್ರಕಾರ ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಮಹಿಳೆಯರ ಮತಗಳು ಕಾಂಗ್ರೆಸ್​ನತ್ತ ವಾಲಿದ್ದು ಕಾಂಗ್ರೆಸ್​​ಗೆ ದೊಡ್ಡ ಬಲ ಸಿಕ್ಕಂತಾಗಿದೆ.

ಪಾರ್ಥದಾಸ್​ ಅವರ ಲೆಕ್ಕಾಚಾರದ ಪ್ರಕಾರ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಪುರುಷ ಮತದಾರರ ಪೈಕಿ ಶೇಕಡಾ 41ರಷ್ಟು ಮಂದಿ ಕಾಂಗ್ರೆಸ್​​ಗೆ ಮತ ಹಾಕಲಿದ್ದಾರೆ. ಬಿಜೆಪಿಗೆ ಶೇಕಡಾ 58.2ರಷ್ಟು ಮಂದಿ ಮತ ಹಾಕಲಿದ್ದಾರೆ.

ಇನ್ನು ಮಹಿಳಾ ಮತದಾರರ ಪೈಕಿ ಕಾಂಗ್ರೆಸ್​​ಗೆ ಬರೋಬ್ಬರೀ ಶೇಕಡಾ 65.8ರಷ್ಟು ಮಂದಿ ಮತ್ತು ಬಿಜೆಪಿ ಕೇವಲ 30.9ರಷ್ಟು ಮಂದಿ ಮತ ಹಾಕಲಿದ್ದಾರೆ.

2019ರಲ್ಲಿ ಅಂದರೆ ಕಳೆದ ಲೋಕಸಭಾ ಚುನಾವಣೆಯಲ್ಲಿ ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ 74.16ರಷ್ಟು ಮತದಾನವಾಗಿತ್ತು.

ಈ ಬಾರಿ ಕ್ಷೇತ್ರದಲ್ಲಿ 16 ಲಕ್ಷದ 41 ಸಾವಿರದ 156 ಮಂದಿ ಮತದಾರರಿದ್ದಾರೆ. ಇವರಲ್ಲಿ ಪುರುಷ ಮತದಾರರು 8 ಲಕ್ಷದ 23 ಸಾವಿರದ 604 ಮತ್ತು ಮಹಿಳಾ ಮತದಾರರು 8 ಲಕ್ಷದ 17 ಸಾವಿರದ 536.

ಪಾರ್ಥದಾಸ್​​ ಅವರ ಅಂದಾಜಿನ ಪ್ರಕಾರ ಪುರುಷ ಮತ್ತು ಮಹಿಳಾ ಮತದಾರ ಒಟ್ಟು ಮತಗಳಲ್ಲಿ ಬಿಜೆಪಿಗೆ ಸಿಗಬಹುದಾದ ಮತ ಪ್ರಮಾಣ ಶೇಕಡಾ 89.1.

ಆದರೆ ಕಾಂಗ್ರೆಸ್​​ಗೆ ಬೀಳಬಹುದಾದ ಪುರುಷ ಮತ್ತು ಮಹಿಳಾ ಮತದಾರರ ಒಟ್ಟು ಮತಗಳ ಶೇಕಡಾವಾರು ಪ್ರಮಾಣ 106.8ರಷ್ಟು.

ಅಂದರೆ ಕಾಂಗ್ರೆಸ್​ ಮತ್ತು ಬಿಜೆಪಿ ನಡುವೆ ಶೇಕಡಾ 17.7ರಷ್ಟು ಮತ ವ್ಯತ್ಯಾಸ ಇರಲಿದೆ.

ಒಂದು ವೇಳೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಹಿಳಾ ಮತದಾನ ಪ್ರಮಾಣ ಜಾಸ್ತಿಯಾದರೆ ಅದು ಬಿಜೆಪಿಗೆ ದೊಡ್ಡ ಹೊಡೆತ ನೀಡಲಿದೆ.

ಸಿಎಂ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್​ ಸರ್ಕಾರದ ಗ್ಯಾರಂಟಿ ಯೋಜನೆಗಳು ಮತ್ತು ಲೋಕಸಭೆಯಲ್ಲಿ ಗೆದ್ದು ಕೇಂದ್ರದಲ್ಲಿ ಅಧಿಕಾರಕ್ಕೆ ಬಂದರೆ ಮಹಿಳೆಯರಿಗೆ ವರ್ಷಕ್ಕೆ 1 ಲಕ್ಷ ರೂಪಾಯಿ ನೀಡುವ ನ್ಯಾಯ ಗ್ಯಾರಂಟಿ ಕಾಂಗ್ರೆಸ್​ನತ್ತ ಮಹಿಳಾ ಮತಗಳನ್ನು ವರ್ಗಾಯಿಸಿರುವುದು ಮೇಲ್ನೋಟಕ್ಕೆ ಕಾಣ್ತಿದೆ.