ಉತ್ತರಪ್ರದೇಶ ಸಿಎಂ ಸ್ಥಾನದಿಂದ ಯೋಗಿ ಆದಿತ್ಯನಾಥ್​​ ತೆಗೆಯಲು ಮೋದಿ-ಶಾ ಆಲೋಚನೆ..?

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರನ್ನು ಮುಖ್ಯಮಂತ್ರಿ ಸ್ಥಾನದಿಂದ ಇಳಿಸುವುದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮಿತ್​ ಶಾ ಯೋಚನೆ ಮಾಡಿದ್ದಾರಾ..?

ಲೋಕಸಭಾ ಚುನಾವಣೆಯ ಫಲಿತಾಂಶ ಪ್ರಕಟವಾದ ಎರಡು ತಿಂಗಳಲ್ಲಿ ಯೋಗಿ ಆದಿತ್ಯನಾಥ್​ ಅವರು ಮುಖ್ಯಮಂತ್ರಿ ಸ್ಥಾನ ಕಳೆದುಕೊಳ್ಳಲಿದ್ದಾರೆ.

ಇಂಥದ್ದೊಂದು ಚರ್ಚೆ ಈಗ ಉತ್ತರಪ್ರದೇಶದಲ್ಲಿ ತೀವ್ರವಾಗಿದೆ.

ನರೇಂದ್ರ ಮೋದಿಯವರು ಅಡ್ವಾಣಿ, ಮುರಳಿ ಮನೋಹರ್​ ಜೋಶಿ, ಸುಮಿತ್ರಾ ಮಹಾಜನ್, ಮನೋಹರ್​ ಲಾಲ್​ ಕಟ್ಟರ್​ ಮತ್ತು ಶಿವರಾಜ್​ ಸಿಂಗ್​ ಚವ್ಹಾಣ್​ ಅವರ ರಾಜಕೀಯ ಜೀವನ ಮುಗಿಸಿದ್ದಾರೆ.

ಮುಂದಿನ ಸರದಿ ಯೋಗಿ ಆದಿತ್ಯನಾಥ್​ ಅವರದ್ದು. ಒಂದು ವೇಳೆ ಈ ಬಾರಿ ಮತ್ತೆ ಚುನಾವಣೆ ಗೆದ್ದರೆ ಎರಡು ತಿಂಗಳಲ್ಲಿ ಮುಖ್ಯಮಂತ್ರಿ ಪದವಿಯಿಂದ ಯೋಗಿ ಆದಿತ್ಯನಾಥ್​ ಅವರನ್ನು ಕೆಳಗಿಳಿಸ್ತಾರೆ

ಎಂದು ದೆಹಲಿಯಲ್ಲಿ ನಡೆದ ಬಹಿರಂಗ ಸಮಾವೇಶದಲ್ಲಿ ಆಮ್​ ಆದ್ಮಿ ಪಕ್ಷದ ನಾಯಕ ಅರವಿಂದ್​ ಕೇಜ್ರಿವಾಲ್​ ಹೇಳಿದ್ದಾರೆ.

ಇತ್ತ ಹಿರಿಯ ಪತ್ರಕರ್ತ ರಾಜ್​ದೀಪ್​ ಸರ್​​ದೇಸಾಯಿ ಅವರಿಗೆ ನೀಡಿದ ಸಂದರ್ಶನದಲ್ಲಿಉತ್ತರಪ್ರದೇಶದ ಪ್ರಭಾವಿ ಬಿಜೆಪಿ ನಾಯಕ ಬ್ರಿಜ್​ ಭೂಷಣ್​ ಸಿಂಗ್​ ಅವರು

ನಮ್ಮ ನಾಯಕ ಮೋದಿ ಮಾತ್ರ, ಯೋಗಿ ಆದಿತ್ಯನಾಥ್​ ಮುಖ್ಯಮಂತ್ರಿಯಷ್ಟೇ

ಎಂದು ಹೇಳಿದ್ದಾರೆ.

ರಾಷ್ಟ್ರ ರಾಜಕಾರಣದಲ್ಲಿ ಮೋದಿ ಬಳಿಕ ಬಿಜೆಪಿಯಲ್ಲಿ ಯಾರು ಎಂಬ ಪ್ರಶ್ನೆಗೆ ಪಕ್ಷದ ಕಾರ್ಯಕರ್ತರು ಕೊಡುತ್ತಿರುವ ಉತ್ತರ ಯೋಗಿ ಆದಿತ್ಯನಾಥ್​.

ಆದರೆ ಯೋಗಿ ಅವರನ್ನೇ ಸಿಎಂ ಸ್ಥಾನದಿಂದ ಇಳಿಸುವ ಮೂಲಕ ತಮಗೆ ಪ್ರತಿಸ್ಪರ್ಧಿ ಆಗಲಿರುವ ಯೋಗಿ ಆದಿತ್ಯನಾಥ್​​ಗೆ ಕಡಿವಾಣ ಹಾಕುವುದಕ್ಕೆ ಮೋದಿ-ಶಾ ಯೋಚಿಸ್ತಿದ್ದಾರೆ ಎಂಬ ಚರ್ಚೆಗೆ ಈಗ ಲೋಕಸಭಾ ಚುನಾವಣೆಯಲ್ಲಿ ಮತ್ತೆ ರೆಕ್ಕೆ ಪುಕ್ಕ ಸಿಕ್ಕಿದೆ.