BREAKING: ಬಡ ಮಹಿಳೆಯರ ಬ್ಯಾಂಕ್​ ಖಾತೆಗೆ ತಿಂಗಳಿಗೆ 8,500 ರೂ. – ಮಹಾಲಕ್ಷ್ಮೀ ಜಾರಿಗೆ ದಿನಾಂಕ ಘೋಷಣೆ

ಕಾಂಗ್ರೆಸ್​ ಪಕ್ಷದ ಅತ್ಯಂತ ಮಹತ್ವಾಕಾಂಕ್ಷಿ ಘೋಷಣೆಗಳಲ್ಲಿ ಒಂದಾಗಿರುವ ಮಹಿಳೆಯರಿಗೆ ಒಂದು ಲಕ್ಷ ರೂಪಾಯಿ ನೀಡುವ ಮಹಾಲಕ್ಷ್ಮೀ ಯೋಜನೆ ಜಾರಿಗೆ ದಿನಾಂಕ ಘೋಷಣೆಯಾಗಿದೆ.

ಜುಲೈ 1ರಂದು ಮಹಾಲಕ್ಷ್ಮೀ ಯೋಜನೆಯಡಿಯಲ್ಲಿ ಬಡ ಕುಟುಂಬದ ಮಹಿಳೆಯರ ಖಾತೆಗೆ ಮೊದಲ ಕಂತು ಜಮೆ ಆಗಲಿದೆ ಎಂದು ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಘೋಷಿಸಿದ್ದಾರೆ.

2024ರ ಜುಲೈ 1ರಂದು ಬೆಳಗ್ಗೆ ಬಡ ಕುಟುಂಬದ ಮಹಿಳೆಯರು ತಮ್ಮ ಅಕೌಂಟ್​ ಚೆಕ್​ ಮಾಡಿದ್ರೆ ಆವತ್ತು ಆ ಆಕೌಂಟ್​ನಲ್ಲಿ 8,500 ರೂಪಾಯಿ ಜಮೆ ಆಗಿರಲಿದೆ. ಮತ್ತು ಅದೇ ರೀತಿಯಲ್ಲಿ ಇಂಡಿಯಾ ಮೈತ್ರಿಕೂಟದ ಸರ್ಕಾರದಿಂದ ಪ್ರತಿ ತಿಂಗಳ ಮೊದಲ ತಾರೀಕಿನಂದು ಖಾತೆಗೆ ಹಣ ಜಮೆ ಮಾಡಲಿದೆ.

ಇದು ನಿಮ್ಮ ಒಂದು ಮತದ ತಾಕತ್ತು. ಕಾಂಗ್ರೆಸ್​​ನ ಜೊತೆಗೆ ಮಹಿಳೆಯರ ಶಕ್ತಿ ಮತ್ತು ಬದಲಾಗಲಿದೆ ಸ್ಥಿತಿ

ಎಂದು ಉತ್ತರಪ್ರದೇಶದ ರಾಯಬರೇಲಿಯಲ್ಲಿ ಬಹಿರಂಗ ಸಮಾವೇಶದಲ್ಲಿ ರಾಹುಲ್​ ಅವರು ಘೋಷಿಸಿದ್ದಾರೆ.

ಲೋಕಸಭಾ ಚುನಾವಣೆಯಲ್ಲಿ ಗೆದ್ದು ಅಧಿಕಾರಕ್ಕೆ ಬಂದರೆ ಮಹಾಲಕ್ಷ್ಮೀ ಯೋಜನೆಯಡಿಯಲ್ಲಿ ಬಡ ಕುಟುಂಬಕ್ಕೆ ವರ್ಷಕ್ಕೆ 1 ಲಕ್ಷ ರೂಪಾಯಿ ನೀಡುವುದಾಗಿ ಕಾಂಗ್ರೆಸ್​ ತನ್ನ ಪ್ರಣಾಳಿಕೆಯಲ್ಲಿ ಘೋಷಿಸಿದೆ.

ಜೂನ್​ 1ರಂದು ಕಡೆಯ ಹಂತದ ಮತದಾನ ನಡೆಯಲಿದ್ದು, ಜೂನ್​ 4ರಂದು ಲೋಕಸಭೆಯ ಫಲಿತಾಂಶ ಪ್ರಕಟವಾಗಲಿದೆ.