ಲೋಕಸಭಾ ಮತದಾನ ಕೊನೆಗೆ ಕ್ಷಣಗಣನೆ – ಫಲಿತಾಂಶಕ್ಕೂ ಮೊದಲೇ ಇಂಡಿಯಾ ಮೈತ್ರಿಕೂಟದ ಮಹತ್ವದ ಸಭೆ ಶುರು

ಲೋಕಸಭಾ ಚುನಾವಣೆಯಲ್ಲಿ ಕೊನೆಯ ಹಂತದ ಮತದಾನ ಮುಕ್ತಾಯವಾಗಲು ಕೆಲವೇ ಹೊತ್ತು ಬಾಕಿ ಇರುವ ಹೊತ್ತಲ್ಲಿ ಇಂಡಿಯಾ ಮೈತ್ರಿಕೂಟದ ಮಹತ್ವ ಸಭೆ ಆರಂಭವಾಗಿದೆ.

ಕಾಂಗ್ರೆಸ್​ ರಾಷ್ಟ್ರೀಯ ಅಧ್ಯಕ್ಷರೂ ಆಗಿರುವ ಮಲ್ಲಿಕಾರ್ಜುನ ಖರ್ಗೆ ಅವರ ನಿವಾಸದಲ್ಲಿ ಇಂಡಿಯಾ ಮೈತ್ರಿಕೂಟದ ಪಕ್ಷಗಳ ನಾಯಕರು ಸಭೆಯಲ್ಲಿ ಪಾಲ್ಗೊಂಡಿದ್ದಾರೆ.

ಜೂನ್​ 4ರಂದು ಪ್ರಕಟವಾಗುವ ಫಲಿತಾಂಶದಲ್ಲಿ ಇಂಡಿಯಾ ಮೈತ್ರಿಕೂಟ ಬಹುಮತ ನಿರೀಕ್ಷೆಯಲ್ಲಿರುವ ಹಿನ್ನೆಲೆಯಲ್ಲಿ ಮುಂದಿನ ಕಾರ್ಯತಂತ್ರಗಳ ಬಗ್ಗೆ ಸಮಾಲೋಚನೆ ಮಾಡಲಾಗುತ್ತಿದೆ.

ಇಂಡಿಯಾ ಮೈತ್ರಿಕೂಟದಲ್ಲಿ 36 ಪಕ್ಷಗಳಿವೆ.

ಕಾಂಗ್ರೆಸ್​, ಸಿಪಿಐ, ಸಿಪಿಐಎಂ, ಎನ್​ಸಿಪಿ, ಆಮ್​ ಆದ್ಮಿ ಪಕ್ಷ, ಸಮಾಜವಾದಿ ಪಕ್ಷ, ಆರ್​ಜೆಡಿ, ಜೆಎಂಎಂ, ಡಿಎಂಕೆ, ಶಿವಸೇನೆ ಉದ್ಧವ್​ ಠಾಕ್ರೆ ಬಣ, ನ್ಯಾಷನಲ್​ ಕಾನ್ಫೆರೆನ್ಸ್​, ಪಿಡಿಪಿ, ಸಿಪಿಐಎಂಎಲ್​, ಆರ್​ಎಲ್​ಪಿ, ಎಂಡಿಎಂಕೆ, ಇಂಡಿಯನ್​ ಮುಸ್ಲಿಂ ಲೀಗ್​ ಪ್ರಮುಖ ಪಕ್ಷಗಳು.

ಒಂದು ವೇಳೆ ಬಹುಮತ ಕೊರತೆ ಆದರೆ ಆಗ ಎನ್​ಡಿಎಯೇತರ ಮತ್ತು ಇಂಡಿಯಾಯೇತರ ಮೈತ್ರಿಕೂಟದ ಪಕ್ಷಗಳಾದ ವೈಎಸ್​ಆರ್​ ಕಾಂಗ್ರೆಸ್​, ಟಿಎಂಸಿ, ಬಿಜೆಡಿ ಜೊತೆಗೆ ಮಾತುಕತೆ ನಡೆಸುವ ಬಗ್ಗೆಯೂ ಸಮಾಲೋಚನೆ ನಡೆಸಲಾಗುತ್ತದೆ.