ಕಬಿನಿ ಹಿನ್ನೇರಿನ ಕಾಡಿನಲ್ಲಿದ್ದ ಏಷ್ಯಾದ ಅತಿ ದೊಡ್ಡ ಆನೆ ‘ಭೋಗೇಶ್ವರ’ ಇಂದು ಸಾವನ್ನಪ್ಪಿದೆ.
ಭೋಗೇಶ್ವರ ಆನೆಯನ್ನು ಎಲ್ಲರೂ ಕಬಿನಿ ಎಂದೇ ಗುರುತಿಸಿದ್ದರು. ತನ್ನ 60 ನೇ ವಯಸ್ಸಿನಲ್ಲಿ ಸಾವನ್ನಪ್ಪಿದೆ.
ಸಹಜ ವಯಸ್ಸಿನ ಕಾರಣಗಳಿಂದ ನಯಸರ್ಗಿಕವಾಗಿ ಬೋಗೇಶ್ವರ ಆನೆ ಸಾವನ್ನಪ್ಪಿದೆ ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ.
ಕಬಿನಿ ಹಿನ್ನೀರು, ನಾಗರಹೊಳೆ ಹಾಗೂ ಬಂಡೀಪುರದಲ್ಲಿನ ಪ್ರವಾಸಿಗರಿಗೆ ಈ ಆನೆಯ ಮೇಲೆ ಒಂದು ವಿಶೇಷ ಪ್ರೀತಿಯಿತ್ತು. ಶಾಂತಮೂರ್ತಿಯಾಗಿದ್ದ ಕಬಿನಿ ಆನೆ ತನ್ನ ಉದ್ದನೆಯ ಕೊಂಬುಗಳಿಂದ ಪ್ರವಾಸಿಗರ ಗಮನ ಸೆಳೆದಿತ್ತು.
ಭೋಗೇಶ್ವರ ಆನೆ ಬಂಡೀಪುರ ಹುಲಿ ಸಂರಕ್ಷಿತಾರಣ್ಯ(ಬಿಟಿಆರ್) ಗುಂಡ್ರೆ ವಿಭಾಗದಲ್ಲಿ ಬೆಳಿಗ್ಗೆ 9:30 ಕ್ಕೆ ಶವವಾಗಿ ಪತ್ತೆಯಾಗಿದೆ. ಆನೆಯ ದೇಹದ ಮೇಲೆ ಯಾವುದೇ ಗಾಯಗಲಾಗಿಲ್ಲ. ಕಬಿನಿ ಆನೆ ವಯೋಸಹಜ ಕಾರಣಗಳಿಂದ ನಯಸರ್ಗಿಕವಾಗಿ ಸಾವನ್ನಪ್ಪಿದೆ ಎಂದು ಬಿಟಿಆರ್ ನಿರ್ದೇಶಕ ರಮೇಶ್ ಕುಮಾರ್ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ಭೋಗೇಶ್ವರ ಆನೆ ಸಾವನ್ನಪ್ಪಿರುವ ಬಗ್ಗೆ ನಟ ದರ್ಶನ್ ಅವರು ಸಂತಾಪ ಸೂಚಿಸಿದ್ದಾರೆ. ಅಲ್ಲದೇ, ಹಲವಾರು ಪ್ರಾಣಿ, ಪರಿಸರ ಪ್ರೇಮಿಗಳು ಸಹಿತ ಬೋಗೇಶ್ವರ ಆನೆಯೊಂದಿಗಿನ ತಮ್ಮ ಅನುಭವ, ಒಡನಾಟ ಬಿಚ್ಚಿಟ್ಟು ಕಂಬಿನಿ ಮಿಡಿದಿದ್ದಾರೆ.