ಅಂಬಾನಿ ಕುಟುಂಬಕ್ಕೆ ಬೆದರಿಕೆ ಹಾಕಿದ್ದು ಇವನೇ..!

ದೇಶದ ಅತ್ಯಂತ ಶ್ರೀಮಂತ ಉದ್ಯಮಿ ಆಗಿರುವ ಮುಖೇಶ್​ ಅಂಬಾನಿ (Mukesh Ambani), ಅವರ ಪತ್ನಿ ನೀತಾ ಅಂಬಾನಿ (Nita Ambani), ಮಕ್ಕಳಾದ ಆಕಾಶ್​ ಅಂಬಾನಿ (Akash Ambani), ಅನಂತ್​ ಅಂಬಾನಿ (Anant Ambani)ಗೆ ಜೀವ ಬೆದರಿಕೆ ಹಾಕಿದ್ದ ಆರೋಪಿಯನ್ನು ಬಂಧಿಸಲಾಗಿದೆ.

ಮಧ್ಯಾಹ್ನ 12.45 ಮತ್ತು ಸಂಜೆ 5.40ಕ್ಕೆ ರಿಯಲನ್ಸ್​ ಫೌಂಡೇಷನ್​ ಆಸ್ಪತ್ರೆ (Reliance Foundation Hospital)ಗೆ ಕರೆ ಮಾಡಿದ್ದ ಆರೋಪಿ ಆಸ್ಪತ್ರೆಯನ್ನು ಸ್ಫೋಟಿಸುವುದಾಗಿಯೂ ಮತ್ತು ಮುಖೇಶ್​ ಅಂಬಾನಿ, ನೀತಾ ಅಂಬಾನಿ, ಆಕಾಶ್​ ಅಂಬಾನಿ ಮತ್ತು ಅನಂತ್​ ಅಂಬಾನಿಯ ಜೀವ ತೆಗೆಯುವುದಾಗಿ ಬೆದರಿಕೆ ಹಾಕಿದ್ದ.

ಈ ಸಂಬಂಧ ಮುಂಬೈನಲ್ಲಿ (Mumbai) ಪ್ರಕರಣ ದಾಖಲಾಗಿತ್ತು.

ಪ್ರಕರಣ ದಾಖಲಾದ ಕೆಲವೇ ಗಂಟೆಗಳಲ್ಲಿ ಬಿಹಾರ (Bihar) ಪೊಲೀಸರ ಸಹಾಯದಿಂದ ಆರೋಪಿಯನ್ನು ಬಂಧಿಸಲಾಗಿದೆ.

ಬಂಧಿತ ಆರೋಪಿ ಬಿಹಾರ ರಾಜ್ಯದ ದರ್ಭಾಂಗ ಜಿಲ್ಲೆಯನವಾಗಿದ್ದು, ಆತನನ್ನು ಪೊಲೀಸರು ಹೆಚ್ಚಿನ ವಿಚಾರಣೆಗಾಗಿ ಮುಂಬೈಗೆ ಕರೆದುಕೊಂಡು ಬರುತ್ತಿದ್ದಾರೆ.