ಮೂರು ದಿನಗಳ ಹಿಂದಷ್ಟೇ ನೂರಾರು ಕನಸು ಹೊತ್ತು ಪ್ರೀತಿಯ ಇನಿಯನ ಜೊತೆ ಮಹಾಬಲಿಪುರಂನಲ್ಲಿ ಸಪ್ತಪದಿ ತುಳಿದ ನಟಿ ನಯನತಾರ ಮದುವೆಯಾದ ಮಾರನೇ ದಿನವೇ ವಿವಾದದಲ್ಲಿ ಸಿಲುಕಿದ್ದಾರೆ.
ಮಹಾಬಲಿಪುರಂನಿಂದ ನೇರವಾಗಿ ತಿರುಪತಿ ತಿರುಮಲಕ್ಕೆ ಬಂದ ನಯನತಾರ- ವಿಗ್ನೇಶ್ ಶಿವನ್ ದಂಪತಿ, ಶ್ರೀವಾರಿಯ ದರ್ಶನ ಮಾಡಿದ್ದಾರೆ. ಈ ಸಂದರ್ಭದಲ್ಲಿಯೇ ಎರಡು ಯಡವಟ್ಟುಗಳನ್ನು ಮಾಡಿದ್ದಾರೆ.
![](https://www.pratikshana.com/wp-content/uploads/2022/06/img_20220611_093629369366716518672034-819x1024.jpg)
ಮೊದಲ ತಪ್ಪು
ಸಾಕ್ಷಾತ್ ತಿರುಪತಿ ತಿಮ್ಮಪ್ಪನೇ ನಡೆದಾಡುವ ಸ್ಥಳ ಎಂದು ನಂಬುವ ತಿರುಮಾಡದ ಬೀದಿಗಳಲ್ಲಿ ನಟಿ ನಯನತಾರ ಪಾದರಕ್ಷೆ ಧರಿಸಿ ಓಡಾಡಿದ್ದಾರೆ. ಈ ಮೂಲಕ ತಿರುಮಾಡವನ್ನು ಅಪವಿತ್ರ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಎರಡನೇ ತಪ್ಪು
ಯಾರೇ ಆಗಲಿ ಮದುವೆಯಾದ ಹೊಸತರಲ್ಲಿ ವಧು ವರರು ಪ್ರಾಪಂಚಿಕ ಸುಖಗಳಲ್ಲಿ ಮುಳುಗಿರುತ್ತಾರೆ. ಇಂತಹ ಸಂದರ್ಭದಲ್ಲಿ ತಿರುಮಲಕ್ಕೆ ಬರಬಾರದು ಎಂಬುದು ಪ್ರತೀತಿ. ಆದರೇ, ನಯನತಾರ ಈ ನಿಯಮವನ್ನು ಉಲ್ಲಂಘಿಸಿದ್ದಾರೆ. ದೇವಾಲಯದ ಮುಂದೆ ನಯನತಾರ ದಂಪತಿ ಖುಷಿ ಖುಷಿಯಿಂದ ಫೋಟೋ ಶೂಟ್ ಮಾಡಿಸಿಕೊಂಡಿದ್ದಾರೆ. ಇದು ಕೂಡಾ ವಿವಾದಕ್ಕೆ ಕಾರಣವಾಗಿದೆ.
![](https://www.pratikshana.com/wp-content/uploads/2022/06/img_20220611_0936227235294198510367776.jpg)
ನಯನತಾರ ಮಾಡಿರುವ ಯಡವಟ್ಟು, ಅಪಚಾರಗಳ ಬಗ್ಗೆ ಸಾಕಷ್ಟು ಆಕ್ರೋಶ ವ್ಯಕ್ತವಾಗುತ್ತಿದೆ. ಹೀಗಾಗಿ ಟಿಟಿಡಿ ಬೇಸರ ಹೊರಹಾಕಿದೆ. ಇದು ದುರಾದೃಷ್ಟಕರ ಘಟನೆ. ಕಾನೂನು ತಜ್ಞರ ಜೊತೆ ಸಮಾಲೋಚಿಸಿ ಮುಂದಿನ ಕ್ರಮ ತೆಗೆದುಕೊಳ್ಳುವುದಾಗಿ ಟಿಟಿಡಿ ತಿಳಿಸಿದ್ದಾರೆ.