ನಟಿ ಪವಿತ್ರ ಲೋಕೇಶ್ ಗೆ ಕಿರುಕುಳ.. ಸೈಬರ್ ಠಾಣೆಗೆ ದೂರು

ಇತ್ತೀಚಿಗೆ ನಟಿ  ಪವಿತ್ರ ಲೋಕೇಶ್ ಮತ್ತೊಂದು ಮದುವೆ  ಅಗಲಿದ್ದಾರೆ ಎಂದು ಸುದ್ದಿ ಹರಿದಾಡಿತ್ತು. ಇದೇ ಸಂದರ್ಭದಲ್ಲಿ ನಟಿ ಪವಿತ್ರ ಲೋಕೇಶ್  ಸೋಶಿಯಲ್ ಮೀಡಿಯಾದಲ್ಲಿ ಕಿರುಕುಳ ಅನುಭವಿಸುತ್ತಿರುವುದು ಬಹಿರಂಗಗೊಂಡಿದೆ.

ನಟಿ ಪವಿತ್ರ  ಲೋಕೇಶ್ ಹೆಸರಿನಲ್ಲಿ  ಫೇಸ್ಬುಕ್ ನಲ್ಲಿ ನಕಲಿ  ಖಾತೆ  ತೆಗೆದ ವ್ಯಕ್ತಿಯೊಬ್ಬರು, ಅವರ ಹೆಸರಿನಲ್ಲಿ ಅನುಚಿತ ಸಂದೇಶ  ಕಳುಹಿಸುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಸಂಬಂಧ  ಮೈಸೂರಿನ ಸೈಬರ್ ಠಾಣೆಗೆ ನಟಿ ಪವಿತ್ರ ಲೋಕೇಶ್ ದೂರು ನೀಡಿದ್ದಾರೆ.

ಸಾಮಾಜಿಕ  ಜಾಲತಾಣಗಳಲ್ಲಿ ಸುಳ್ಳು ಸುದ್ಧಿ ಹಬ್ಬಿಸುತ್ತಿರುವುದಲ್ಲದೆ, ತಮ್ಮ  ಘನತೆಗೆ ಧಕ್ಕೆ ತರುವ  ರೀತಿ  ಸಂದೇಶಗಳನ್ನು ಕಳುಹಿಸಿ ಮಾನಸಿಕ ಕಿರುಕುಳ ನೀಡುತ್ತಿದ್ದಾರೆ. ಕೂಡಲೇ ತಪ್ಪಿತಸ್ಥರನ್ನು ಪತ್ತೆ ಹಚ್ಚಿ  ಕಠಿಣ  ಶಿಕ್ಷೆ  ನೀಡಬೇಕು ಎಂದು ನಟಿ  ಪವಿತ್ರ  ಲೋಕೇಶ್ ದೂರಿನಲ್ಲಿ ಮನವಿ  ಮಾಡಿಕೊಂಡಿದ್ದಾರೆ.