EXIT ಪೋಲ್​ ಪರಿಣಾಮ – ಅದಾನಿ ಕಂಪನಿಗಳ ಷೇರುಗಳ ಮೌಲ್ಯ ಭಾರೀ ಏರಿಕೆ

ಲೋಕಸಭಾ ಚುನಾವಣೆಗೆ ಸಂಬಂಧಿಸಿದ ಪ್ರಕಟವಾದ ಎಕ್ಸಿಟ್​ ಪೋಲ್​ಗಳ ಕಾರಣದಿಂದ ಇವತ್ತು ಷೇರು ಮಾರುಕಟ್ಟೆ ಹಿಂದೆಂದೂ ಕಂಡರಿಯದ ದಾಖಲೆ ಪ್ರಮಾಣದಲ್ಲಿ ಏರಿಕೆ ಆಗಿದೆ.

ಷೇರು ಪೇಟೆಯಲ್ಲಿನ ಈ ಭಾರೀ ಏರಿಕೆಯಿಂದ ಲಾಭ ಆಗಿರುವುದು ಅದಾನಿ ಕಂಪನಿಗಳಿಗೆ. ಅದಾನಿ ಕಂಪನಿಗಳ ಷೇರುಗಳ ಮೌಲ್ಯ ಭಾರೀ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಅದಾನಿ ಪೋರ್ಟ್ಸ್​, ಅಂದಾನಿ ಎಂಟರ್​ಪ್ರೈಸಸ್​​, ಅದಾನಿ ಪವರ್​, ಅದಾನಿ ಗ್ರೀನ್​, ಅದಾನಿ ಟೋಟಲ್​ ಗ್ಯಾಸ್​ ಕಂಪನಿಗಳ ಷೇರು ಮೌಲ್ಯ ಭಾರೀ ಎರಿಕೆ ಆಗಿದೆ.

ಬೆಳಗ್ಗೆ ವ್ಯವಹಾರ ಆರಂಭವಾಗ್ತಿದ್ದಂತೆ ಬಿಎಸ್​ಇ ಸೂಚ್ಯಂಕ 2,125 ಅಂಕಗಳಷ್ಟು ದಾಖಲೆಯ ಏರಿಕೆ ಕಂಡು 76 ಸಾವಿರ ಅಂಕಗಳ ಗಡಿ ದಾಟಿದೆ.

ನಿಫ್ಟಿ ಬರೋಬ್ಬರೀ 807 ಅಂಕಗಳಷ್ಟು ಏರಿಕೆ ಕಂಡು 23,330 ಅಂಕಗಳ ಗಡಿ ದಾಟಿದೆ.

ನಿಫ್ಟಿ ಮಿಡ್​ ಕ್ಯಾಪ್​ ಕೂಡಾ 1,999 ಅಂಕಗಳ ಏರಿಕೆ ಕಂಡು 53,705 ಅಂಕಗಳ ಗಡಿ ದಾಟಿದೆ.

ನಿಫ್ಟಿ ಸ್ಮಾಲ್​ ಕ್ಯಾಪ್​ 298 ಅಂಕಗಳ ಏರಿಕೆ ಕಂಡು 8 ಸಾವಿರದ ಗಡಿ ದಾಟಿದೆ.

ನಿಫ್ಟಿ ಬ್ಯಾಂಕ್​ 1,900 ಅಂಕಗಳ ಏರಿಕೆ ಕಂಡು 50,800ರ ಗಡಿ ದಾಟಿದೆ.

ಇದೇ ಮೊದಲ ಬಾರಿಗೆ ಒಂದೇ ದಿನ ಷೇರು ಮಾರುಕಟ್ಟೆ ಈ ಪ್ರಮಾಣದಲ್ಲಿ ಏರಿಕೆ ಕಂಡಿದೆ.

ಚುನಾವಣೋತ್ತರ ಸಮೀಕ್ಷೆಗಳು ಮೂರನೇ ಬಾರಿಗೆ ಮೋದಿ ಪ್ರಧಾನಿ ಆಗಲಿದ್ದಾರೆ ಎಂದು ಅಂದಾಜಿಸಿವೆ.