ಮಾಜಿ ಸಚಿವ ಸುನಿಲ್​ ಕುಮಾರ್​ಗೆ ವಿಜಯೇಂದ್ರ ಟೀಂನಲ್ಲಿ ಸ್ಥಾನ – ಸಕಲೇಶಪುರ ಶಾಸಕ ಮಂಜುನಾಥ್​ಗೆ ಪ್ರಮುಖ ಹುದ್ದೆ

ಕರ್ನಾಟಕ ಬಿಜೆಪಿ ಘಟಕದ ಪುನರ್​ ಸಂಘಟನೆ ಮಾಡಲಾಗಿದೆ.

ಮಾಜಿ ಇಂಧನ ಸಚಿವ, ಕಾರ್ಕಳ ಶಾಸಕ, ಬಿಲ್ಲವ ಸಮುದಾಯದ ವಿ ಸುನಿಲ್​ ಕುಮಾರ್​ ಅವರಿಗೆ ರಾಜ್ಯ ಪ್ರಧಾನ ಕಾರ್ಯದರ್ಶಿ ಹುದ್ದೆಯನ್ನು ನೀಡಲಾಗಿದೆ. ಇಬ್ಬರು ಮಾಜಿ ಶಾಸಕರಾದ ಪ್ರೀತಂ ಗೌಡ ಮತ್ತು ಪಿ ರಾಜೀವ್​ಗೂ ಪ್ರಧಾನ ಕಾರ್ಯದರ್ಶಿ ಹುದ್ದೆ ನೀಡಲಾಗಿದೆ.

ಬಿಜೆಪಿ ರಾಜ್ಯ ಘಟಕದಲ್ಲಿ ರಾಜ್ಯ ಉಪಾಧ್ಯಕ್ಷರ ನಂತರದ ಹುದ್ದೆ ಪ್ರಧಾನ ಕಾರ್ಯದರ್ಶಿ ಹುದ್ದೆ.

ಹೊಸ ಶಾಸಕರಿಗೆ ಮಣೆ:

ವಿಜಯೇಂದ್ರ ತಮ್ಮ ಹೊಸ ತಂಡದಲ್ಲಿ ಇಬ್ಬರು ಹೊಸ ಶಾಸಕರಿಗೆ ಪ್ರಮುಖ ಜವಾಬ್ದಾರಿ ನೀಡಿದ್ದಾರೆ.

ಯುವ ಮೋರ್ಚಾದ ಅಧ್ಯಕ್ಷರಾಗಿ ಮೊದಲ ಬಾರಿಗೆ ಶಾಸಕಾಗಿರುವ ಧೀರಜ್​ ಮುನಿರಾಜ್​ ಅವರನ್ನು ನೇಮಿಸಲಾಗಿದೆ.

ಎಸ್​ ಸಿ ಮೋರ್ಚಾದ ರಾಜ್ಯಾಧ್ಯಕ್ಷರಾಗಿ ಸಕಲೇಶಪುರ ಶಾಸಕ ಎಸ್​ ಮಂಜುನಾಥ್​ ( ಸಿಮೆಂಟ್​ ಮಂಜು) ಅವರನ್ನು ನೇಮಿಸಲಾಗಿದೆ. ಈ ಮೂಲಕ ಬಿಜೆಪಿಯಲ್ಲಿ ದಲಿತ ಸಮುದಾಯದ ಮುಖವಾಗಿ ಹೊರಹೊಮ್ಮಲಿಕ್ಕೆ ದೊಡ್ಡ ವೇದಿಕೆ ಸಿಕ್ಕಂತಾಗಿದೆ.