ಒಡಿಶಾದಲ್ಲಿ ಸಂಭವಿಸಿದ್ದ ರೈಲು ದುರಂತ ಸಂಬಂಧ ಸಿಬಿಐ ಮೂವರನ್ನು ಬಂಧಿಸಿದೆ.
ಹಿರಿಯ ವಿಭಾಗಗೀಯ ಅಭಿಯಂತರ ಅರುಣ್ ಕುಮಾರ್ ಮಹಾಂತ, ವಿಭಾಗೀಯ ಅಭಿಯಂತರ ಮೊಹಮ್ಮದ್ ಆಮಿರ್ ಖಾನ್ ಮತ್ತು ಟೆಕ್ನಿಷಿಯನ್ ಪಪ್ಪು ಕುಮಾರ್ ಅವರನ್ನು ಬಂಧಿಸಲಾಗಿದೆ.
ಮೂವರ ವಿರುದ್ಧ ಐಪಿಸಿ ಕಲಂ 304 ಮತ್ತು 201ರಡಿಯಲ್ಲಿ ಸಿಬಿಐ ಎಫ್ಐಆರ್ ದಾಖಲಿಸಿದೆ.
ಜೂನ್ 2ರಂದು ಬಾಲಸೋರ್ನಲ್ಲಿ ಸಂಭವಿಸಿದ್ ರೈಲು ದುರಂತದಲ್ಲಿ 291 ಮಂದಿ ಸಾವನ್ನಪ್ಪಿದ್ದರು.
ತಾಂತ್ರಿಕ ನಿರ್ಲಕ್ಷ್ಯದ ಕಾರಣದಿಂದ ರೈಲು ಅಪಘಾತ ಸಂಭವಿಸಿತ್ತು ಎಂದು ರೈಲ್ವೆ ಸುರಕ್ಷತೆ ಆಯುಕ್ತರು ರೈಲ್ವೆ ಮಂಡಳಿಗೆ ತನಿಖಾ ವರದಿ ಸಲ್ಲಿಸಿದ್ದರು.
ADVERTISEMENT
ADVERTISEMENT