ರಾಜಸ್ಥಾನದ ಕಾಂಗ್ರೆಸ್ ಪಕ್ಷದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅವರ ಸಹೋದರ ಅಗ್ರಸೇನ್ ಗೆಹ್ಲೋಟ್ ಅವರ ಮನೆ ಹಾಗೂ ಕಚೇರಿ ಮೇಲೆ ಕೇಂದ್ರೀಯ ತನಿಖಾ ದಳ (CBI) ದಾಳಿ ಮಾಡಿದೆ. ಹೊಸದಾಗಿ ದಾಲಾದ ಭ್ರಷ್ಟಾಚಾರದ ಪ್ರಕರಣದ ಆಧಾರದ ಮೇಲೆ ಸಿಬಿಐ ತನಿಖೆ ನಡೆಸುತ್ತಿದೆ.
ರಸಗೊಬ್ಬರ ರಫ್ತು ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಗ್ರಸೇನ್ ಗೆಹ್ಲೋಟ್ ಅವರು ಈಗಾಗಲೇ ಜಾರಿ ನಿರ್ದೇಶನಾಲಯ (ಇಡಿ)ದ ವಿಚಾರಣೆಯಲ್ಲಿದ್ದಾರೆ. 2007 ಮತ್ತು 2009 ರಲ್ಲಿ ದೊಡ್ಡ ಪ್ರಮಾಣದ ಅಕ್ರಮ ರಸಗೊಬ್ಬರ ರಫ್ತಿಗೆ ಸಂಬಂಧಿಸಿದಂತೆ ಇಡಿ ಅಗ್ರಸೇನ್ ಅವರ ಮೇಲೆ ವಿಚಾರಣೆ ನಡೆಸುತ್ತಿದೆ.
ರಸಗೊಬ್ಬರ ಪ್ರಕರಣದಲ್ಲಿ ಸರಫ್ ಇಂಪೆಕ್ಸ್ ಸಂಸ್ಥೆ ಹಾಗೂ ಇತರರ ಮೇಲೆ ಅಕ್ರಮ ಹಣ ವರ್ಗಾವಣೆ ಕಾಯ್ದೆ (PMLA) ಅಡಿ ಇಡಿ ವಿಚಾರಣೆ ನಡೆಸುತ್ತಿದೆ. ಅಗ್ರಸೇನ್ ಒಡೆತನದ ಅನುಪಮ್ ಕ್ರಿಷಿ ಸಂಸ್ಥೆ ಸರಫ್ ಇಂಪೆಕ್ಸ್ ಮೂಲಕ ಪೊಟ್ಯಾಷ್ ರಸಗೊಬ್ಬರ ರಫ್ತು ಮಾಡಿದೆ. ಈ ರಸಗೊಬ್ಬರ ರಾಜಸ್ಥಾನದ ರೈತರಿಗೆ ನೀಡಲು ಮೀಸಲಾಗಿತ್ತು ಎಂದು ಇಡಿ ಆರೋಪಿಸಿದೆ.
ಅಗ್ರಸೇನ್ ಮೇಲೆ ನಡೆಸಲಾದ ಈ ದಾಳಿಯನ್ನು ಕಾಂಗ್ರೆಸ್ನ ಜೈರಾಂ ರಮೇಶ್ ಅವರು ‘ಸೇಡಿನ ರಾಜಕಾರಣ’ ಎಂದು ಕರೆದಿದ್ದಾರೆ.
ಇದು ಎಲ್ಲಾ ಮಿತಿಗಳನ್ನು ಮೀರಿದ ಸೇಡಿನ ರಾಜಕಾರಣ. ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅವರು ಕಳೆದ 3 ವರ್ಷಗಳಿಂದ ದೆಹಲಿಯಲ್ಲಿ ನಡೆಯುತ್ತಿರುವ ಹೋರಾಟದ ಪ್ರಮುಖ ಕೇಂದ್ರವಾಗಿದ್ದಾರೆ. ನಾವು ಮೌನವಾಗಿರುವುದಿಲ್ಲ ಎಂದು ಕಾಂಗ್ರೆಸ್ ನಾಯಕ ರಮೇಶ್ ರಾಹುಲ್ ಗಾಂಧಿ ವಿರುದ್ಧ ಇಡಿ ನಡೆಸುತ್ತಿರುವ ವಿಚಾರಣೆಯನ್ನು ಉದಾಹರೀಕರಿಸಿ ಹೇಳಿದ್ದಾರೆ.