#Chandrayaan-3: ಚಂದ್ರನ ದಕ್ಷಿಣದತ್ತ ನಮ್ಮ ಯಶಸ್ವಿ ಪಯಣ ಶುರು

ಭಾರತದ ಮೂರನೇ ಚಂದ್ರಯಾನ ಯಶಸ್ವಿಯಾಗಿದೆ.

ಚಂದ್ರಯಾನ ಬಾಹ್ಯಾಕಾಶ ನೌಕೆಯನ್ನು ಹೊತ್ತ ಎಲ್​ವಿಎಂ3 ಉಡಾವಣಾ ವಾಹನ ಮಾರ್ಕ್​ -3 ಯಶಸ್ವಿಯಾಗಿ ಭೂಸ್ಥಿರ ಕಕ್ಷೆಯತ್ತ ನೆಗೆದಿದೆ.

ಮಧ್ಯಾಹ್ನ 2.35ಕ್ಕೆ ಚಂದ್ರಯಾನ ನೌಕೆಯನ್ನು ಹೊತ್ತ ಉಡಾವಣಾ ವಾಹನ ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಯಶಸ್ವಿ ಹಾರಾಟ ಕೈಗೊಂಡಿತು.

ಈ ಮೂಲಕ ಈ ಸಾಧನೆ ಮಾಡಿದ ವಿಶ್ವದ ನಾಲ್ಕನೇ ರಾಷ್ಟ್ರ ಎಂಬ ಹೆಗ್ಗಳಿಕೆ ಭಾರತದ್ದು. ಅಮೆರಿಕ, ರಷ್ಯಾ ಮತ್ತು ಚೀನಾ ಹೆಸರಲ್ಲಷ್ಟೇ ಇದ್ದ ಸಾಧಕರ ಪಟ್ಟಿಗೆ ನಮ್ಮ ದೇಶದ ಹೆಸರೂ ಸೇರ್ಪಡೆಯಾಗಿದೆ.

 ಚಂದ್ರನ ಅಂಗಳದಲ್ಲಿ ಇಳಿಯುವ ದಿನ – ಆಗಸ್ಟ್ 23 ಇಲ್ಲವೇ 24

 ಪ್ರಯಾಣದ ಅವಧಿ – 40 ದಿನ

 ಎಲ್ಲಿಗೆ ಪಯಣ – ಚಂದಿರನ ದಕ್ಷಿಣ ಧ್ರುವ

 ಚಂದ್ರಯಾನ್-3 ಗಗನನೌಕೆಯ ಒಟ್ಟು ತೂಕ – 3900 ಕೆಜಿ

ಈ ಯೋಜನೆಗೆ ಆಗುತ್ತಿರುವ ಒಟ್ಟು ವೆಚ್ಚ – 613 ಕೋಟಿ 

ಹಾಲಿವುಡ್​ನಲ್ಲಿ ಅಂತರಿಕ್ಷದ ಕತೆ ಆಧಾರಿತ ಸಿನಿಮಾಗಳಿಗೆ ಇದಕ್ಕಿಂತ ಹೆಚ್ಚು ಹಣ ಖರ್ಚು ಮಾಡಲಾಗುತ್ತದೆ.

ಚಂದ್ರಯಾನ್​-3ರಲ್ಲಿ ಏನಿರುತ್ತದೆ?

– ಎಲ್​ವಿಎಂ3-ಎಂ4 ರಾಕೆಟ್​​ನಿಂದ ಬೇರ್ಪಡುವ ಚಂದ್ರಯಾನ್3 ಗಗನನೌಕೆಯನ್ನು ಭೂಕಕ್ಷೆಯಿಂದ ಚಂದ್ರನ ಕಕ್ಷೆಗೆ ಕರೆದೊಯ್ಯುವ ಪ್ರೊಪಲ್ಷನ್ ಮಾಡ್ಯೂಲ್

– ಚಂದ್ರನ ಅಂಗಳದ ಮೇಲೆ ಇಳಿದು ಸಂಶೋಧನೆ ನಡೆಸುವ ವಿಕ್ರಮ್ ಲ್ಯಾಂಡರ್

– ಚಂದ್ರನ ಅಂಗಳದಲ್ಲಿ ಓಡಾಡುತ್ತಾ ಅಲ್ಲಿನ ರಹಸ್ಯವನ್ನು ಹೆಕ್ಕುವ ಪ್ರಗ್ಯಾನ್ ರೋವರ್​

ಚಂದಿರನ ದಕ್ಷಿಣ ಧ್ರುವದ ಬೇಟೆ

ಈವರೆಗೂ ಅಮೆರಿಕಾ, ಸೋವಿಯತ್ ಯೂನಿಯನ್ ಮತ್ತು ಚೀನಾ ಮಾತ್ರ ಚಂದ್ರನ ಮೇಲೆ ಲ್ಯಾಂಡರ್​ಗನ್ನು ಸುರಕ್ಷಿತವಾಗಿ ಇಳಿಸಿವೆ. ಈ ದೇಶಗಳು ನಮಗಿಂತ ಮೊದಲು ಚಂದಿರನನ್ನು ಸೇರಿಕೊಂಡರೂ, ಅಮೆರಿಕಾ ಮಾನವರನ್ನೇ ಚಂದ್ರನ ಅಂಗಳಕ್ಕೆ ಇಳಿಸಿದರೂ ಈಗ ಭಾರತ ನಡೆಸುತ್ತಿರುವ ಪ್ರಯತ್ನಕ್ಕೆ ಪ್ರತ್ಯೇಕತೆ ಎಂಬುದಿದೆ. ಅದೇ ಚಂದಿರನ ದಕ್ಷಿಣ ಧ್ರುವದ ಬೇಟೆ.

ದಕ್ಷಿಣ ಧ್ರುವವೇ ಏಕೆ?

ಈವರೆಗೂ ಚಂದ್ರನ ಅಂಗಳಕ್ಕೆ ಹೋದ ವ್ಯೋಮನೌಕೆಗಳಲ್ಲಿ ಅತ್ಯಧಿಕ ಅಲ್ಲಿನ ಮಧ್ಯರೇಖೆ ಪ್ರಾಂತ್ಯದಲ್ಲಿಯೇ ಲ್ಯಾಂಡ್ ಆಗಿವೆ. ಭಾರತ ಮಾತ್ರ ಚಂದ್ರಯಾನ್​-3 ಮೂಲಕ ಈವರೆಗೂ ಬೆಳಕಿಗೆ ಬಾರದ ದಕ್ಷಿಣ ಧ್ರುವದ ಹತ್ತಿರವಿರುವ 70 ಡಿಗ್ರಿ ಅಕ್ಷಾಂಶದ ಬಳಿಯ ಪ್ರಾಂತ್ಯವನ್ನು ಸೇರಲು ಬಯಸಿದೆ.

ಈ ಪ್ರದೇಶವನ್ನು ಆಯ್ಕೆ ಮಾಡಿಕೊಳ್ಳಲು ಬಲವಾದ ಕಾರಣಗಳೇ ಇವೆ. ವಿಶ್ವ ಉಗಮದ ರಹಸ್ಯದ ಬಗ್ಗೆ ಹೊಸ ವಿಷಯಗಳನ್ನು ತಿಳಿದುಕೊಳ್ಳುವ ಸಾಧ್ಯತೆ ಇದೆ. ಜೊತೆಗೆ ಭವಿಷ್ಯದಲ್ಲಿ ಚಂದ್ರನನ್ನು ಆವಾಸ ಮಾಡಿಕೊಳ್ಳುವ ಆಸೆಗೆ ಬಾಗಿಲುಗಳು ತೆರೆದುಕೊಳ್ಳಲು ಈ ಮೂನ್ ಮಿಷನ್ ಸಹಕಾರಿಯಾಗಬಹುದು ಎಂದು ಹೇಳಲಾಗುತ್ತಿದೆ.

ವಿಶ್ವ ರಹಸ್ಯ

ಚಂದಿರನ ದಕ್ಷಿಣ ಧ್ರುವ ಪ್ರಾಂತ್ಯದ ಭೌತಿಕ ಪರಿಸ್ಥಿತಿಗಳು ಹಲವು ವಿಶೇಷತೆಗಳಿಂದ ಕೂಡಿದೆ. ಚಂದ್ರನ ಉತ್ತರ ಧ್ರುವಕ್ಕೆ ಹೋಲಿಸಿದಲ್ಲಿ ದಕ್ಷಿಣ ಧ್ರುವದ ಕೆಲ ಪ್ರಾಂತ್ಯಗಳು ಶಾಶ್ವತವಾಗಿ ಕತ್ತಲಲ್ಲಿವೆ.

ನೂರಾರು ಕೋಟಿ ವರ್ಷಗಳಿಂದ ಈ ಪ್ರಾಂತ್ಯಕ್ಕೆ ಸೂರ್ಯನ ಕಿರಣಗಳು ಸ್ಪರ್ಷಿಸಿಯೇ ಇಲ್ಲ. ಅಲ್ಲಿನ ವಾತಾವರಣ ಸೌರ ರೇಡಿಯೋಧಾರ್ಮಿಕತೆ ಕಾರಣದಿಂದ ಆಗುವ ಬದಲಾವಣೆಗೆ ಈಡಾಗಿರಲ್ಲ.

ಇವುಗಳನ್ನು ಅಧ್ಯಯನ ಮಾಡಿದಲ್ಲಿ ವಿಶ್ವದ ಉಗಮಕ್ಕೆ ಸಂಬಂಧಿಸಿದ ಅನೇಗ ನಿಗೂಢ ರಹಸ್ಯಗಳು ತಿಳಿದುಬರುವ ಸಂಭವ ಇದೆ. ಅಲ್ಲಿನ ಪುರಾತನ ಶಿಲೆಗಳನ್ನು ಅಭ್ಯಸಿಸುವ ಮೂಲಕ ವಿಶ್ವದ ಆವಿರ್ಭಾವ. ಆರಂಭದ ದಿನಗಳ ಸೌರ ಕುಟುಂಬದ ಚರಿತ್ರೆಯ ಬಗ್ಗೆ ಹೊಸ ವಿಚಾರಗಳನ್ನು ತಿಳಿದುಕೊಳ್ಳಬಹುದು.

ಚಂದ್ರನ ಮೇಲೆ ಏಕೆ?ಮನುಕುಲಕ್ಕೆ ಏನು ಲಾಭ?

– ಭವಿಷ್ಯದಲ್ಲಿ ಚಂದ್ರನ ಅಂಗಳವನ್ನು ಆವಾಸ ತಾಣವಾಗಿಸಿಕೊಳ್ಳುವ ಗುರಿ

– ಭೂಮಿಗೆ ಹೋಲಿಸಿದಲ್ಲಿ ಚಂದ್ರನ ಗುರುತ್ವಾಕರ್ಷಣ ಶಕ್ತಿ ಆರನೇ ಒಂದರಷ್ಟಿರುತ್ತದೆ.

– ಗಾಳಿ ಕೂಡ ಇರಲ್ಲ ಚಂದ್ರನ ಅಂಗಳದಿಂದ ರಾಕೆಟ್ ಪ್ರಯೋಗ ತುಂಬಾ ಸುಲಭ. ಇದಕ್ಕೆ ಆಗುವ ಖರ್ಚು ಕೂಡ ಕಡಿಮೆ.

– ಚಂದ್ರನ ಅಂಗಳದಲ್ಲಿ ಹೀಲಿಯಂ-3 ಧಾತುಗಳು ಪುಷ್ಕಳವಾಗಿವೆ. ಈ ಬಗ್ಗೆ ವಿವರವಾದ ಮಾಹಿತಿ ಸಂಗ್ರಹಿಸಿದಲ್ಲಿ ಅಲ್ಲಿ ಮೈನಿಂಗ್ ಕೂಡ ನಡೆಸುವ ಅವಕಾಶಗಳಿವೆ.