BIG BREAKING: ಮಹಾರಾಷ್ಟ್ರ ಸಿಎಂ ಠಾಕ್ರೆ ರಾಜೀನಾಮೆ – ಫೇಸ್​​ಬುಕ್​ನಲ್ಲಿ ಘೋಷಣೆ

ಮಹಾರಾಷ್ಟ್ರ ಸಿಎಂ ಉದ್ಧವ್​ ಠಾಕ್ರೆ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಈ ಮೂಲಕ ಶಿವಸೇನೆ, ಎನ್​ಸಿಪಿ ಮತ್ತು ಕಾಂಗ್ರೆಸ್​ ಪಕ್ಷದ ಮಹಾಮೈತ್ರಿ ಕೂಟ ಸರ್ಕಾರ ಪತನ ಆಗಿದೆ.

2019ರ ಅಕ್ಟೋಬರ್​ನಲ್ಲಿ ಅಸ್ತಿತ್ವಕ್ಕೆ ಬಂದ ಸರ್ಕಾರ ಮೂರು ವರ್ಷವನ್ನೂ ಪೂರೈಸಿದೇ ಆಪರೇಷನ್​ ಕಮಲಕ್ಕೆ ಬಲಿ ಆಗಿದೆ

ಫೇಸ್​​ಬುಕ್​ನಲ್ಲಿ ಲೈವ್ ಬಂದು ರಾಜ್ಯದ ಜನತೆಯನ್ನು ಉದ್ದೇಶಿಸಿ ಮಾತಾಡಿದ ಸಿಎಂ ಠಾಕ್ರೆ ರಾಜೀನಾಮೆ ನೀಡುವ ನಿರ್ಧಾರವನ್ನು ಪ್ರಕಟಿಸಿದರು.

ನಾಳೆ ವಿಧಾನಸಭೆಯಲ್ಲಿ ವಿಶ್ವಾಸಮತ ಯಾಚನೆಗೂ ಮೊದಲೇ ಸಿಎಂ ರಾಜೀನಾಮೆ ನೀಡಿರುವ ಕಾರಣ ನಾಳೆ ವಿಶ್ವಾಸಮತಯಾಚನೆ ನಡೆಯುವ ಸಾಧ್ಯತೆ ಇಲ್ಲ.

ಕಾಂಗ್ರೆಸ್​ ನಾಯಕಿ ಸೋನಿಯಾ ಗಾಂಧಿ ಮತ್ತು ಎನ್​ಸಿಪಿ ನಾಯಕ ಶರದ್​ ಪವಾರ್​ ಅವರಿಗೆ ಧನ್ಯವಾದ ತಿಳಿಸಿದರು.

ನಾವು ರೈತರ ಸಾಲ ಮನ್ನಾ ಮಾಡಿದ್ವಿ. ಜಿಲ್ಲೆಗಳ ಮರು ನಾಮಕರಣ ಮೂಲಕ ಬಾಳಾಸಾಹೇಬ್​ ಅವರ ಕನಸು ಈಡೇರಿಸಿದ್ದೇವೆ. ಎಲ್ಲೂ ಇಲ್ಲದವರನ್ನು ಪಕ್ಷ ದೊಡ್ಡ ವ್ಯಕ್ತಿಗಳನ್ನಾಗಿ ಮಾಡಿದೆ ಎನ್ನುವ ಮೂಲಕ ಬಂಡಾಯ ಶಾಸಕರಿಗೆ ತಿರುಗೇಟು ನೀಡಿದರು.