ಕರ್ನಾಟಕದಲ್ಲಿ ಲೋಕಸಭೆಯಲ್ಲಿ ಕಾಂಗ್ರೆಸ್​​ಗೆ ಹಿನ್ನಡೆ – ಸತ್ಯಶೋಧನೆಗೆ ಸಮಿತಿ ರಚನೆ

ಕರ್ನಾಟಕವೂ ಒಳಗೊಂಡಂತೆ 8 ರಾಜ್ಯಗಳಲ್ಲಿ ಲೋಕಸಭಾ ಚುನಾವಣೆಯಲ್ಲಿ ಪಕ್ಷಕ್ಕೆ ಆಗಿರುವ ಹಿನ್ನಡೆಯ ಬಗ್ಗೆ ಸತ್ಯ ಶೋಧನೆ ನಡೆಸಲು ಕಾಂಗ್ರೆಸ್​ ಸಮಿತಿಗಳನ್ನು ರಚಿಸಿದೆ.

ಕರ್ನಾಟಕದಲ್ಲಿ ಆಗಿರುವ ಹಿನ್ನಡೆಯ ಸತ್ಯ ಶೋಧನೆ ಮಾಡಲು ಕರ್ನಾಟಕಕ್ಕೆ ಈ ಹಿಂದೆ ಉಸ್ತುವಾರಿ ಆಗಿದ್ದ ಮಧುಸೂದನ್​ ಮಿಸ್ತ್ರಿ, ಅಸ್ಸಾಂ ಕಾಂಗ್ರೆಸ್​ನ ಯುವ ನಾಯಕ ತರುಣ್​ ಗಗೋಯ್​ ಮತ್ತು ಹಿಬಿ ಎಡೆನ್​ ಅವರ ತಂಡವನ್ನು ರಚಿಸಿದೆ.

ಮಧ್ಯಪ್ರದೇಶ:
ಮಹಾರಾಷ್ಟ್ರ ಮಾಜಿ ಮುಖ್ಯಮಂತ್ರಿ ಪ್ರಥ್ವಿರಾಜ್​ ಚವ್ಹಾಣ್​, ಸಪ್ತಗಿರಿ ಉಲಾಕಾ ಮತ್ತು ಜಿಗ್ನೇಶ್​ ಮೆವಾನಿ

ಛತ್ತೀಸ್​ಗಢ:
ಮಾಜಿ ಮುಖ್ಯಮಂತ್ರಿ ವೀರಪ್ಪ ಮೊಯ್ಲಿ ಮತ್ತು ಹರೀಶ್​ ಚೌಧರಿ

ಒಡಿಶಾ:
ದೆಹಲಿ ಕಾಂಗ್ರೆಸ್​ನ ಮಾಜಿ ಅಧ್ಯಕ್ಷ ಅಜಯ್​ ಮಕೇನ್​ ಮತ್ತು ತಾರಿಖ್​ ಅನ್ವರ್​

ದೆಹಲಿ, ಉತ್ತರಾಖಂಡ್​, ಹಿಮಾಚಲಪ್ರದೇಶ:
ಪಿ ಎಲ್​ ಪೂನಿಯಾ ಮತ್ತು ರಜನಿ ಪಾಟೀಲ್​

ತೆಲಂಗಾಣ:
ಪಿ ಜೆ ಕುರಿಯನ್​, ರಖಿಬುಲ್​ ಹುಸೈನ್​ ಮತ್ತು ಪರ್ಗಾತ್​ ಸಿಂಗ್​

ಕರ್ನಾಟಕದಲ್ಲಿ ಕಾಂಗ್ರೆಸ್​ 9 ಕ್ಷೇತ್ರಗಳನ್ನು ಗೆದ್ದಿದೆ. 2019ಕ್ಕೆ ಹೋಲಿಸಿದ್ರೆ 8 ಸೀಟು ಹೆಚ್ಚಳವಾಗಿದ್ದರೂ ಸಿಎಂ ಸಿದ್ದರಾಮಯ್ಯ ಮತ್ತು ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್​ ಹೇಳಿಕೊಂಡಂತೆ ಎರಡಂಕಿ ದಾಟಿಲ್ಲ.

ಮಧ್ಯಪ್ರದೇಶ, ದೆಹಲಿ, ಒಡಿಶಾ, ಹಿಮಾಚಲಪ್ರದೇಶ, ಉತ್ತರಾಖಂಡ್​ನಲ್ಲಿ ಕಾಂಗ್ರೆಸ್​ ಒಂದೇ ಒಂದು ಸೀಟು ಗೆದ್ದಿಲ್ಲ.

ತೆಲಂಗಾಣದಲ್ಲಿ ಕಾಂಗ್ರೆಸ್​ ಸರ್ಕಾರವಿದ್ದರೂ ಗೆದ್ದಿದ್ದು 8 ಸೀಟು ಮತ್ತು ಬಿಜೆಪಿಯೂ 8 ಸೀಟು ಗೆದ್ದಿತ್ತು.