ಶೈಕ್ಷಣಿಕ ಸಂಸ್ಥೆಗಳಲ್ಲಿ ಹಿಜಬ್ ಧರಿಸಲು ಅವಕಾಶ ನೀಡುವಂತೆ ಕೋರಿ ಸಲ್ಲಿಸಿದ್ದ ಅರ್ಜಿಯನ್ನು ಹೈಕೋರ್ಟ್ ತ್ರಿಸದಸ್ಯ ಪೀಠ ವಜಾಗೊಳಿಸಿದೆ. ಇಸ್ಲಾಂನಲ್ಲಿ ಮುಸ್ಲಿಂ ಮಹಿಳೆಯರು ಹಿಜಬ್ ಧರಿಸುವುದು ಆ ಧರ್ಮದ ಅವಿಭಾಜ್ಯ ಆಚರಣೆ ಅಲ್ಲ ಎಂದು ಹೈಕೋರ್ಟ್ ತನ್ನ ತೀರ್ಪಿನಲ್ಲಿ ಹೇಳಿದೆ. ಸಮವಸ್ತç ಸಂಬAಧ ಸರ್ಕಾರಕ್ಕೆ ನಿರ್ಬಂಧಗಳನ್ನು ಹೇರಲು ಅವಕಾಶ ಇದೆ ಎಂದು ಹೈಕೋರ್ಟ್ ಹೇಳಿದೆ.
ಈ ಮೂಲಕ ತರಗತಿಗಳಲ್ಲಿ ಹಿಜಬ್ ಧರಿಸಿ ಬರುವಂತಿಲ್ಲ ಎಂದು ಕರ್ನಾಟಕ ಸರ್ಕಾರ ಹೊರಡಿಸಿದ್ದ ಆದೇಶವನ್ನು ಹೈಕೋರ್ಟ್ ಪೂರ್ಣ ಪೀಠ ಎತ್ತಿ ಹಿಡಿದಿದೆ.
ಹೈಕೋರ್ಟ್ ಮುಖ್ಯ ನ್ಯಾಯಮೂರ್ತಿ ರಿತು ರಾಜ್ ಅವಸ್ಥಿ, ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್ ಮತ್ತು ನ್ಯಾಯಮೂರ್ತಿ ಜೈಬುನೀಸಾ ಖಾಜಿ ಅವರಿದ್ದ ಪೀಠ ಈ ತೀರ್ಪು ನೀಡಿದೆ.
ಅರ್ಜಿದಾರರು ಮಾಡಿದ್ದ ಮನವಿಯನ್ನು ಆಧರಿಸಿ ಹೈಕೋರ್ಟ್ ಮೂರು ಪ್ರಶ್ನೆಗಳ ಆಧಾರದಲ್ಲಿ ತನ್ನ ತೀರ್ಪು ನೀಡಿದೆ.
ಪ್ರಶ್ನೆ 1:
ಹಿಜಬ್ ಧರಿಸುವುದು ಮುಸ್ಲಿಂ ಧರ್ಮದ ಅವಿಭಾಜ್ಯ ಅಂಗವೇ ಮತ್ತು ಅದು ಸಂವಿಧಾನದ 25ರಡಿ ರಕ್ಷಣೆ ಇದೆಯೇ..?
ಉತ್ತರ: ಹಿಜಬ್ ಧರಿಸುವುದು ಇಸ್ಲಾಂ ಧಾರ್ಮಿಕ ನಂಬಿಕೆಯ ಅವಿಭಾಜ್ಯ ಆಚರಣೆ ಅಲ್ಲ.
ಪ್ರಶ್ನೆ 2: ಸಮವಸ್ತçದಿಂದ ಮೂಲಭೂತ ಹಕ್ಕಿನ ಉಲ್ಲಂಘನೆ ಆಗಿದೆಯೇ..?
ಉತ್ತರ: ಸಮವಸ್ತçವನ್ನು ಸೂಚಿಸಿವುದು ಮೂಲಭೂತ ಹಕ್ಕಿನ ಮೇಲೆ ಕಾರಣಬದ್ಧ ನಿರ್ಬಂಧವಷ್ಟೇ.
ಪ್ರಶ್ನೆ 3: ಫೆಬ್ರವರಿ 5ರ ಸರ್ಕಾರದ ಆದೇಶ ಸಂವಿಧಾನದ 14 ಮತ್ತು 15 ವಿಧಿಯಲ್ಲಿ ನೀಡಲಾಗಿರುವ ಹಕ್ಕಿನ ಉಲ್ಲಂಘನೆಯೇ..?
ಉತ್ತರ: ಸರ್ಕಾರದ ಆದೇಶದ ಕಾನೂನುಬಾಹಿರ ಎಂದು ಹೇಳಲು ಅರ್ಜಿದಾರರು ಸೂಕ್ತ ಕಾರಣಗಳನ್ನು ತಿಳಿಸಿಲ್ಲ.
ಈ ಮೂಲಕ ತರಗತಿಗಳಲ್ಲಿ ಹಿಜಬ್ ಧರಿಸಿ ಹೋಗುವಂತಿಲ್ಲ ಎಂದು ಸರ್ಕಾರ ಹೊರಡಿಸಿದ್ದ ಆದೇಶವನ್ನು ಹೈಕೋರ್ಟ್ ಎತ್ತಿಹಿಡಿದಿದೆ ಮತ್ತು ಉಡುಪಿಯ ಪಿಯು ಕಾಲೇಜಿನ ವಿದ್ಯಾರ್ಥಿನಿಯರು ಸಲ್ಲಿಸಿದ್ದ ಅರ್ಜಿಯನ್ನು ವಜಾಗೊಳಿಸಿದೆ.