2nd Test: ಭಾರತ ವಿರುದ್ಧ ವಿಂಡೀಸ್​ ಬತ್ತಳಿಕೆ ಸೇರಿದ ಸ್ಪಿನ್ನರ್​..!

ಮೊದಲ ಟೆಸ್ಟ್​​ನಲ್ಲಿ ಹೀನಾಯವಾಗಿ ಸೋತಿರುವ ವೆಸ್ಟ್​ ಇಂಡೀಸ್​ ಎರಡನೇ ಟೆಸ್ಟ್​ನಲ್ಲಿ ಭಾರತದ ವಿರುದ್ಧ ಸ್ಪಿನ್​ ರಣತಂತ್ರ ಬಳಸಲು ನಿರ್ಧರಿಸಿದೆ.

ಎರಡನೇ ಟೆಸ್ಟ್​ಗೆ 13 ಆಟಗಾರರ ತಂಡದಲ್ಲಿ ಹೊಸ ಮುಖ ಆಫ್​ ಸ್ಪಿನ್ನರ್​ ಕೆವಿನ್​ ಸಿನ್​ಕ್ಲೈರ್​​ ಅವರನ್ನು ಸೇರಿಸಿಕೊಂಡಿದೆ. ಜುಲೈ 20ರಿಂದ ಎರಡನೇ ಟೆಸ್ಟ್ ಆರಂಭವಾಗಲಿದೆ.

ಆಲ್​ರೌಂಡರ್​​ ರೇಮಾನ್​ ರೈಫರ್​ ಅವರನ್ನು ತಂಡದಿಂದ ಕೈಬಿಟ್ಟಿದೆ. ಮೊದಲ ಟೆಸ್ಟ್​ನಲ್ಲಿ ರೈಫರ್​ ಕೇವಲ 13 ರನ್​ ಗಳಿಸಿದ್ದರು ಮತ್ತು ಒಂದೇ ಒಂದು ಟಿಕೆಟ್​ ಪಡೆದಿರಲಿಲ್ಲ.

23 ವರ್ಷದ ಸಿನ್​ಕ್ಲೈರ್​​ ಸೇರ್ಪಡೆಯಿಂದ ವಿಂಡೀಸ್​ಗೆ ಮತ್ತೊಂದು ಬೌಲಿಂಗ್​ ಆಯ್ಕೆ ಸಿಗಲಿದೆ. 23 ವರ್ಷದ ಬಲಗೈ ಆಫ್​ ಸ್ಪಿನ್ನರ್​ ವಿಂಡೀಸ್​ ಪರವಾಗಿ 7 ಏಕದಿನ ಮತ್ತು 6 ಟಿ-ಟ್ವೆಂಟಿ ಪಂದ್ಯಗಳಲ್ಲಿ ಆಡಿದ್ದಾರೆ. ಜಿಂಬಾಬ್ವೆ ವಿರುದ್ಧ ಆಡಲಾದ ಐಸಿಸಿ ವಿಶ್ವಕಪ್​ ಕ್ವಾಲಿಫೈಯರ್​ ಪಂದ್ಯದಲ್ಲೂ ಆಡಿದ್ದರು.​

ಮೊದಲ ಟೆಸ್ಟ್​ನಲ್ಲಿ ಆರ್​ ಅಶ್ವಿನ್​ (12) ಮತ್ತು ರವೀಂದ್ರ ಜಡೇಜಾ (5) ಸ್ಪಿನ್​ ಜೋಡಿ 17 ವಿಕೆಟ್​ ಕಬಳಿಸಿತ್ತು. 

ಕೆವಿನ್​ ಸಿನ್​ಕ್ಲೈರ್​ ಏಕದಿನದಲ್ಲಿ 11 ಮತ್ತು ಟಿ-ಟ್ವೆಂಟಿಯಲ್ಲಿ 12 ವಿಕೆಟ್​ ಪಡೆದಿದ್ದಾರೆ.