ರಾಜ್ಯದಲ್ಲಿ ನಡೆದಿದೆ ಎನ್ನಲಾದ ಬಿಟ್ ಕಾಯಿನ್ ಹಗರಣವನ್ನು ವಿರೋಧ ಪಕ್ಷ ಕಾಂಗ್ರೆಸ್ ಮತ್ತೆ ಕೆದಕಿದೆ.ಕೇಂದ್ರ ಗೃಹಸಚಿವ ಅಮಿತ್ ಶಾ ಮತ್ತು ಸಿಎಂ ಬೊಮ್ಮಾಯಿಗೆ AICC ಮುಖಂಡ ರಣದೀಪ್ ಸುರ್ಜೆವಾಲಾ ಹಲವು ಪ್ರಶ್ನೆ ಕೇಳಿದ್ದು, ಉತ್ತರಿಸುವಂತೆ ಸವಾಲು ಹಾಕಿದ್ದಾರೆ.
1.ಕರ್ನಾಟಕ ಬಿಜೆಪಿ ಸರ್ಕಾರದ ಅಡಿಯಲ್ಲಿ ನಡೆದ ಭಾರತದ ಅತಿದೊಡ್ಡ #BitCoin ಹಗರಣದ ತನಿಖೆ ಮಾಡಲು FBI ಭಾರತದಲ್ಲಿದೆಯೇ?
ಹಾಗಿದ್ದರೆ, ತನಿಖೆಯ ಹಾಗೂ ರಾಜಕೀಯ ವ್ಯಕ್ತಿಗಳು ಸೇರಿದಂತೆ ಶಂಕಿತರ ವಿವರಗಳನ್ನು ಬಿಡುಗಡೆ ಮಾಡುವಿರಾ?
2. ಕಳುವಾದ ಬಿಟ್ ಕಾಯಿನ್ ಸಂಖ್ಯೆ ಎಷ್ಟು? ಅದರ ಮೌಲ್ಯ ಎಷ್ಟಿದೆ? ರಾಜ್ಯದ ಯಾರೆಲ್ಲ ಭಾಗಿ ಆಗಿದ್ದಾರೆ?
3. ಆರೋಪಿ ಹ್ಯಾಕರ್ ಶ್ರೀಕಿಯ ವ್ಯಾಲ್ಲೆಟ್ ನಲ್ಲಿದ್ದ ಕಳುವಾದ ಬಿಟ್ ಕಾಯಿನ್ ಗಳನ್ನು ಎಲ್ಲಿಗೆ ವರ್ಗಾವಣೆ ಮಾಡಲಾಯಿತು.?
4. 5,240 ಕೋಟಿಗಳು ಮೌಲ್ಯದ 14,682 ಕದ್ದ Bitfinex ಬಿಟ್ಕಾಯಿನ್ಗಳ ವರ್ಗಾವಣೆಯನ್ನು ಪ್ರತಿಬಿಂಬಿಸುವ “ವೇಲ್ ಎಚ್ಚರಿಕೆಗಳಿಗೂ ಹಾಗೂ 1ನೇ ಡಿಸೆಂಬರ್ 2020 ಮತ್ತು 14ನೇ ಏಪ್ರಿಲ್, 2021ರಲ್ಲಿ ಶ್ರೀಕೃಷ್ಣ ಬಂಧನದಲ್ಲಿದ್ದಿದ್ದಕ್ಕೂ ಪರಸ್ಪರ ಸಂಬಂಧವಿದೆಯೇ?
5. ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರ ಮತ್ತು ಸರ್ಕಾರದ ಇತರರ ಪಾತ್ರ ಮತ್ತು ಹೊಣೆಗಾರಿಕೆ ಏನು? ಹಗರಣ ನಡೆದಾಗ ಬೊಮ್ಮಾಯಿ ಅವರೇ ಗೃಹಸಚಿವರಾಗಿದ್ದರು. –
6. ಇಂಟೆರ್ ಪೋಲ್ ಏಕೆ ತಿಳಿಸಲಿಲ್ಲ? ಇಂಟೆರ್ ಪೋಲ್ ಗೆ ಪತ್ರ ಬರೆಯಲು ಐದು ತಿಂಗಳು ತೆಗೆದುಕೊಂಡಿದ್ದೀಕೆ?
7. NIA/SFIO/ED ಗೆ ಕರ್ನಾಟಕ ಸರ್ಕಾರ ಏಕೆ ಮಾಹಿತಿ ನೀಡಿಲ್ಲ?
ಈ ಎಲ್ಲಾ ಪ್ರಶ್ನೆಗಳಿಗೂ ಬಿಜೆಪಿ ಸರ್ಕಾರ ಪ್ರತಿಕ್ರಿಯೆ ನೀಡುತ್ತಾ? ಅಥವಾ ವ್ಯಂಗ್ಯ ಮಾಡುತ್ತಾ?