Merchant Vessel Attack: ಭಾರತದತ್ತ ಹೊರಟ್ಟಿದ್ದ ಇಸ್ರೇಲ್​​ಗೆ ಸೇರಿದ ಹಡಗಿನ ಮೇಲೆ ದಾಳಿ

ಇಸ್ರೇಲ್​ ಮತ್ತು ಪ್ಯಾಲೆಸ್ತಿನ್​ ನಡುವಿನ ಯುದ್ಧದ ನಡುವೆಯೇ ಅರಬ್ಬಿ ಸಮುದ್ರದಲ್ಲಿ ಇಸ್ರೇಲ್​​ಗೆ ಸೇರಿದ ವ್ಯಾಪಾರಿ ಹಡಗಿನ ಮೇಲೆ ವೈಮಾನಿಕ ದಾಳಿ ನಡೆಸಲಾಗಿದೆ.

ಅರಬ್ಬಿ ಸಮುದ್ರದ ಭಾರತದ ಪಶ್ಚಿಮ ಕರಾವಳಿಯಲ್ಲಿ ದಾಳಿ ನಡೆದಿದೆ ಎಂದು ಬ್ರಿಟನ್​ ಮೂಲದ ಜಲಭದ್ರತೆ ಸಂಸ್ಥೆ ಆ್ಯಂಬ್ರೆ ಹೇಳಿದೆ. 

ಭಾರತದ ವಾಯುವ್ಯ ಭಾಗಕ್ಕಿಂತ 200 ಕಿಲೋ ಮೀಟರ್​ ದೂರದಲ್ಲಿ ದಾಳಿ ನಡೆದಿದೆ. ರಾಸಾಯನಿಕಗಳನ್ನು ಸಾಗಿಸುತ್ತಿದ್ದ ಹಡಗಿಗೆ ಹೊತ್ತಿ ಉರಿದಿದ್ದು, ಬೆಂಕಿ ನಂದಿಸಲಾಗಿದೆ. ಯಾವುದೇ ಸಾವು-ನೋವು ಸಂಭವಿಸಿಲ್ಲ.

ದಾಳಿಗೂ ಮೊದಲು ಕೊನೆಯಾದಾಗಿ ಈ ಹಡಗು ಸೌದಿ ಅರೇಬಿಯಾ ಜೊತೆಗೆ ಸಂಪರ್ಕ ಸಾಧಿಸಿತ್ತು ಮತ್ತು ಭಾರತದತ್ತ ಹೊರಟ್ಟಿತ್ತು.

ಇಸ್ರೇಲ್​-ಪ್ಯಾಲೆಸ್ತೇನ್​ ಯುದ್ಧ ಶುರುವಾದ ಬಳಿಕ ಇರಾನ್​ ಬೆಂಬಲಿತ ಹೌಥಿಸ್​ ಸಂಘಟನೆ ಕೆಂಪು ಸಮುದ್ರದಲ್ಲಿ ವೈಮಾನಿಕ ಮತ್ತು ಕ್ಷಿಪಣಿ ದಾಳಿಗಳನ್ನು ನಡೆಸಿತ್ತು. ಈ ದಾಳಿಯ ಬಳಿಕ ವ್ಯಾಪಾರಿ ಹಡಗುಗಳು ತಮ್ಮ ಮಾರ್ಗ ಬದಲಾವಣೆ ಮಾಡಿದ್ದವು.