ಕರ್ನಾಟಕದಲ್ಲಿ ಮಳೆಯಬ್ಬರ: ಕಾವೇರಿ ಕೊಳ್ಳದ 4 ಡ್ಯಾಂಗಳೂ ಭರ್ತಿ

ರಾಜ್ಯದಲ್ಲಿ ಆಗುತ್ತಿರುವ ಧಾರಾಕಾರ ಮಳೆಯಿಂದಾಗಿ ಕಾವೇರಿ ಕೊಳ್ಳದ ನಾಲ್ಕೂ ಜಲಾಶಯಗಳು ಭರ್ತಿಯಾಗಿವೆ.

ಕರ್ನಾಟಕ ನೈಸರ್ಗಿಕ ವಿಪತ್ತು ನಿರ್ವಹಣಾ ಕೇಂದ್ರ ನೀಡಿರುವ ಮಾಹಿತಿ ಪ್ರಕಾರ

ಹಾರಂಗಿ –
ಒಟ್ಟು ಸಾಮರ್ಥ್ಯ – 8.50 ಟಿಎಂಸಿ
ಕಳೆದ ವರ್ಷ ಜುಲೈ 25ರಂದು – 6.60 ಟಿಎಂಸಿ
ಈ ವರ್ಷ ಜುಲೈ 25ರಂದು – 8.50 ಟಿಎಂಸಿ

ಶೇಕಡಾ 92ರಷ್ಟು ಭರ್ತಿಯಾಗಿದೆ.

ಹೇಮಾವತಿ
ಒಟ್ಟು ಸಾಮರ್ಥ್ಯ – 37.10 ಟಿಎಂಸಿ
ಕಳೆದ ವರ್ಷ ಜುಲೈ 25ರಂದು- 23.95 ಟಿಎಂಸಿ
ಈ ವರ್ಷ ಜುಲೈ 25ರಂದು – 36.14 ಟಿಎಂಸಿ

ಶೇಕಡಾ 97ರಷ್ಟು ಭರ್ತಿಯಾಗಿದೆ.

ಕೆಆರ್​ಎಸ್​
ಒಟ್ಟು ಸಾಮರ್ಥ್ಯ – 49.45 ಟಿಎಂಸಿ
ಕಳೆದ ವರ್ಷ ಜುಲೈ 25ರಂದು – 22.81 ಟಿಎಂಸಿ
ಈ ವರ್ಷ ಜುಲೈ 25ರಂದು – 49.45 ಟಿಎಂಸಿ

ಶೇಕಡಾ 100ಕ್ಕೆ ನೂರರಷ್ಟು ಭರ್ತಿಯಾಗಿದೆ

ಕಬಿನಿ

ಒಟ್ಟು ಸಾಮರ್ಥ್ಯ – 19.52 ಟಿಎಂಸಿ
ಕಳೆದ ವರ್ಷ ಜುಲೈ 25ರಂದು – 17.35 ಟಿಎಂಸಿ
ಈ ವರ್ಷ ಜುಲೈ 25ರಂದು – 18.38 ಟಿಎಂಸಿ

ಶೇಕಡಾ 94ರಷ್ಟು ಭರ್ತಿಯಾಗಿದೆ. ಕಾವೇರಿ ಕೊಳ್ಳದ ಈ ನಾಲ್ಕೂ ಜಲಾಶಯಗಳ ಒಟ್ಟು ಸಾಮರ್ಥ್ಯ 114.57 ಟಿಎಂಸಿ. ಕಳೆದ ವರ್ಷ ಇದೇ ಅವಧಿಗೆ 70.70 ಟಿಎಂಸಿ ನೀರು ಸಂಗ್ರಹವಾಗಿತ್ತು. ಆದರೆ ಈ ಬಾರಿ 111.81 ಟಿಎಂಸಿ ನೀರು ಸಂಗ್ರಹವಾಗಿದೆ. ಅಂದರೆ 41 ಟಿಎಂಸಿಗೂ ಅಧಿಕ ನೀರು ಸಂಗ್ರಹವಾಗಿದೆ.

ಕೆಆರ್​ಎಸ್​ ಜಲಾಶಯಕ್ಕೆ 42 ಸಾವಿರ ಕ್ಯೂಸೆಕ್​ನ್ನಷ್ಟು ನೀರಿನ ಒಳಹರಿವು ಇದ್ದು, 30 ಸಾವಿರ ಕ್ಯೂಸೆಕ್​ನ್ನಷ್ಟು ನೀರನ್ನು ಹೊರಬಿಡಲಾಗುತ್ತಿದೆ. ಹೇಮಾವತಿ ಜಲಾಶಯಕ್ಕೆ 34 ಸಾವಿರದಷ್ಟು ಕ್ಯೂಸೆಕ್​ ನೀರು ಒಳಹರಿವು ಇದ್ದು, 34 ಸಾವಿರದಷ್ಟು ನೀರನ್ನು ಹೊರಬಿಡಲಾಗುತ್ತಿದೆ.