ADVERTISEMENT
ಕಳೆದ ನಾಲ್ಕು ವರ್ಷಗಳಲ್ಲಿ ಕರ್ನಾಟಕದಲ್ಲಿ ಹೊಸ ಪ್ರಾಥಮಿಕ ಶಾಲೆಗಳು ತೆರೆದಿಲ್ಲ. ಕರ್ನಾಟಕದಲ್ಲಿ 4 ವರ್ಷಗಳಲ್ಲಿ ಸರ್ಕಾರಿ ಶಾಲೆಗಳ ಸಂಖ್ಯೆಯನ್ನೇ ಮೀರಿಸಿ ಖಾಸಗಿ ಶಾಲೆಗಳು ಆರಂಭ ಆಗಿವೆ.
ಪ್ರಮುಖ ಇಂಗ್ಲೀಷ್ ದೈನಿಕ ಡೆಕ್ಕನ್ ಹೆರಾಲ್ಡ್ ವರದಿ ಪ್ರಕಟಿಸಿದೆ.
2019-20ರಿಂದ 2022-23ರ ಅವಧಿಯಲ್ಲಿ ಕರ್ನಾಟಕದಲ್ಲಿ ಒಂದೇ ಒಂದು ಪ್ರಾಥಮಿಕ ಸರ್ಕಾರಿ ಶಾಲೆ ಆರಂಭವಾಗಿಲ್ಲ.
ಆದರೆ 2019ರಲ್ಲಿ 864, 2020ರಲ್ಲಿ 608, 2021ರಲ್ಲಿ 263 ಮತ್ತು 2022ರ ಅವಧಿಯಲ್ಲಿ 404 ಖಾಸಗಿ ಅನುದಾನ ರಹಿತ ಪ್ರಾಥಮಿಕ ಶಾಲೆಗಳಿಗೆ ಸರ್ಕಾರ ಅನುಮತಿ ನೀಡಿದೆ.
ಪ್ರೌಢಶಾಲೆಗಳ ವಿಷಯಕ್ಕೆ ಬಂದರೆ 2019ರ ಅವಧಿಯಲ್ಲಿ ಒಂದೇ ಒಂದು ಸರ್ಕಾರಿ ಪ್ರೌಢಶಾಲೆಗಳು ಆರಂಭವಾಗಿಲ್ಲ. 2020ರಲ್ಲಿ 7, 2021ರಲ್ಲಿ 8 ಮತ್ತು 2020ರಲ್ಲಿ 120 ಸರ್ಕಾರಿ ಪ್ರೌಢಶಾಲೆಗಳಿಗೆ ಅನುಮತಿ ಸಿಕ್ಕಿದೆ.
ಖಾಸಗಿ ಪ್ರೌಢಶಾಲೆಗಳ ವಿಷಯಕ್ಕೆ ಬಂದರೆ 2019ರಲ್ಲಿ 282, 2020ರಲ್ಲಿ 155, 2021ರಲ್ಲಿ 91 ಮತ್ತು 2022ರಲ್ಲಿ 282 ಖಾಸಗಿ ಪ್ರೌಢಶಾಲೆಗಳಿಗೆ ಅನುಮತಿ ಸಿಕ್ಕಿದೆ.
4 ವರ್ಷಗಳಲ್ಲಿ ಕರ್ನಾಟಕದಲ್ಲಿ ಆರಂಭವಾಗಿರುವ ಖಾಸಗಿ ಪ್ರಾಥಮಿಕ ಶಾಲೆಗಳ ಸಂಖ್ಯೆ ಬರೋಬ್ಬರೀ 2,139. ಆದರೆ ಈ ಅವಧಿಯಲ್ಲಿ ರಾಜ್ಯದಲ್ಲಿ ಅನುಮತಿ ನೀಡಲಾಗಿರುವ ಸರ್ಕಾರಿ ಪ್ರಾಥಮಿಕ ಶಾಲೆಗಳ ಸಂಖ್ಯೆ ಸೊನ್ನೆ.
4 ವರ್ಷಗಳ ಅವಧಿಯಲ್ಲಿ ಆರಂಭಕ್ಕೆ ಅನುಮತಿ ನೀಡಲಾಗಿರುವ ಸರ್ಕಾರಿ ಪ್ರೌಢಶಾಲೆಗಳ ಸಂಖ್ಯೆ ಕೇವಲ 135. ಆದರೆ ಇದೇ ಅವಧಿಯಲ್ಲಿ ಶುರುವಾದ ಖಾಸಗಿ ಪ್ರೌಢಶಾಲೆಗಳ ಸಂಖ್ಯೆ 810.
ADVERTISEMENT