ಟೀಂ ಇಂಡಿಯಾ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಕ್ರೀಸ್ನಲ್ಲಿ ಇದ್ದರೆ ಬೌಂಡರಿಗಳ ಸುರಿಮಳೆ ಗ್ಯಾರಂಟಿ ಎಂದು ಅಭಿಮಾನಿಗಳು ಭಾವಿಸುತ್ತಾರೆ. ಟೆಸ್ಟ್ಗಳಲ್ಲಿ ಹೆಚ್ಚಾಗಿ ಸಿಕ್ಸ್ ಹೊಡೆಯದಿದ್ದರೂ ಫೋರ್ಗಳನ್ನು ಲೀಲಾಜಾಲವಾಗಿ ಬಾರಿಸುತ್ತಾರೆ.
ಅಂತಹ ಕೊಹ್ಲಿ ವಿಂಡೀಸ್ ವಿರುದ್ಧದ ಮೊದಲ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ (36*:96 ಎಸೆತಗಳಲ್ಲಿ ಕೇವಲ ಒಂದು ಫೋರ್) ಈವರೆಗೂ ಬಾರಿಸಿದ್ದು ಕೇವಲ ಒಂದೇ ಒಂದು ಬೌಂಡರಿ ಎಂದರೇ ನಂಬೋಕೆ ಸಾಧ್ಯನಾ? ನಂಬಲೇಬೇಕು.
ವಿರಾಟ್ ಕೊಹ್ಲಿ ಎದುರಿಸಿದ 81ನೇ ಎಸೆತವನ್ನು ಬೌಂಡರಿ ಗೆರೆ ಮುಟ್ಟಿಸಿದರು. ಈ ಸಂದರ್ಭದಲ್ಲಿ ಕೊಹ್ಲಿ ಮುಖದಲ್ಲಿ ಚಿಮ್ಮಿದ ನಗೆ ಈಗ ವೈರಲ್ ಆಗಿದೆ. ವಾರಿಕನ್ ಎಸೆದ ಇನ್ನಿಂಗ್ಸ್ನ 110ನೇ ಓವರ್ನಲ್ಲಿ ವಿರಾಟ್ ಕೊಹ್ಲಿ ಕವರ್ಡ್ರೈವ್ ಮೂಲಕ ಬೌಂಡರಿ ಗಳಿಸಿದರು.
Calling it a night! That celebration by @imVkohli after hitting his first boundary on the 81st ball.
.
.#INDvWIonFanCode #WIvIND pic.twitter.com/4SjNLZCMhx— FanCode (@FanCode) July 13, 2023
ADVERTISEMENT
ಕ್ಯಾಪ್ಟನ್ ರೋಹಿತ್ ಶರ್ಮಾ(103), ಶುಭ್ಮನ್ ಗಿಲ್(6) ಪಟಪಟನೆ ಪೆವಿಲಿಯನ್ ಸೇರಿದರು. ಹೀಗಾಗಿ ಸೆಂಚುರಿಯೊಂದಿಗೆ ಮುಂದುವರೆಯುತ್ತಿರುವ ಯುವ ಬ್ಯಾಟರ್ ಯಶಸ್ವಿ ಜೈಸ್ವಾಲ್(143*) ಜೊತೆಗೂಡಿ ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ಅನ್ನು ಸರಿದಾರಿಗೆ ತಂದರು. ಇವರಿಬ್ಬರೂ ನಾಲ್ಕನೇ ವಿಕೆಟ್ಗೆ ಈವರೆಗೂ 2015 ಎಸೆತಗಳಲ್ಲಿ 72 ರನ್ ಜೋಡಿಸಿದ್ದಾರೆ.
ಮೊದಲ ಎಸೆತದಿಂದಲೂ ನಿಧಾನವಾಗಿ ಆಡಿದ ಕೊಹ್ಲಿ ಯಾವುದೇ ಹಂತದಲ್ಲಿ ರಿಸ್ಕಿ ಶಾಟ್ಗೆ ಕೈ ಹಾಕಲಿಲ್ಲ. ಸೀನಿಯರ್ ಆಟಗಾರ ಚೇತೇಶ್ವರ ಪೂಜಾರ ಇಲ್ಲದ ಕೊರತೆಯನ್ನುಕೊಹ್ಲಿ ತುಂಬುತ್ತಿದ್ದಾರೆ ಎಂದು ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.
ಪ್ರಸ್ತುತ ಭಾರತ 312/2 ಸ್ಕೋರ್ನೊಂದಿಗೆ ಮುಂದುವರೆಯುತ್ತಿದೆ. ವೆಸ್ಟ್ ಇಂಡೀಸ್ಗಿಂತ 162 ರನ್ಗಳ ಮುನ್ನಡೆಯಲ್ಲಿದೆ. ಮೊದಲ ಇನ್ನಿಂಗ್ಸ್ನಲ್ಲಿ ವಿಂಡೀಸ್ 150 ರನ್ಗೆ ಆಲೌಟ್ ಆಗಿದೆ.
ADVERTISEMENT
