ಜಗತ್ತಿನ ದೈತ್ಯ ಉದ್ಯಮಿ ಮುಖೇಶ್ ಅಂಬಾನಿಗೆ (Mukesh Ambani) ಜೀವ ಬೆದರಿಕೆ ಹಾಕಿದ ಹಿನ್ನೆಲೆಯಲ್ಲಿ ಓರ್ವ ಶಂಕಿತನನ್ನು ವಶಕ್ಕೆ ಪಡೆಯಲಾಗಿದೆ.
ಮುಂಬೈನಲ್ಲಿರುವ ರಿಲಯನ್ಸ್ ಫೌಂಡೇಷನ್ ಹಾಸ್ಪಿಟಲ್ನ ( Reliance Foundation Hospital ) ಸಹಾಯವಾಣಿ (Helpline) ಸಂಖ್ಯೆಯಿಂದ ಹಲವು ಬಾರಿ ಬೆದರಿಕೆ ಕರೆ ಹಾಕಲಾಗಿದೆ.
ಬೆಳಗ್ಗೆ 10.30ರ ವೇಳೆ ಅಂಬಾನಿ ಮತ್ತವರ ಕುಟುಂಬದವರಿಗೆ ದೂರವಾಣಿ ಮೂಲಕ ಬೆದರಿಕೆ ಹಾಕಲಾಗಿದೆ.
ಬೆದರಿಕೆ ಹಾಕಿದ್ದಾನೆ ಎನ್ನಲಾಗಿರುವ ಶಂಕಿತನನ್ನು ಮುಂಬೈನ ದಹೀಸಾರ್ನಲ್ಲಿ ವಶಕ್ಕೆ ಪಡೆಯಲಾಗಿದೆ.
ಕಳೆದ ವರ್ಷ ಅಂದರೆ ಫೆಬ್ರವರಿ 2021ರಲ್ಲಿ ಮುಂಬೈನಲ್ಲಿರುವ ಮುಖೇಶ್ ಅಂಬಾನಿ ನಿವಾಸ (Ambani House) ಆಂಟಿಲಿಯಾದ (Antilia) ಬಳಿ ನಿಲ್ಲಿಸಿದ್ದ ಜಿಲೆಟಿನ್ ಕಡ್ಡಿ ತುಂಬಿದ್ದ ಸ್ಕಾಪಿರ್ಯೋ ಪತ್ತೆ ಆಗಿತ್ತು. ಅದರ ಚಾಲಕ ಮನ್ಸುಖ್ ಹಿರೇನ್ ಕೊಲೆ ಆಗಿದ್ದ.
ಆ ಪ್ರಕರಣವನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆಗೆ (NIA) ವಹಿಸಲಾಗಿತ್ತು.
ಪ್ರಕರಣದಲ್ಲಿ ಪೊಲೀಸ್ ಅಧಿಕಾರಿಗಳಾದ ಸಚಿನ್ ವಜೆ (Sunila Vaze), ಸುನಿಲ್ ವನೆ ಮತ್ತು ಎನ್ಕೌಂಟರ್ ಸ್ಪೆಷಲಿಸ್ಟ್ ಪ್ರದೀಪ್ ಶರ್ಮಾನನ್ನು ಬಂಧಿಸಲಾಗಿತ್ತು.