ಅಕ್ರಮ ಅಸ್ತಿ ಗಳಿಕೆ: ನಿವೃತ್ತ ಇಂಜಿನಿಯರ್​ಗೆ 6 ವರ್ಷ ಜೈಲು, 2.5 ಕೋಟಿ ರೂ. ದಂಡ – ಮಂಗಳೂರು ಕೋರ್ಟ್​ ತೀರ್ಪು

ಅಕ್ರಮ ಆಸ್ತಿ ಗಳಿಕೆ ಪ್ರಕರಣದಲ್ಲಿ ನಿವೃತ್ತ ಕಾರ್ಯನಿವಾರ್ಹಕ ಇಂಜಿನಿಯರ್​ಗೆ 6 ವರ್ಷಗಳ ಶಿಕ್ಷೆ ವಿಧಿಸಿರುವ ಮಂಗಳೂರು ನ್ಯಾಯಾಲಯ, 2.5 ಕೋಟಿ ರೂಪಾಯಿ ದಂಡ ವಿಧಿಸಿದೆ.

ಮಂಗಳೂರಿನ ಮೂರನೇ ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್​​ ಕೋರ್ಟ್​​ನ ನ್ಯಾಯಾಧೀಶ ಬಿ ಬಿ ಜಾಕಟಿ ಈ ತೀರ್ಪು ನೀಡಿದ್ದಾರೆ.

ಸಣ್ಣ ನೀರಾವರಿ ಇಲಾಖೆಯಲ್ಲಿ ಕಾರ್ಯನಿರ್ವಾಹಕ ಇಂಜಿನಿಯರ್​ ಆಗಿದ್ದ ಎನ್​ ಟಿ ರಾಜಗೋಪಾಲ್​ ಅವರ ವಿರುದ್ಧ 2010ರ ಮಾರ್ಚ್​​ 17ರಂದು ಲೋಕಾಯುಕ್ತ ಪೊಲೀಸರು ಅಕ್ರಮ ಆಸ್ತಿ ಗಳಿಕೆ ಸಂಬಂಧ ಆರೋಪಪಟ್ಟಿ ಸಲ್ಲಿಸಿದ್ದರು.

ಒಂದು ವೇಳೆ ದಂಡ ಪಾವತಿಸಲು ವಿಫಲರಾದರೆ ಮತ್ತೆ ಹೆಚ್ಚುವರಿಯಾಗಿ ಒಂದೂವರೆ ವರ್ಷ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ ಎಂದು ತೀರ್ಪಿನಲ್ಲಿ ಹೇಳಲಾಗಿದೆ.

ಎನ್​ ಟಿ ರಾಜಗೋಪಾಲ್​ ಅವರು ಯಾದಗಿರಿ ಜಿಲ್ಲಾ ಪಂಚಾಯತ್​ನಲ್ಲಿ ಇಂಜಿನಿಯರ್​ ಆಗಿ ನಿವೃತ್ತಿ ಹೊಂದಿದ್ದರು. ಸದ್ಯ ಇವರು ಮಂಗಳೂರು ಜೈಲಿನಲ್ಲಿದ್ದಾರೆ.