ಸಾಗರ: ಡಯಾಲಿಸಿಸ್​ ಸೆಂಟರ್​ ಉನ್ನತೀಕರಣಕ್ಕೆ ಅಗತ್ಯ ಕ್ರಮ – ಸಚಿವ ನಾರಾಯಣಗೌಡ ಭರವಸೆ

ಸಾಗರ (Sagara, Shivamogga) ಸರ್ಕಾರಿ ಆಸ್ಪತ್ರೆಗೆ ರೇಷ್ಮೆ, ಯುವ ಸಬಲೀಕರಣ ಮತ್ತು ಕ್ರೀಡೆ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಡಾ.ನಾರಾಯಣಗೌಡ (Dr K C Narayanagowda) ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಡಯಾಲಿಸಿಸ್ ಸೆಂಟರ್ ಗೆ (Dialysis Center) ಹೆಚ್ಚಿನ ಉಪಕರಣಗಳು ಅವಶ್ಯಕತೆಯಿದೆ.  ಆಸ್ಪತ್ರೆಯಲ್ಲಿ ರೋಗಿಗಳ ಸಂಖ್ಯೆ ಹೆಚ್ಚಾಗಿದ್ದು, ಆಸ್ಪತ್ರೆಯನ್ನು ಉನ್ನತ್ತಿಕರಿಸಲು ಶಾಸಕ ಹರತಾಳು ಹಾಲಪ್ಪ (Haratalu Halappa) ಮನವಿ ಮಾಡಿದರು.

ಈ ಕುರಿತು ಪ್ರತಿಕ್ರಿಯಿಸಿದ ಸಚಿವ ಡಾ.ನಾರಾಯಣಗೌಡ ಅವರು, ಆಸ್ಪತ್ರೆಗೆ ಅಗತ್ಯವಿರುವ ಡಯಾಲಿಸಿಸ್ ಉಪಕರಣಗಳನ್ನು ಒದಗಿಸಲು ಕೂಡಲೇ ಕ್ರಮವಹಿಸಲಾಗುವುದು. ಆಸ್ಪತ್ರೆಯ ಒತ್ತಡಕ್ಕೆ ತಕ್ಕಂತೆ ಅಭಿವೃದ್ಧಿ ಕಾರ್ಯಗಳಾಗಬೇಕಿದ್ದು, ಕೂಡಲೇ ಆರೋಗ್ಯ ಸಚಿವರು ಹಾಗೂ ಮುಖ್ಯಮಂತ್ರಿಗಳ ಜೊತೆ ಚರ್ಚಿಸಿ ಅಗತ್ಯ ನೆರವು ನೀಡಲು ಸಹಕರಿಸುವುದಾಗಿ ಎಂದು ತಿಳಿಸಿದರು.