MS DHONI: ಧೋನಿ ಮೊಣಕಾಲು ಆಪರೇಷನ್ ಸಕ್ಸಸ್

ಟೀಂ ಇಂಡಿಯಾ ಮಾಜಿ ನಾಯಕ ಎಂಎಸ್ ಧೋನಿ ಎಡ ಮೊಣಕಾಲಿನ ಶಸ್ತ್ರ ಚಿಕಿತ್ಸೆ ಯಶಸ್ವಿಯಾಗಿದೆ. ಇತ್ತೀಚಿಗೆ ಮುಗಿದ ಐಪಿಎಲ್ ಟೂರ್ನಿಯಲ್ಲಿ ಮೊಣಕಾಲಿನ ಸಮಸ್ಯೆಯಿಂದ ಬಳಲಿದ್ದರು. ಆದರೂ, ಸಿಎಸ್​ಕೆ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು.

ಕಪ್ ಗೆದ್ದ 48 ಗಂಟೆಗಳಲ್ಲಿ ಶಸ್ತ್ರಚಿಕಿತ್ಸೆಗಾಗಿ ಅಹ್ಮದಾಬಾದ್​ನಿಂದ ಮುಂಬೈ ತಲುಪಿದ್ದ ಧೋನಿಗೆ ಬಿಸಿಸಿಐ ಮೆಡಿಕಲ್ ಪ್ಯಾನಲ್ ಸದಸ್ಯರಾದ ಪಾರ್ದಿವಾಲಾ ನೇತೃತ್ವದ ತಜ್ಱ ವೈದ್ಯರ ತಂಡ ಕೋಕಿಲಾ ಬೆನ್​ ಆಸ್ಪತ್ರೆಯಲ್ಲಿ ಯಶಸ್ವಿಯಾಗಿ ಆಪರೇಷನ್ ಮಾಡಿದ್ದಾರೆ.

ಸದ್ಯ ಧೋನಿ ಆಸ್ಪತ್ರೆಯಲ್ಲಿಯೇ ಇದ್ದಾರೆ. ಮುಂದಿನ ಎರಡು ದಿನಗಳಲ್ಲಿ ಅವರು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಲಿದ್ದಾರೆ. ಕೆಲ ಕಾಲ ಮನೆಯಲ್ಲಿಯೇ ವಿಶ್ರಾಂತಿಪಡೆಯಲಿದ್ದಾರೆ. ಮುಂದಿನ ಐಪಿಎಲ್​ಗೆ ತಯಾರಿ ನಡೆಸಲು ಸಾಕಷ್ಟು ಸಮಯ ಸಿಗಲಿದೆ

ಎಂದು ಸಿಎಸ್​ಕೆ ಸಿಇಓ ವಿಶ್ವನಾಥನ್ ತಿಳಿಸಿದ್ದಾರೆ.

ಅಂದರೆ, ಮುಂದಿನ ಐಪಿಎಲ್​ನಲ್ಲೂ ಧೋನಿ ಆಡಲಿದ್ದಾರೆ. ಧೋನಿ ನಿವೃತ್ತಿ ತೆಗೆದುಕೊಳ್ಳಲ್ಲ ಎಂಬ ಸುಳಿವನ್ನು ಸಿಎಸ್​ಕೆ ಮ್ಯಾನೇಜ್ಮೆಂಟ್ ನೀಡಿದೆ.

ಪಾರ್ದಿವಾಲಾ ಅವರು ಈ ಹಿಂದೆ ರಿಷಬ್ ಪಂತ್​, ನೀರಜ್ ಚೋಪ್ರಾಗೆ ಶಸ್ತ್ರಚಿಕಿತ್ಸೆ  ಮಾಡಿದ್ದರು.​