#MSDhoni: ಧೋನಿ ಬರ್ತ್​​ಡೇ… ಆಕಾಶದೆತ್ತರದ ಕಟೌಟ್​..

ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್​ ಮಹೇಂದ್ರ ಸಿಂಗ್ ಧೋನಿಗೆ ಇಂದು ಜನ್ಮದಿನದ ಸಂಭ್ರಮ. 42ನೇ ವಸಂತಕ್ಕೆ ಕಾಲಿಟ್ಟ ಧೋನಿಗೆ ಶುಭಾಷಯಗಳ ಮಹಾಪೂರವೇ ಹರಿದುಬರುತ್ತಿದೆ. ಅಭಿಮಾನಿಗಳ ಸಡಗರ, ಸಂಭ್ರಮ ಮುಗಿಲುಮುಟ್ಟಿದೆ.

ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಹೇಳಿ ಮೂರು ವರ್ಷ ಕಳೆದರೂ ಅವರ ಬಗ್ಗೆ ಅಭಿಮಾನಿಗಳಿಗೆ ಇರುವ ಕ್ರೇಜ್ ಎಳ್ಳಷ್ಟು ಕಡಿಮೆ ಆಗಿಲ್ಲ.

ಅದರಲ್ಲೂ ಸಿಎಸ್​​ಕೆ ಐದನೇ ಬಾರಿ ಐಪಿಎಲ್​ ಚಾಂಪಿಯನ್ ಆಗುವುದರೊಂದಿಗೆ ಧೋನಿ ಮೇಲಿನ ಅಭಿಮಾನಿಗಳ ಪ್ರೀತಿ ಆಕಾಶದೆತ್ತರಕ್ಕೆ ಹೋಗಿದೆ.

ಧೋನಿ ಜನ್ಮದಿನದ ಪ್ರಯುಕ್ತ ಹೈದರಾಬಾದ್​ನ ಆರ್​ಟಿಸಿ ಕ್ರಾಸ್ ರೋಡ್​ನಲ್ಲಿ 52 ಅಡಿ ಎತ್ತರ ಬೃಹತ್ ಕಟೌಟ್​ ಅನ್ನು ಅಭಿಮಾನಿಗಳು ಅಳವಡಿಸಿದ್ದಾರೆ. ಟೀಂ ಇಂಡಿಯಾ ಜೆರ್ಸಿ ಧರಿಸಿ, ಬ್ಯಾಟ್ ಹಿಡಿದಿರುವ ಧೋನಿ ಕಟೌಟ್​ ಮಿರಮಿರ ಮಿಂಚುತ್ತಿದೆ.

ಇದಕ್ಕಿಂತಲೂ ದೊಡ್ಡದಾದ ಕಟೌಟ್​ ಅನ್ನು ಆಂಧ್ರಪ್ರದೇಶದ ನಂದಿಗಾಮದಲ್ಲಿ ಅಭಿಮಾನಿಗಳು ಅಳವಡಿಸಿದ್ದಾರೆ. ಇದರ ಎತ್ತರ ಬರೋಬ್ಬರಿ 77 ಅಡಿ. ಇದಕ್ಕೆ ಸಂಬಂಧಿಸಿದ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ

ಇದು ಕ್ರಿಕೆಟರ್​​ಗಳಿಗೆ ಈವರೆಗೂ ಅಳವಡಿಸಿದ ಕಟೌಟ್​​ಗಳಲ್ಲಿಯೇ ಅತ್ಯಂತ ದೊಡ್ಡದು ಎಂದು ಹೇಳಲಾಗುತ್ತಿದೆ.