Namma Metro: ಬೆಂಗಳೂರಿಗರಿಗೆ ಸಿಹಿ ಸುದ್ದಿ: ನಾಳೆಯಿಂದ ಈ 2 ಮಾರ್ಗದಲ್ಲಿ ಮೆಟ್ರೋ ರೈಲು ಸಂಚಾರ ಶುರು

ಸಂಚಾರ ದಟ್ಟಣೆಯಿಂದ ಕಂಗೆಟ್ಟಿರುವ ರಾಜಧಾನಿ ಬೆಂಗಳೂರಿಗರಿಗೆ ಸಮಾಧಾನಕಾರಿ ಸುದ್ದಿ. ನಾಳೆಯಿಂದ ಬಹು ನಿರೀಕ್ಷಿತ ಬೈಯಪ್ಪನಹಳ್ಳಿ ಮತ್ತು ಕೆ ಆರ್​ ಪುರ ನಡುವಿನ ಹಾಗೂ ಕೆಂಗೇರಿ ಮತ್ತು ಚಲಘಟ್ಟ ನಡುವೆ ಮೆಟ್ರೋ ರೈಲು ಓಡಾಟ ಆರಂಭ ಆಗಲಿದೆ. (#NammaMetro #PurpleLineOperarions)

ನಾಳೆ ಅಂದರೆ ಅಕ್ಟೋಬರ್​ 9ರಂದು ಬೆಳಗ್ಗೆ 5 ಗಂಟೆಯಿಂದ ಈ ಎರಡೂ ಮಾರ್ಗದಲ್ಲಿ (ನೇರಳೆ ಮಾರ್ಗದಲ್ಲಿ) ಮೆಟ್ರೋ ಸಂಚಾರ ಆರಂಭವಾಗಲಿದೆ. ವೈಟ್​ಫೀಲ್ಡ್​ನಿಂದ ಪ್ರತಿ ದಿನ ಕೊನೆಯ ಮೆಟ್ರೋ ರೈಲು ರಾತ್ರಿ 10.45ಕ್ಕೆ ನಿರ್ಗಮಿಸಲಿದೆ.

ಬೈಯಪ್ಪನಹಳ್ಳಿ  ಮತ್ತು ಕೆ ಆರ್​ ಪುರ ನಡುವೆ 2.1 ಕಿಲೋ ಮಾರ್ಗ ಮತ್ತು ಕೆಂಗೇರಿ ಮತ್ತು ಚಲಘಟ್ಟ ನಡುವೆ 2.05 ಕಿಲೋ ಮೀಟರ್​ ಮೆಟ್ರೋ ರೈಲು ಮಾರ್ಗ ನಾಳೆಯಿಂದ ಸಾರ್ವಜನಿಕರ ಬಳಕೆಗೆ ಮುಕ್ತವಾಗಲಿದೆ.

ಈ ಮಾರ್ಗಗಳಲ್ಲೂ ಮೆಟ್ರೋ ಓಡಾಟ ಶುರುವಾಗುವುದರೊಂದಿಗೆ ನೇರಳೆ ಮಾರ್ಗ ಉದ್ದ 43.49 ಕಿಲೋ ಮೀಟರ್​ಗೆ ಹೆಚ್ಚಳವಾಗಿದೆ. ವೈಟ್​ಫೀಲ್ಡ್​ (ಕಾಡುಗೋಡಿ)ಯಿಂದ ಚಲಘಟ್ಟ ಸಂಪರ್ಕಿಸುವ ಈ ಮಾರ್ಗದಲ್ಲಿ 37 ಮೆಟ್ರೋ ನಿಲ್ದಾಣಗಳಿವೆ.

ಇದರೊಂದಿಗೆ ನಮ್ಮ ಮೆಟ್ರೋ ಸಂಪರ್ಕ ರಾಜಧಾನಿಯಲ್ಲಿ ಒಟ್ಟು 73.81 ಕಿಲೋ ಮೀಟರ್​ಗೆ ಏರಿಕೆ ಆಗಿದೆ.

ವೈಟ್​ಫೀಲ್ಡ್​ನಿಂದ ಪಟ್ಟಂದೂರು ಅಗ್ರಹಾರ ನಿಲ್ದಾಣಕ್ಕೆ 3 ನಿಮಿಷ, ಪಟ್ಟಂದೂರು ಅಗ್ರಹಾರದಿಂದ ಮೈಸೂರು ರಸ್ತೆ ನಿಲ್ದಾಣಕ್ಕೆ 3 ನಿಮಿಷ, ಮೆಜೆಸ್ಟಿಕ್​ನಿಂದ ಎಂಜಿ ರೋಡ್​ ನಿಲ್ದಾಣಕ್ಕೆ 3 ನಿಮಿಷ ಮತ್ತು ಮೈಸೂರು ರಸ್ತೆಯಿಂದ ಚಲಘಟ್ಟಕ್ಕೆ 10 ನಿಮಿಷ ಬೇಕಾಗುತ್ತದೆ,