ರಾಷ್ಟ್ರೀಯ ಫಿಲ್ಮ್ ಅವಾರ್ಡ್ಸ್ : ನಟ ಸೂರ್ಯ, ಅಜಯ್ ದೇವಗನ್​ಗೆ ಅತ್ಯುತ್ತಮ ನಟ ಪ್ರಶಸ್ತಿ

68 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳನ್ನು ಇಂದು ಘೋಷಣೆ ಮಾಡಲಾಗಿದೆ. ತಮಿಳು ನಟ ಸೂರ್ಯ ಹಾಗೂ ಹಿಂದಿ ನಟ ಅಜಯ್ ದೇವಗನ್ ಅವರು ಅತ್ಯುತ್ತಮ ನಟ ಎಂಬ ಪ್ರಶಸ್ತಿಯನ್ನು ಹಂಚಿಕೊಂಡಿದ್ದಾರೆ.

ಸೂರ್ಯ ಅವರ ಸೂರರೈ ಪೊಟ್ರುಟು ಸಿನೆಮಾ ಹಾಗೂ ಅಜಯ್ ದೇವಗನ್ ಅವರ ತಾನಾಜಿ: ದ ಅನ್​ಸಂಗ್ ವಾರಿಯರ್ ಎಂಬ ಚಿತ್ರದಲ್ಲಿನ ನಟನೆಗೆ ಈ ಇಬ್ಬರೂ ನಟರು ಜಂಟಿ ಪ್ರಶಸ್ತಿ ಸ್ವೀಕರಿಸಿದ್ದಾರೆ.

ಸೂರ್ಯ ನಟನೆಯ ಸೂರರೈ ಪೊಟ್ರುಡು ಸಿನೆಮಾ ಕ್ಯಾ.ಗೋಪಿನಾಥ್ ಅವರ ಜೀವನಾಧಾರಿತ ಚಿತ್ರವಾಗಿದೆ. ಈ ಚಿತ್ರದಲ್ಲಿನ ನಟನೆಗೆ ಅಪರ್ಣಾ ಬಾಲಮುರುಳಿ ಅವರ ಅತ್ಯುತ್ತಮ ನಟಿ ಪ್ರಶಸ್ತಿ ಸಂದಿದೆ. ಅಲ್ಲದೇ, ಅತ್ಯುತ್ತಮ ಚಿತ್ರ ಎಂಬ ಪ್ರಶಸ್ತಿಯನ್ನೂ ಗಳಿಸಿಕೊಂಡಿದೆ.

ಅಜಯ್ ದೇವಗನ್ ನಟನೆಯ ತಾನಾಜಿ: ದ ಅನ್​ಸಂಗ್ ವಾರಿಯರ್ ಚಿತ್ರ ಜನಪ್ರಿಯ ಮರಾಠ ಯೋಧ ತಾನಾಜಿ ಮಾಲಸೋರೆ ಅವರ ಕುರಿತಾಗಿದೆ. ಈ ಚಿತ್ರಕ್ಕೆ ಅತ್ಯುತ್ತಮ ಮನರಂಜನಾ ಚಿತ್ರ ಎಂಬ ಪ್ರಶಸ್ತಿಯೂ ಸಂದಿದೆ.