ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನಟಿ ನಯನತಾರಾ ಹಾಗೂ ವಿಜ್ಞೇಶ್ ಶಿವನ್

ಖ್ಯಾತ ನಟಿ ನಯನತಾರಾ(37) ಹಾಗೂ ನಿರ್ಮಾಪಕ ವಿಜ್ನೇಶ್ ಶಿವನ್(36) ಇಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಇಬ್ಬರ ಮದುವೆ ಸಮಾರಂಭಕ್ಕೆ ಖ್ಯಾತನಾಮರಾದ ರಜನೀಕಾಂತ್, ಶಾರುಖ್​ಖಾನ್, ಅಟ್ಲೀ, ಕಾರ್ತಿ, ಶರತ್​ಕುಮಾರ್, ವಿಜಯ್ ಸೇತುಪತಿ, ಮಣಿರತ್ನಂ ಸೇರಿದಂತೆ ಹಲವರು ಭಾಗವಹಿಸಿದ್ದಾರೆ.

ಈ ಮೊದಲು ತಿರುಪತಿಯಲ್ಲಿ ಮದುವೆ ಸಮಾರಂಭ ಮಾಡಲು ನಿರ್ಧರಿಸಲಾಗಿತ್ತು. ಆದರೆ, ಕಾರಣಾಂತರಗಳಿಂದ ಮಹಾಬಲಿಪುರಂನಲ್ಲಿ ಇಂದು ಮದುವೆ ಸಮಾರಂಭ ನಡೆದಿದೆ. ಈ ಮೊದಲೇ ವಿಜ್ಞೇಶ್ ಶಿವನ್ ತಿಳಿಸಿದಂತೆ ಕುಟುಂಬಸ್ಥರು ಹಾಗೂ ಸ್ನೇಹಿತರು ಮಧ್ಯೆ ಮದುವೆ ಸಮಾರಂಭ ಅದ್ದೂರಿಯಾಗಿ ನಡೆದಿದೆ.

ಇನ್​​ಸ್ಟಾಗ್ರಾಂ ಖಾತೆಯಲ್ಲಿ ವಿಜ್ಞೇಶ್ ಶಿವನ್ ಅವರು ಮದುವೆ ಸಮಾರಂಭದ ಮೊದಲ ಪೋಟೋ ಹಂಚಿಕೊಂಡಿದ್ದಾರೆ.

2015 ರಲ್ಲಿ ವಿಜ್ಞೇಶ್ ಶಿವನ್ ಅವರು ನಯನತಾರಾ ಅವರ ನಾನುಂ ರೌಡಿ ದಾನ್ ಚಿತ್ರದ ನಿರ್ದೇಶನ ಮಾಡಿದ್ದರು. ಈ ಚಿತ್ರದ ಚಿತ್ರೀಕರಣದಲ್ಲಿ ಇಬ್ಬರು ಪ್ರೀತಿಯ ಬಲೆಗೊಳಗೆ ಅಡಿಯಿಟ್ಟಿದ್ದರು. ಅಲ್ಲಿಂದ ಇಲ್ಲಿಯವರೆಗೂ ಇಬ್ಬರೂ ಲಿವ್ ಇನ್ ರಿಲೇಷನ್​ಶಿಪ್​ನಲ್ಲಿದ್ದರು.

ಈ ಮೊದಲು ನಯನತಾರಾ ಹಾಗೂ ಡ್ಯಾನ್ಸ್ ಮಾಸ್ಟರ್ ಪ್ರಭುದೇವ್ ಅವರು ರಿಲೇಷನ್​ಶಿಪ್​ನಲ್ಲಿದ್ದರು. ಆದರೆ, ಇಬ್ಬರು ನಡುವೆ ಮನಸ್ತಾಪ ಉಂಟಾದ ಕಾರಣ ಮದುವೆ ಮುರಿದುಬಿದ್ದಿತ್ತು.