BIG BREAKING: Ola-Uber​ ಎರಡೂ ಕಂಪನಿಗಳ ವಿಲೀನ ಮಾತುಕತೆ..?

ಮಹತ್ವದ ಬೆಳವಣಿಗೆಯಲ್ಲಿapp​ ಆಧಾರಿತ ಆಟೋ ಮತ್ತು ಕ್ಯಾಬ್​ ಸೇವೆ ನೀಡುವ ಓಲಾ ಮತ್ತು ಊಬರ್​ ವಿಲೀನ ಆಗುವ ಬಗ್ಗೆ ಮಾತುಕತೆ ನಡೆಯುತ್ತಿದೆ ಎಂದು ವರದಿ ಆಗಿದೆ.

ಓಲಾದ ಸಹ ಸಂಸ್ಥಾಪಕ ಭವೇಶ್​ ಅಗರ್​ವಾಲ್​ ಅವರು ಅಮೆರಿಕದ ಸ್ಯಾನ್​ ಫ್ರಾನ್ಸಿಸ್ಕೋದಲ್ಲಿ ಊಬರ್​ ಕಂಪನಿಯ ಹಿರಿಯ ಅಧಿಕಾರಿಗಳನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ ಎಂದು ಪ್ರಮುಖ ಆರ್ಥಿಕ ದೈನಿಕ ಏಕಾನಾಮಿಕ್​ ಟೈಮ್ಸ್​ ವರದಿ ಮಾಡಿದೆ.

ನಾಲ್ಕು ವರ್ಷಗಳ ಹಿಂದೆಯೂ ಇದೇ ರೀತಿಯಾದ ವಿಲೀನ ಮಾತುಕತೆ ನಡೆದಿತ್ತು.

ಕೋವಿಡ್​ ನಂತರ ಓಲಾ ಮತ್ತು ಊಬರ್​ಗೆ ಬೇಡಿಕೆ ಇಳಿದ ಹಿನ್ನೆಲೆಯಲ್ಲಿ ಸದ್ಯಕ್ಕೆ app​ ಆಧಾರಿತ ಕ್ಯಾಬ್​ ಮತ್ತು ಆಟೋ ಸೇವೆ ನೀಡುವುದಕ್ಕೆ ಈ ಎರಡೂ ಕಂಪನಿಗಳ ನಡುವೆ ಮಾರುಕಟ್ಟೆಯಲ್ಲಿ ಅಷ್ಟೇನೂ ಪೈಪೋಟಿ ನಡೆಯುತ್ತಿಲ್ಲ.

ಓಲಾ ಈಗಾಗಲೇ 500 ಮಂದಿಯನ್ನು ಕೆಲಸದಿಂದ ತೆಗೆದುಹಾಕಿದೆ ಮತ್ತು ಇನ್ನೂ 1 ಸಾವಿರ ಮಂದಿಯನ್ನು ತೆಗೆದುಹಾಕುವ ಸಾಧ್ಯತೆ ಇದೆ ಎಂದು ವರದಿ ಆಗಿದೆ.

ಓಲಾದ ಜೊತೆಗೆ ವಿಲೀನ ಆಗುವ ಬದಲು ಭಾರತದಲ್ಲಿ ಓಲಾವನ್ನು ಸ್ವಾಧೀನಪಡಿಸಿಕೊಳ್ಳಲು ಊಬರ್​ ಯೋಚನೆ ಮಾಡುತ್ತಿದೆ ಎಂದೂ ಏಕಾನಮಿಕ್​ ಟೈಮ್ಸ್​ ವರದಿ ಮಾಡಿದೆ.

ಓಲಾದಲ್ಲಿ ಪ್ರತಿ ವರ್ಷ 100 ಕೋಟಿ ಮಂದಿ ಪ್ರಯಾಣಿಸುತ್ತಿದ್ದಾರೆ. 15 ಲಕ್ಷ ಚಾಲಕರು ಓಲಾದ ಜೊತೆಗೆ ಟೈಅಪ್​ ಆಗಿದ್ದಾರೆ. 250 ನಗರಗಳಲ್ಲಿ ಓಲಾ ಸೇವೆ ನೀಡ್ತಿದ್ದು, 7 ಸಾವಿರ ಮಂದಿ ನೌಕರರು ಕಂಪನಿಯಲ್ಲಿದ್ದಾರೆ.