Covid-19: ಕೋವಿಡ್​ ಸೋಂಕಿತರಿಗೆ 1 ವಾರ ಹೋಂ ಐಸೋಲೇಷನ್​ ಕಡ್ಡಾಯ

ಕೋವಿಡ್​ ಸೋಂಕಿತರು ಕಡ್ಡಾಯವಾಗಿ 1 ವಾರ ಅಥವಾ ಏಳು ದಿನ ಮನೆಯಿಂದ ಹೊರಬರಕೂಡದು ಎಂದು ರಾಜ್ಯ ಸರ್ಕಾರ ಹೊಸ ಆದೇಶ ಹೊರಡಿಸಿದೆ. 

ಕೋವಿಡ್​ ಸೋಂಕಿತರಿಗೆ 1 ವಾರ ಹೋಂ ಐಸೋಲೇಷನ್​ ಕಡ್ಡಾಯಗೊಳಿಸುವುದಕ್ಕೆ ಕೋವಿಡ್​-19ಗೆ ಸಂಬಂಧಿಸಿದ ಸಚಿವರ ಸಂಪುಟ ಉಪ ಸಮಿತಿಯಲ್ಲಿ ತೀರ್ಮಾನ ಕೈಗೊಳ್ಳಲಾಗಿದೆ.

ಕೋವಿಡ್​ ಸೋಂಕಿತರ ಮನೆಗಳಿಗೆ ವೈದ್ಯರು ಮತ್ತು ಆರೋಗ್ಯ ಸಿಬ್ಬಂದಿ ಭೇಟಿ ನೀಡಲಿದ್ದಾರೆ ಎಂದು ಆರೋಗ್ಯ ಸಚಿವ ದಿನೇಶ್​ ಗುಂಡೂರಾವ್​ ಅವರು ಹೇಳಿದ್ದಾರೆ. 

ಖಾಸಗಿ ಮತ್ತು ಸರ್ಕಾರಿ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವವರಿಗೆ ಒಂದು ವೇಳೆ ಕೋವಿಡ್​ ಸೋಂಕು ದೃಢಪಟ್ಟರೆ ಆಗ ಅವರಿಗೆ ಒಂದು ವಾರದ ಹೋಂ ಐಸೋಲೇಷನ್​ಗಾಗಿ ರಜೆಯನ್ನೂ ನೀಡಲಾಗುತ್ತದೆ. ಒಂದು ವೇಳೆ ಆಸ್ಪತ್ರೆಗೆ ದಾಖಲಾದರೆ ಆಗ ವಿಶೇಷ ರಜೆ ನೀಡಲಾಗುತ್ತದೆ ಎಂದು ಆರೋಗ್ಯ ಸಚಿವರು ಹೇಳಿದ್ದಾರೆ. 

ಐಸಿಯುನಲ್ಲಿ ದಾಖಲಾಗಿರುವ ಕೋವಿಡ್​ ಸೋಂಕಿತರ ಬಗ್ಗೆ ಆರೋಗ್ಯ ಇಲಾಖೆ ಟೆಲಿ ಐಸಿಯು ಮೂಲಕ ನಿಗಾ ವಹಿಸಲಿದೆ ಎಂದು ಸಚಿವ ದಿನೇಶ್​ ಗುಂಡೂರಾವ್​ ಹೇಳಿದ್ದಾರೆ.