ಚಾಮರಾಜನಗರದಲ್ಲಿ ವಾಯುಸೇನೆಗೆ ಸೇರಿದ ತರಬೇತಿ ವಿಮಾನ ಪತನ

ಚಾಮರಾಜನಗರದಲ್ಲಿ ಭಾರತೀಯ ವಾಯುಸೇನೆಗೆ ಸೇರಿದ ಕಿರಣ್​ ತರಬೇತಿ ವಿಮಾನ ಪತನಗೊಂಡಿದೆ.

ಕೆ.ಮೂಕಹಳ್ಳಿ ಹೊರವಲಯದಲ್ಲಿ ಲಘು ವಿಮಾನ ಪತನಗೊಂಡಿದ್ದು ವಿಮಾನದಲ್ಲಿ ಇಬ್ಬರು ಪೈಲಟ್​ಗಳಿದ್ದರು.

ಬೆಂಗಳೂರಿನ ಹೆಚ್​ಎಎಲ್​ನಿಂದ ಈ ತರಬೇತಿ ವಿಮಾನದ ಎಂದಿನಂತೆ ಹಾರಾಟ ನಡೆಸಿತ್ತು. ವಿಮಾನದಲ್ಲಿದ್ದ 43 ವರ್ಷದ ತೇಜ್​ಪಾಲ್​ ಮತ್ತು 30 ವರ್ಷದ ಭೂಮಿಕಾ ಅಪಾಯದಿಂದ ಪಾರಾಗಿದ್ದಾರೆ.

ಚಾಮರಾಜನಗರದಿಂದ ವಾಪಸ್​ ಹೋಗುವ ವೇಳೆ ವಿಮಾನ ಪತನವಾಗಿದೆ.

ಪತನ ಸಂಬಂಧ ವಾಯುಸೇನೆ ತನಿಖೆಗೆ ಆದೇಶಿಸಿದೆ.

ಯು692 ಹೆಸರಿನ  ಕಿರಣ್​ ಲಘು ವಿಮಾನ ಪತನಗೊಂಡಿದೆ. ವಿಮಾನ ಪತನಗೊಂಡ ರಭಸಕ್ಕೆ ವಿಮಾನದ ಇಂಜಿನ್​, ರೆಕ್ಕೆಗಳೆಲ್ಲವೂ ಛಿದ್ರವಾಗಿವೆ.

ಕಿರಣ್ ಇದು ಹೆಚ್​​ಎಎಲ್​ ನಿರ್ಮಿತ ಎರಡು ಆಸನಗಳ ತರಬೇತಿ ವಿಮಾನವಾಗಿದೆ.​ 11 ಮೀಟರ್​ ಉದ್ದ ಇರುವ ಈ ಲಘು ವಿಮಾನವನ್ನು ವಾಯುಸೇನೆಯ ಕೋರಿಕೆಯ ಮೇರೆಗೆ ಹೆಚ್​ಎಎಲ್​ ನಿರ್ಮಿಸಿದೆ.

ಈ ವಿಮಾನ ಗಂಟೆಗೆ 693 ಕಿಲೋ ಮೀಟರ್​ ವೇಗದಲ್ಲಿ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿದ್ದು, 2560 ಕೆಜಿಯಷ್ಟು ಭಾರವಿದೆ.