ವರಮಹಾಲಕ್ಷ್ಮೀ ಪೂಜೆಯ ಫೋಟೋಗಳನ್ನು ಸೋಷಿಯಲ್​ ಮೀಡಿಯಾದಲ್ಲಿ ಹಾಕ್ಬೇಡಿ – ಪೊಲೀಸರ ಎಚ್ಚರಿಕೆ

ಇವತ್ತು ವರಮಹಾಲಕ್ಷ್ಮೀ ಹಬ್ಬ. ಈ ಹಿನ್ನೆಲೆಯಲ್ಲಿ ತಮ್ಮಮ್ಮ ಮನೆಯಲ್ಲಿರುವ ಆಭರಣ ಮತ್ತು ಹಣವನ್ನು ಲಕ್ಷ್ಮೀ ಚಿತ್ರದ ಮುಂದೆ ಇಟ್ಟು ಪೂಜೆ ಮಾಡುವುದು ವಾಡಿಕೆ.

ಆದರೆ ಈ ರೀತಿ ಪೂಜೆ ವೇಳೆ ಬಂಗಾರ ಮತ್ತು ಹಣ ಇಟ್ಟಿರುವ ಚಿತ್ರಗಳನ್ನು ಫೇಸ್​ಬುಕ್​ ಅಥವಾ ವಾಟ್ಸಾಪ್​ ಸೇರಿದಂತೆ ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಹಾಕದಂತೆ ಪೊಲೀಸರು ಎಚ್ಚರಿಕೆ ನೀಡಿದ್ದಾರೆ.

ಮಂಡ್ಯ ಜಿಲ್ಲೆಯ ಮದ್ದೂರು ತಾಲೂಕಿನ ಕೆಎಂ ದೊಡ್ಡಿ ಪೊಲೀಸರು ಆಟೋದಲ್ಲಿ ಕೂತು ಜನಸಾಮಾನ್ಯರಿಗೆ ಎಚ್ಚರಿಕೆ ನೀಡುತ್ತಿದ್ದಾರೆ.

ಅಲ್ಲದೇ ಹಬ್ಬದ ಖುಷಿಯಲ್ಲಿ ಮೈಮೇಲೆ ಆಭರಣ ಧರಿಸಿ ಒಬ್ಬಂಟಿಯಾಗಿ ಓಡಾಡದಂತೆ ಸಲಹೆ ನೀಡಿದ್ದಾರೆ.

ಸೋಷಿಯಲ್​ ಮೀಡಿಯಾದಲ್ಲಿ ಹಾಕಲಾಗುವ ಫೋಟೋಗಳನ್ನೇ ಬಳಸಿ ಕಳ್ಳರು, ದರೋಡೆಕೋರರು ಹೊಂಚು ಹಾಕಬಹುದಾದ ಹಿನ್ನೆಲೆಯಲ್ಲಿ ಎಚ್ಚರಿಕೆ ಸಂದೇಶ ನೀಡಲಾಗಿದೆ.