ಮೋದಿ ಮೂರನೇ ಪ್ರಮಾಣವಚನಕ್ಕೆ 7 ರಾಷ್ಟ್ರಗಳ ಗಣ್ಯರು – ಯಾವ ದೇಶದಿಂದ ಯಾರು ಬರ್ತಿದ್ದಾರೆ..?

ಅಲ್ಪಮತದ ಬಿಜೆಪಿ ಸಂಸದೀಯ ಪಕ್ಷದ ನಾಯಕರೂ ಆಗಿರುವ ನರೇಂದ್ರ ಮೋದಿ ಅವರು ನಾಳೆ ಸತತ ಮೂರನೇ ಬಾರಿಗೆ ಪ್ರಧಾನಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಲಿದ್ದಾರೆ.

ನಾಳೆ ಸಂಜೆ 7 ಗಂಟೆ 15 ನಿಮಿಷಕ್ಕೆ ರಾಷ್ಟ್ರಪತಿ ಭವನದಲ್ಲಿ ನಡೆಯಲಿರುವ ಐತಿಹಾಸಿಕ ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ ದ್ರೌಪತಿ ಮುರ್ಮು ಅವರು ಪ್ರಧಾನಮಂತ್ರಿಯಾಗಿ ನರೇಂದ್ರ ಮೋದಿಯವರಿಗೆ ಮತ್ತು ಅವರ ಸಂಪುಟ ಸೇರಲಿರುವ ಸಂಸದರಿಗೆ ಸಚಿವರಾಗಿ ಪ್ರಮಾಣವಚನ ಬೋಧಿಸಲಿದ್ದಾರೆ.

ನಾಳೆ ಈ ಕಾರ್ಯಕ್ರಮಕ್ಕೆ ನೆರೆಹೊರೆಯ ರಾಷ್ಟ್ರಗಳ ನಾಯಕರಿಗೆ ಆಹ್ವಾನ ನೀಡಲಾಗಿದೆ. ನಾಳೆ ಮೋದಿ ಅವರ ಪ್ರಮಾಣವಚನದಲ್ಲಿ ಭಾಗವಹಿಸಲಿರುವ ವಿದೇಶಿ ಗಣ್ಯರ ಪಟ್ಟಿ ಇಲ್ಲಿದೆ.

1. ಶ್ರೀಲಂಕಾ ಅಧ್ಯಕ್ಷ ರನಿಲ್​ ವಿಕ್ರಮಸಿಂಘೆ

2. ಮಾಲ್ಡೀವ್ಸ್​ ಅಧ್ಯಕ್ಷ ಡಾ ಮೊಹಮ್ಮದ್​ ಮೈಝು

3. ಸಿಚಿಲಿಸ್​ ಉಪಾಧ್ಯಕ್ಷ ಅಹ್ಮದ್​ ಅಫೀಫ್​

4. ಬಾಂಗ್ಲಾದೇಶ ಪ್ರಧಾನಿ ಶೇಖ್​ ಹಸೀನಾ

5. ಮಾರಿಷಸ್​ ಪ್ರಧಾನಿ ಪ್ರವಿಂದ್​ ಕುಮಾರ್​ ಜುಗನೌತ್​

6. ನೇಪಾಳ ಪ್ರಧಾನಿ ಪುಷ್ಪ ಕುಮಾರ್​ ದಹಲ್​ ಪ್ರಚಂಡ

7. ಭೂತಾನ್​ ಪ್ರಧಾನಿ ತೆಸ್ರಿಂಗ್​ ತಾಬ್​ಗೇ

ಬಾಂಗ್ಲಾದೇಶ ಪ್ರಧಾನಿ ಶೇಖ್​ ಹಸೀನಾ ಮತ್ತು ಸಿಚಿಲಿಸ್​ ಉಪಾಧ್ಯಕ್ಷ ಅಹ್ಮದ್​ ಅಫೀಫ್​ ಅವರು ಇವತ್ತೇ ಭಾರತಕ್ಕೆ ಆಗಮಿಸುತ್ತಿದ್ದು ಉಳಿದ ಗಣ್ಯರು ನಾಳೆ ಆಗಮಿಸಲಿದ್ದಾರೆ.