ಶರಾವತಿ ಹನ್ನೀರಿನಿಂದ ಸಂತ್ರಸ್ತರಾದ ಕುಟುಂಬಕ್ಕೆ ಪರಿಹಾರ ಒದಗಿಸುವಂತೆ ಆಗ್ರಹಿಸಿ ಶಿವಮೊಗ್ಗ ಜಿಲ್ಲಾ ಶರಾವತಿ ಹಿನ್ನೀರಿನ ಮುಳುಗಡೆ ರೈತರ ಸಂಘ ಮಂಗಳವಾರ ಮಾರ್ಚ್ 29 ರಂದು ಶಿವಮೊಗ್ಗ ಜಿಲ್ಲಾಧಿಕಾರಿಗಳ ಕಚೇರಿಯ ವರೆಗೆ ಬೃಹತ್ ಪ್ರತಿಭಟನಾ ರ್ಯಾಲಿ ಹಾಗೂ ಧರಣಿ ಹಮ್ಮಿಕೊಂಡಿದೆ.
1958 ರಿಂದ 1969 ರ ವರೆಗೆ ಶರಾವತಿ ನದಿಗೆ ಲಿಂಗನಮಕ್ಕಿ ಆಣೆಕಟ್ಟನ್ನು ನಿರ್ಮಿಸಿದ್ದರಿಂದ ಜಿಲ್ಲೆಯ ಸುಮಾರು 166 ಕುಟುಂಬಗಳ ಸುಮಾರು 1,06,000 ಸಾವಿರ ಎಕರೆ ಭೂಮಿ ಶರಾವತಿ ಹಿನ್ನೀರಿನ ಪಾಲಾಗಿದೆ. ಇದರಲ್ಲಿ 14,500 ಎಕರೆ ಖಾಸಗಿಯವರ ಜಮೀನಾಗಿದೆ.
ಅಂದಿನ ಮೈಸೂರು ರಾಜ್ಯ ಸರ್ಕಾರ ಹಾಗೂ ಶಿವಮೊಗ್ಗದ ಜಿಲ್ಲಾಧಿಕಾರಿಗಳ ಅರಣ್ಯ ಇಲಾಖೆಯಿಂದ 20 ಸಾವಿರ ಎಕರೆ ಭೂಮಿಯನ್ನು ಪಡೆದು ಸಂತ್ರಸ್ತರಿಗೆ ನೀಡಿತ್ತು. ಇದುವರೆಗೂ ಆ ಭೂಮಿಗೆ ಪೋಡಿ ದುರಸ್ತಿ ಮಾಡಿಲ್ಲ. ಆದರೆ, ಇದೀಗ ಈ ಭೂಮಿಯನ್ನು ಅರಣ್ಯ ಇಲಾಖೆ ಹಾಗೂ ಖಾಸಗಿಯವರು ಆಕ್ರಮಿಸಿಕೊಂಡಿದ್ದಾರೆ.
"ಅಂದು ಕಾಗೋಡು ಚಳವಳಿ ಇಂದು ಶರಾವತಿ ಚಳವಳಿ"
ಸರ್ಕಾರ ಗಂಭೀರವಾಗಿ ಪರಿಗಣಿಸಬೇಕು. ಇಲ್ಲದಿದ್ದರೆ ವಿದ್ಯುತ್ ಕಡಿತಗೊಳಿಸುವ ನಿರ್ಧಾರ ಕೈಗೊಳ್ಳುವ ಕ್ರಮ ಅನಿವಾರ್ಯವಾಗಬಹುದು. ಶರಾವತಿ ಮುಳುಗಡೆ ಸಂತ್ರಸ್ತರಿಗೆ ಭೂಮಿ ಹಕ್ಕು ನೀಡಿ. @CMofKarnataka @BSBommai @BSYBJP @BYRBJP @JnanendraAraga @RAshokaBJP @kumarbangarappa pic.twitter.com/k2lnQVYvkv— ವಿಜಯ್ ಆರ್ ಸೋಗೆದ್🐾🗾/Vijay r soged (@vijayrsoged) March 26, 2022
ಆದ್ದರಿಂದ ಸರ್ಕಾರ 60 ವರ್ಷದಿಂದಲೂ ಸಂತ್ರಸ್ತರಾದವರಿಗೆ ನ್ಯಾಯ ಒದಗಿಸಬೇಕು ಸರ್ಕಾರಿ ಭೂಮಿಯನ್ನು ಸಂತ್ರಸ್ತರ ಹೆಸರಿಗೆ ಡಿನೋಟಿಫಿಕೇಷನ್ ಆದ ಜಮೀನನ್ನು ಹಂಚಿಕೆ ಮಾಡಿಕೊಡಬೇಕು ಎಂದು ಶರಾವತಿ ಹಿನ್ನೀರಿನ ಮುಳುಗಡೆ ರೈತರ ಸಂಘ ಶಿವಮೊಗ್ಗದ ಆಲ್ಕೋಳ ಬಸ್ಸ್ಟಾಂಡ್ ವೃತ್ತದಿಂದ ಮಾಹಾವೀರ ವೃತ್ತದ ಮಾರ್ಗವಾಗಿ ಜಿಲ್ಲಾಧಿಕಾರಿಗಳ ಕಚೇರಿಯವರೆಗೆ ಮಾರ್ಚ್ 29 ರಂದು ಬೃಹತ್ ಪ್ರತಿಭಟನಾ ರ್ಯಾಲಿಯನ್ನು ಹಮ್ಮಿಕೊಂಡಿದೆ.
https://youtu.be/ihOEoNnfIT8