BIG BREAKING: ರಾಹುಲ್​ ಗಾಂಧಿ ವಿರುದ್ಧದ ತೀರ್ಪಿಗೆ ತಡೆ, ಅನರ್ಹತೆ ತತ್​ಕ್ಷಣದಿಂದಲೇ ರದ್ದು

ರಾಹುಲ್​ ಗಾಂಧಿ ವಿರುದ್ಧ ನೀಡಲಾಗಿದ್ದ ದೋಷಿ ಎಂಬ ತೀರ್ಪಿಗೆ ಸುಪ್ರೀಂಕೋರ್ಟ್​ ತಡೆಯಾಜ್ಞೆ ನೀಡಿದೆ.

ಈ ಮೂಲಕ ರಾಹುಲ್​ ಗಾಂಧಿ ಅವರ ಅನರ್ಹತೆ ತತ್​ಕ್ಷಣವೇ ರದ್ದಾಗಲಿದೆ. ಈ ಮೂಲಕ ರಾಹುಲ್​ ಗಾಂಧಿ ಅವರು ಮತ್ತೆ ಲೋಕಸಭೆಯ ಕಾರ್ಯಕಲಾಪದಲ್ಲಿ ಭಾಗವಹಿಸಬಹುದಾಗಿದೆ.

ಅರ್ಜಿದಾರರಿಗೆ (ರಾಹುಲ್​ ಗಾಂಧಿ) ಅವರಿಗೆ ಗರಿಷ್ಠ 2 ವರ್ಷಗಳ ಶಿಕ್ಷೆ ಕೊಟ್ಟಿರುವ ಬಗ್ಗೆ ವಿಚಾರಣಾ ನ್ಯಾಯಾಲಯ (ಸೂರತ್​ ನ್ಯಾಯಾಲಯ) ಮತ್ತು ತೀರ್ಪು ಎತ್ತಿ ಹಿಡಿದ ಹೈಕೋರ್ಟ್​​ ತನ್ನ ತೀರ್ಪಿನಲ್ಲಿ ಎಲ್ಲೂ ಕಾರಣಗಳನ್ನು ಹೇಳಿಲ್ಲ ಎಂದು ಸುಪ್ರೀಂಕೋರ್ಟ್​ ಅಭಿಪ್ರಾಯ ವ್ಯಕ್ತಪಡಿಸಿದೆ.

ಜನಪ್ರತಿನಿಧಿ ಕಾಯ್ದೆಯ ನಿಯಮದ ಪ್ರಕಾರ ಒಂದು ವೇಳೆ ದೋಷಿ ಎಂದು ನೀಡಲಾಗಿರುವ ತೀರ್ಪಿಗೆ ಒಂದು ವೇಳೆ ತಡೆಯಾಜ್ಞೆ ಸಿಕ್ಕರೆ ಆ ತಡೆಯಾಜ್ಞೆ ಸಿಕ್ಕ ಕ್ಷಣದಿಂದಲೇ ಅನರ್ಹತೆ ರದ್ದಾಗಲಿದೆ.

ಅನರ್ಹತೆಯಿಂದ ಅರ್ಜಿದಾರ (ರಾಹುಲ್​ ಗಾಂಧಿ) ಅವರ ಹಕ್ಕಿನ ಮೇಲಾಗಿರುವ ಪರಿಣಾಮ ಮತ್ತು ಅವರನ್ನು ಚುನಾಯಿಸಿದ ಕ್ಷೇತ್ರದ ಮತದಾರರ ಮೇಲಾಗಿರುವ ಪರಿಣಾಮಗಳನ್ನು ಗಮನಿಸಿ ದೋಷಿ ಎಂಬ ತೀರ್ಪಿಗೆ ತಡೆ ನೀಡುತ್ತಿರುವುದಾಗಿ ನ್ಯಾಯಮೂರ್ತಿ ಬಿ ಆರ್​ ಗವಾಯಿ, ಪಿ ಎಸ್​ ನರಸಿಂಹ ಮತ್ತು ನ್ಯಾಯಮೂರ್ತಿ ಸಂಜಯ್​ ಕುಮಾರ್​ ಅವರ ಪೀಠ ಹೇಳಿದೆ.