Sajjan Jindal: 64 ವರ್ಷದ ದೈತ್ಯ ಉದ್ಯಮಿ ಮೇಲೆ ಅತ್ಯಾಚಾರ ಕೇಸ್​

30  ವರ್ಷದ ನಟಿಯೊಬ್ಬರ ಮೇಲೆ ಅತ್ಯಾಚಾರ ಎಸಗಿದ್ದಾರೆ ಎನ್ನುವ ಆರೋಪದಡಿ ದೈತ ಉದ್ಯಮಿ 64 ವರ್ಷದ ಸಜ್ಜನ್​ ಜಿಂದಾಲ್​ ಮೇಲೆ ಎಫ್​ಐಆರ್​ ದಾಖಲಾಗಿದೆ.

ಮುಂಬೈನ ಬಾಂದ್ರಾ ಕುರ್ಲಾ ಪೊಲೀಸ್​ ಠಾಣೆಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

30 ವರ್ಷದ ಮಹಿಳೆ ವೈದ್ಯೆಯಾಗಿದ್ದು ಜೊತೆಗೆ ಮಾಡೆಲಿಂಗ್​ ಕೂಡಾ ಮಾಡಿದ್ದರು ಮತ್ತು ಕೆಲವು ಸಿನಿಮಾಗಳಲ್ಲೂ ನಟಿಸಿದ್ದಾರೆ.

ಜೆಎಸ್​ಡಬ್ಲ್ಯೂ ಕಂಪನಿ ಮುಖ್ಯಸ್ಥರಾಗಿರುವ ಸಜ್ಜನ್​ ಜಿಂದಾಲ್​ ವಿರುದ್ಧ ಐಪಿಸಿ ಕಲಂಗಳಾದ 376 (ಅತ್ಯಾಚಾರ), 354 (ಮಹಿಳೆಯ ಘನತೆಗೆ ಧಕ್ಕೆ ತರುವ ಸಲುವಾಗಿ ನಡೆಸಲಾದ ಹಲ್ಲೆ) ಮತ್ತು 503ರಡಿಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಸಂತ್ರಸ್ತೆಯ ಹೇಳಿಕೆಯನ್ನು ಪೊಲೀಸರು ದಾಖಲಿಸಿಕೊಂಡಿದ್ದಾರೆ. 

2021ರಲ್ಲಿ ದುಬೈನಲ್ಲಿ ಕ್ರಿಕೆಟ್​ ಪಂದ್ಯದ ವೇಳೆ ಮೊದಲ ಬಾರಿಗೆ ಆಕೆ ಜಿಂದಾಲ್​ರನ್ನು ಭೇಟಿಯಾಗಿದ್ದರು. ಆ ಭೇಟಿಯ ಬಳಿಕ ನಡೆದ ಹಲವು ಭೇಟಿಗಳ ವೇಳೆ ಜಿಂದಾಲ್​ ತನ್ನ ಮೇಲೆ ಲೈಂಗಿಕವಾಗಿ ಬಳಸಿಕೊಳ್ಳಲು ಯತ್ನಿಸಿದರು. 

ಅಕ್ಟೋಬರ್ಗ್ 2021ರಿಂದ ಜನವರಿ 2022ರವರೆಗೆ ಆ ರೀತಿ ಹಲವು ಭೇಟಿಗಳು ನಡೆದವು. ಕಳೆದ ವರ್ಷದ ಜನವರಿ 24ರಲ್ಲಿ ಜೆಎಸ್​ಡಬ್ಲ್ಯೂನ ಮುಖ್ಯ ಕಚೇರಿಯಲ್ಲಿ ಜಿಂದಾಲ್​ ಅವರು ತಮ್ಮನ್ನು ಮದುವೆ ಆಗುವ ಭರವಸೆ ನೀಡಿದ್ದರು ಎಂದು ಆ ಮಹಿಳೆ ದೂರಿನಲ್ಲಿ ಆರೋಪಿಸಿದ್ದಾರೆ.

ಆರೋಪ ನಿರಾಕರಿಸಿದ ಜಿಂದಾಲ್​:

ಎಫ್​ಐಆರ್​ ದಾಖಲಾದ ಬಳಿಕ ಮಾಧ್ಯಮ ಹೇಳಿಕೆ ಬಿಡುಗಡೆ ಮಾಡಿರುವ ಜಿಂದಾಲ್​ ತಮ್ಮ ಮೇಲಿನ ಆರೋಪಗಳನ್ನು ನಿರಾಕರಿಸಿದ್ದಾರೆ. ಇವೆಲ್ಲವೂ ಸುಳ್ಳು ಆರೋಪ, ತನಿಖೆ ನಡೆಯುತ್ತಿರುವ ಕಾರಣ ಪ್ರತಿಕ್ರಿಯೆ ಕೊಡಲ್ಲ. ತನಿಖೆಗೆ ಸಂಪೂರ್ಣ ಸಹಕಾರ ನೀಡುತ್ತೇವೆ ಎಂದು ಹೇಳಿದ್ದಾರೆ.

ಜೆಎಸ್​ಡಬ್ಲ್ಯೂ ಗ್ರೂಪ್​ನ ಮೌಲ್ಯ 1 ಲಕ್ಷದ 80 ಸಾವಿರ ಕೋಟಿ ರೂಪಾಯಿ.